ബോയിങ്​, റെയ്​ത്തൺ മേധാവികൾ അമീർ മുഹമ്മദിനെ കണ്ടു

വാഷിങ്​ടൺ: അമേരിക്കയിൽ സന്ദർശനം നടത്തുന്ന സൗദി കിരീടാവകാശി അമീർ മുഹമ്മദ്​ ബിൻ സൽമാൻ ബോയിങ്​, റെയ്​ത്തൺ കമ്പനി മേധാവികളുമായി ചർച്ച നടത്തി. 
ലോകത്തെ പ്രമുഖ വിമാന നിർമാണകമ്പനികളിലൊന്നാണ്​ ചിക്കാഗോ ആസ്​ഥാനമായ ബോയിങ്​. അരനൂറ്റാണ്ടിലേറെയായി സൗദിയുമായി അടുത്ത ബന്ധമുള്ള ആയുധനിർമാണ സ്​ഥാപനമാണ്​ റെയ്​ത്തൺ. സൗദിയിൽ മാത്രം റെയ്​ത്തണിന്​ 500 ന്​ അടുത്ത ജീവനക്കാരുണ്ട്​. 

തദ്ദേശീയമായ ആയുധനിർമാണത്തിന്​ സൗദിയെ തുണക്കുന്ന ​ഇൗ കമ്പനി, രാജ്യത്തി​​െൻറ വ്യോമപ്രതിരോധ സംവിധാനം, സൈബർ സെക്യൂരിറ്റി തുടങ്ങി അസംഖ്യം പ്രതിരോധ മേഖലകളിൽ സഹായിക്കുന്നുണ്ട്​. ഇതിനായി ‘റെയ്​ത്തൻ സൗദി അറേബ്യ’ എന്ന പ്രത്യേക കമ്പനി സ്​ഥാപിക്കാൻ കഴിഞ്ഞ മേയിൽ ധാരണയായിരുന്നു. വിഷൻ 2030 ​​െൻറ പ്രഖ്യാപിത ലക്ഷ്യങ്ങൾ നേടിയെടുക്കാൻ സഹായിക്കുന്ന പ്രധാന സ്​ഥാപനങ്ങളിലൊന്നുമാണ്​. ഇവക്ക്​ പുറമേ, ആയുധ യു​േ​ദ്ധാപകരണങ്ങൾ നിർമിക്കുന്ന ആഗോള സ്​ഥാപനമായ ലോക്​ഹീഡ്​ മാർട്ടിൻ, ജനറൽ ഡൈനാമിക്​സ്​ തുടങ്ങിയ കമ്പനികളുടെ പ്രതിനിധികളും അമീർ മുഹമ്മദ്​ ബിൻ സൽമാനുമായി കൂടിക്കാഴ്​ച നടത്തി.