ബ്രി​ട്ടീ​ഷ് സം​ഘ​ത്തി​ന്റെ 500 കി​ലോ​മീ​റ്റ​ർ ഒ​ട്ട​ക​യാ​ത്ര അ​വ​സാ​നി​ച്ചു

ജി​ദ്ദ: സൗ​ദി മ​രു​ഭൂ​മി​യി​ലൂ​ടെ ഒ​ട്ട​ക​പ്പു​റ​ത്തേ​റി കി​ലോ​മീ​റ്റ​റു​ക​ൾ താ​ണ്ടി​യു​ള്ള യാ​ത്ര പൂ​ർ​ത്തി​യാ​ക്കി​യ സ​ന്തോ​ഷ​ത്തി​ലാ​ണ് അ​ഞ്ച് ബ്രി​ട്ടീ​ഷ് പൗ​ര​ന്മാ​ർ. കി​ങ്​ സ​ൽ​മാ​ൻ ബി​ൻ അ​ബ്​​ദു​ൽ അ​സീ​സ് റോ​യ​ൽ റി​സ​ർ​വ് സം​ര​ക്ഷി​ത പ്ര​ദേ​ശ​ത്തി​നു​ള്ളി​ൽ ഒ​മ്പ​ത് ദി​വ​സ​ത്തെ യാ​ത്ര​യി​ൽ 500 കി​ലോ​മീ​റ്റ​ർ ദൂ​ര​മാ​ണ് ഇ​വ​ർ ഒ​ട്ട​ക​പ്പു​റ​ത്ത് സ​ഞ്ച​രി​ച്ച് പൂ​ർ​ത്തി​യാ​ക്കി​യ​ത്.

ഹോ​വാ​ർ​ഡ് ലീ​ഡാം, ക്രെ​യ്ഗ് റോ​സ്, മാ​ർ​ട്ടി​ൻ തോം​സ​ൺ, മൈ​ക്ക​ൽ ബേ​ക്ക​ർ, ജെ​യിം​സ് കാ​ൾ​ഡ​ർ എ​ന്നി​വ​രാ​ണ്​ ഈ ​സാ​ഹ​സി​ക​യാ​ത്ര ന​ട​ത്തി​യ​ത്. പ്ര​കൃ​തി ഭം​ഗി​യും മ​നോ​ഹാ​രി​ത​യും പു​രാ​വ​സ്തു ച​രി​ത്ര​ത്തി​​ന്റെ പ്രാ​ചീ​ന ശേ​ഷി​പ്പു​മെ​ല്ലാം അ​നു​ഭ​വി​ച്ച​റി​യു​ക എ​ന്ന​താ​യി​രു​ന്നു യാ​ത്ര​യു​ടെ ല​ക്ഷ്യം.

കി​ങ്​ സ​ൽ​മാ​ൻ ബി​ൻ അ​ബ്​​ദു​ൽ അ​സീ​സ് റി​സ​ർ​വ് ഡെ​വ​ല​പ്‌​മെ​ന്റ്​ അ​തോ​റി​റ്റി​യു​ടെ അം​ഗീ​കാ​ര​ത്തോ​ടെ​യാ​യി​രു​ന്നു യാ​ത്ര. ദി​വ​സ​വും 50 കി​ലോ​മീ​റ്റ​റോ​ളം റി​സ​ർ​വി​നു​ള്ളി​ൽ യാ​ത്ര തു​ട​ർ​ന്ന് ഇ​രു​ട്ടു​മ്പോ​ൾ വി​ശ്ര​മി​ച്ച്​ അ​ടു​ത്ത ദി​വ​സ​ത്തെ യാ​ത്ര​ക്കു​ള്ള ഒ​രു​ക്കം ന​ട​ത്തു​ക​യാ​യി​രു​ന്നു പ​തി​വ്.

ത​ബൂ​ക്ക് മേ​ഖ​ല​യു​ടെ ഭാ​ഗ​മാ​യ അ​ൽ ഖ​ലി​ബ ന​ഗ​ര​ത്തി​ൽ​നി​ന്ന് ആ​രം​ഭി​ച്ച് വ​ട​ക്ക​ൻ അ​തി​ർ​ത്തി പ്ര​ദേ​ശ​മാ​യ അ​ൽ ഹ​ദീ​ത​യി​ൽ യാ​ത്ര അ​വ​സാ​നി​പ്പി​ച്ചു.

യാ​ത്ര​യി​ലു​ട​നീ​ളം മ​നോ​ഹ​ര​മാ​യ പ​ർ​വ​ത​ങ്ങ​ൾ, പ​ഴ​യ​കാ​ല അ​ഗ്​​നി​പ​ർ​വ​ത​ങ്ങ​ൾ, വി​ശാ​ല​മാ​യ ഉ​പ്പ് ത​ടാ​ക​ങ്ങ​ൾ, ക​ണ്ണെ​ത്താ ദൂ​ര​ത്തോ​ളം പ​ര​ന്നു​കി​ട​ക്കു​ന്ന മ​രു​ഭൂ​മി​ക​ൾ, സ്വ​ർ​ണ​നി​റ​ത്തി​ലു​ള്ള ക​ഴു​ക​ന്മാ​ർ, മ​രു​ഭൂ​മി​യി​ലെ കു​റു​ക്ക​ന്മാ​ർ, വി​വി​ധ ത​രം പ​ക്ഷി​ക​ൾ, വ്യ​ത്യ​സ്ത വ​ന്യ​ജീ​വി​ക​ൾ, മ​നോ​ഹ​ര​മാ​യ മ​രു​പ്പ​ച്ച​ക​ൾ തു​ട​ങ്ങി​യ​വ​യെ​ല്ലാം ത​ങ്ങ​ളു​ടെ യാ​ത്ര​യി​ൽ കാ​ണാ​ൻ ക​ഴി​ഞ്ഞ​താ​യും ഇ​തൊ​രു അ​വി​സ്മ​ര​ണീ​യ യാ​ത്ര ആ​യി​രു​ന്നെ​ന്നും സം​ഘാം​ഗ​ങ്ങ​ൾ പ​റ​ഞ്ഞു.