എയർപോർട്ടുകളിൽ ഡ്യൂട്ടി ഫ്രീ മാർക്കറ്റുകൾ തുടങ്ങാൻ മന്ത്രിസഭ തീരുമാനം

ജിദ്ദ: എയർപോർട്ടുകൾ ഉൾപ്പെടെ രാജ്യത്തെ വ്യോമ, കടൽ, കര അതിർത്തി കവാടങ്ങളിൽ ഡ്യൂട്ടി ഫ്രീ മാർക്കറ്റുകൾ സ്ഥാപിക്കുന്നതിന് സൗദി മന്ത്രിസഭ അംഗീകാരം നൽകി.

ചൊവ്വാഴ്ച സൽമാൻ രാജാവിന്റെ അധ്യക്ഷതയിൽ ജിദ്ദയിലെ അൽസലാം കൊട്ടാരത്തിൽ ചേർന്ന മന്ത്രിസഭായോഗമാണ് ഇക്കാര്യം തീരുമാനിച്ചത്. രാജ്യത്തേക്ക് വരുകയും പോകുകയും ചെയ്യുന്നവർക്ക് ആവശ്യമായ സാധനങ്ങൾ വിൽപന നടത്താൻ അനുവാദം നൽകുന്നതാണ് തീരുമാനം.