ത്വാഇഫിൽ ബസ്​ സർവിസ്​ പദ്ധതിക്ക്​ തുടക്കം

ജി​ദ്ദ: ത്വാ​ഇ​ഫി​ൽ പൊ​തു​ഗ​താ​ഗ​ത ബ​സ്​ സ​ർ​വി​സ്​ പ​ദ്ധ​തി ഉ​ദ്​​ഘാ​ട​നം ചെ​യ്​​തു. പ​ബ്ലി​ക് ട്രാ​ൻ​സ്പോ​ർ​ട്ട് അ​തോ​റി​റ്റി ചെ​യ​ർ​മാ​ൻ ഡോ. ​റു​മൈ​ഹ് ബി​ൻ മു​ഹ​മ്മ​ദ് അ​ൽ റു​മൈ​ഹ്, ത്വാ​ഇ​ഫ് മേ​യ​ർ നാ​സി​ർ അ​ൽ റു​ഹൈ​ലി, സൗ​ദി ട്രാ​ൻ​സ്​​പോ​ർ​ട്ട്​ ക​മ്പ​നി (സാ​പ്റ്റ്കോ) സി.​ഇ.​ഒ തു​ർ​ക്കി ബി​ൻ ഇ​ബ്രാ​ഹിം അ​ൽ സു​ബൈ​ഹി എ​ന്നി​വ​രു​ടെ സാ​ന്നി​ധ്യ​ത്തി​ൽ ത്വാ​ഇ​ഫ് ഗ​വ​ർ​ണ​ർ അ​മീ​ർ സ​ഊ​ദ് ബി​ൻ ന​ഹാ​ർ ബി​ൻ സ​ഊ​ദാ​ണ്​ പ​ദ്ധ​തി​യു​ടെ ഉ​ദ്ഘാ​ട​നം നി​ർ​വ​ഹി​ച്ച​ത്.

രാ​ജ്യ​ത്തെ​ല്ലാ​യി​ട​ത്തും പൊ​തു​ഗ​താ​ഗ​തം സ്ഥാ​പി​ക്കാ​നു​ള്ള പ​ദ്ധ​തി​ക​ളു​ടെ ആ​ദ്യ ഘ​ട്ട​ത്തി​ൽ ആ​രം​ഭി​ക്കു​ന്ന ബ​സ്​ സ​ർ​വി​സാ​ണി​ത്. ത്വാ​ഇ​ഫി​​ന്‍റെ ഏ​റ്റ​വും പ്ര​ധാ​ന​പ്പെ​ട്ട കേ​ന്ദ്ര​ങ്ങ​ളു​മാ​യി ബ​ന്ധി​പ്പി​ക്കു​ന്ന​താ​ണ്​ ബ​സ്​ സ​ർ​വി​സ്. ഒ​മ്പ​ത്​ പ്ര​ധാ​ന പാ​ത​ക​ളി​ലാ​യി 182 സ്​​റ്റോ​പ്പു​ക​ളി​ലൂ​ടെ പ്ര​തി​വ​ർ​ഷം 20 ല​ക്ഷ​ത്തി​ല​ധി​കം ഗു​ണ​ഭോ​ക്താ​ക്ക​ൾ​ക്ക് സേ​വ​നം ന​ൽ​കാ​നാ​കു​മെ​ന്നാ​ണ്​ പ്ര​തീ​ക്ഷി​ക്കു​ന്ന​ത്.

ദി​വ​സം 58 ബ​സു​ക​ൾ 18 മ​ണി​ക്കൂ​ർ സ​ർ​വി​സ്​ ന​ട​ത്തും. ത്വാ​ഇ​ഫി​ലെ താ​മ​സ​ക്കാ​ർ​ക്കും അ​വി​ടെ​യെ​ത്തു​ന്ന സ​ന്ദ​ർ​ശ​ക​ർ​ക്കും സേ​വ​ന​വും മി​ക​ച്ച അ​നു​ഭ​വ​വും ന​ൽ​കു​ക​യാ​ണ്​ പ​ദ്ധ​തി​യി​ലൂ​ടെ ല​ക്ഷ്യ​മി​ടു​ന്ന​ത്. അ​തോ​ടൊ​പ്പം ഗ​താ​ഗ​ത സു​ര​ക്ഷ​യു​ടെ നി​ല​വാ​രം വ​ർ​ധി​പ്പി​ക്കു​ന്ന​തി​നും റോ​ഡു​ക​ളി​ലെ ഗ​താ​ഗ​ത​ക്കു​രു​ക്ക് കു​റ​ക്കു​ന്ന​തി​നും കാ​ർ​ബ​ൺ പു​റ​ന്ത​ള്ള​ലും പ​രി​സ്ഥി​തി മ​ലി​നീ​ക​ര​ണ​വും കു​റ​ക്കു​ന്ന​തി​നും ഈ ​പ​ദ്ധ​തി സ​ഹാ​യി​ക്കും. സേ​വ​നം ല​ഭ്യ​മാ​ക്കു​ന്ന​തി​ന് സാ​പ്​​റ്റ്​​കോ ക​മ്പ​നി ഒ​രു ഇ​ല​ക്ട്രോ​ണി​ക് ആ​പ്ലി​ക്കേ​ഷ​ൻ ഒ​രു​ക്കി​യി​ട്ടു​ണ്ട്.

‘ത്വാ​ഇ​ഫ് ബ​സ്’​ ആ​പ്ലി​ക്കേ​ഷ​ൻ വ​ഴി എ​ളു​പ്പ​ത്തി​ലും സൗ​ക​ര്യ​പ്ര​ദ​മാ​യും ടി​ക്ക​റ്റ്​ ബു​ക്ക് ചെ​യ്യാ​ൻ സാ​ധി​ക്കും. രാ​ജ്യ​ത്തെ വി​വി​ധ ന​ഗ​ര​ങ്ങ​ളി​ലും പ്ര​ദേ​ശ​ങ്ങ​ളി​ലും ന​ട​പ്പാ​ക്കി​ക്കൊ​ണ്ടി​രി​ക്കു​ന്ന​തി​നു​ള്ള പൊ​തു​ഗ​താ​ഗ​ത പ​ദ്ധ​തി​ക​ളി​ലൊ​ന്നാ​ണ് ത്വാ​ഇ​ഫി​ലെ ബ​സ്​ ഗ​താ​ഗ​ത പ​ദ്ധ​തി. ഒ​മ്പ​ത്​ ന​ഗ​ര​ങ്ങ​ളും ഗ​വ​ർ​ണ​റേ​റ്റു​ക​ളും ഉ​ൾ​പ്പെ​ടു​ന്ന പൊ​തു​ഗ​താ​ഗ​ത പ​ദ്ധ​തി ന​ട​പ്പാ​ക്കു​മെ​ന്ന്​ ക​ഴി​ഞ്ഞ വ​ർ​ഷ​മാ​ണ്​ പ്ര​ഖ്യാ​പി​ച്ച​ത്.