ജി​ദ്ദ ഇ​ന്ത്യ​ൻ കോ​ൺ​സു​ലേ​റ്റി​ൽ സ്വാ​ത​ന്ത്ര്യ​ദി​നം ആ​ഘോ​ഷി​ച്ചു

ജി​ദ്ദ: 77ാമ​ത് ഇ​ന്ത്യ​ൻ സ്വാ​ത​ന്ത്ര്യ​ദി​നം ജി​ദ്ദ ഇ​ന്ത്യ​ൻ കോ​ൺ​സു​ലേ​റ്റി​ൽ വി​പു​ല​മാ​യി ആ​ഘോ​ഷി​ച്ചു. കോ​ൺ​സു​ലേ​റ്റ് അ​ങ്ക​ണ​ത്തി​ൽ ന​ട​ന്ന ച​ട​ങ്ങി​ൽ രാ​വി​ലെ ഏ​ഴി​ന് ആ​ക്ടി​ങ് കോ​ണ്‍സ​ല്‍ ജ​ന​റ​ല്‍ മു​ഹ​മ്മ​ദ് അ​ബ്ദു​ൽ ജ​ലീ​ൽ ദേ​ശീ​യ​പ​താ​ക ഉ​യ​ര്‍ത്തി. തു​ട​ർ​ന്ന് രാ​ഷ്ട്ര​പ​തി​യു​ടെ സ്വാ​ത​ന്ത്ര്യ​ദി​ന സ​ന്ദേ​ശം അ​ദ്ദേ​ഹം സ​ദ​സ്സി​ന് വാ​യി​ച്ചു കേ​ള്‍പ്പി​ച്ചു.

2021 മാ​ർ​ച്ച് 12ന് ​പ്ര​ധാ​ന​മ​ന്ത്രി ന​രേ​ന്ദ്ര മോ​ദി ഔ​ദ്യോ​ഗി​ക​മാ​യി ഉ​ദ്‌​ഘാ​ട​നം ചെ​യ്ത ‘ആ​സാ​ദി കാ ​അ​മൃ​ത് മ​ഹോ​ത്സ​വ്’ ആ​ഘോ​ഷ​ങ്ങ​ൾ​ക്ക് ഈ ​വ​ർ​ഷ​ത്തോ​ടെ സ​മാ​പ​നം കു​റി​ക്കു​ന്ന​താ​യി അ​ദ്ദേ​ഹം അ​റി​യി​ച്ചു.

ഇ​ന്ത്യ​ൻ സ്വാ​ത​ന്ത്ര്യ​ത്തി​​ന്റെ 75 വ​ർ​ഷ​ങ്ങ​ളെ അ​നു​സ്മ​രി​ക്കു​ന്ന​തി​നാ​യി ക​ഴി​ഞ്ഞ ര​ണ്ടു വ​ർ​ഷ​ങ്ങ​ളി​ലാ​യി 75 ആ​ഴ്‌​ച​ക​ൾ​ക്കി​ട​യി​ൽ കോ​ൺ​സു​ലേ​റ്റ് നി​ര​വ​ധി സാം​സ്‌​കാ​രി​ക പ​രി​പാ​ടി​ക​ൾ സം​ഘ​ടി​പ്പി​ച്ചു. ഈ ​വ​ർ​ഷം മാ​തൃ​രാ​ജ്യ​ത്തി​നും രാ​ജ്യ​ത്തി​​ന്റെ സു​ര​ക്ഷ​ക്കും​വേ​ണ്ടി ജീ​വ​ൻ ബ​ലി​യ​ർ​പ്പി​ച്ച എ​ല്ലാ​വ​രെ​യും അ​നു​സ്മ​രി​ക്കു​ന്ന​തി​നും ആ​ദ​രാ​ഞ്ജ​ലി​ക​ൾ അ​ർ​പ്പി​ക്കാ​നു​മാ​യി ഇ​ന്ത്യ​ൻ സ​ർ​ക്കാ​ർ ‘മേ​രി മ​തി മേ​രാ ദേ​ശ്’ (എ​​ന്റെ മാ​തൃ​ഭൂ​മി, എ​​ന്റെ രാ​ജ്യം) എ​ന്ന കാ​മ്പ​യി​ൻ പ്ര​ത്യേ​കം ആ​ച​രി​ക്കു​ന്ന​താ​യും ആ​ക്ടി​ങ് കോ​ൺ​സ​ൽ ജ​ന​റ​ൽ അ​റി​യി​ച്ചു.

ക​ഴി​ഞ്ഞ ഒ​രു വ​ർ​ഷ​ത്തി​നി​ടെ കോ​ൺ​സു​ലേ​റ്റി​നു കീ​ഴി​ൽ ന​ട​ന്ന പ്ര​ധാ​ന സേ​വ​ന പ്ര​വ​ർ​ത്ത​ന​ങ്ങ​ളെ​ക്കു​റി​ച്ച് അ​ദ്ദേ​ഹം സം​സാ​രി​ച്ചു. ദു​രി​ത​മ​നു​ഭ​വി​ക്കു​ന്ന ഇ​ന്ത്യ​ക്കാ​ർ​ക്ക് പ്ര​ത്യേ​കി​ച്ച് അ​വ​രെ ഇ​ന്ത്യ​യി​ലേ​ക്ക് തി​രി​ച്ച​യ​ക്കു​ന്ന​തി​ന് എ​ല്ലാ പി​ന്തു​ണ​യും സ​ഹ​ക​ര​ണ​വും ന​ൽ​കി​യ​തി​ന് സൗ​ദി അ​ധി​കാ​രി​ക​ൾ​ക്ക് അ​ദ്ദേ​ഹം ന​ന്ദി പ​റ​ഞ്ഞു.

1,75,000 ഇ​ന്ത്യ​ൻ ഹാ​ജി​മാ​ർ​ക്ക് ഈ ​വ​ർ​ഷം പ്ര​യാ​സ​ര​ഹി​ത​മാ​യി ഹ​ജ്ജ് ചെ​യ്യാ​നു​ള്ള അ​വ​സ​രം ഒ​രു​ക്കു​ന്ന​തി​ൽ സ​ഹ​ക​രി​ച്ച മു​ഴു​വ​ൻ ഉ​ദ്യോ​ഗ​സ്ഥ​ർ​ക്കും സ​ന്ന​ദ്ധ പ്ര​വ​ർ​ത്ത​ക​ർ​ക്കും ആ​ക്ടി​ങ് കോ​ൺ​സ​ൽ ജ​ന​റ​ൽ ന​ന്ദി അ​റി​യി​ച്ചു. ച​ട​ങ്ങി​ൽ പ​ങ്കെ​ടു​ത്ത മു​ഴു​വ​ൻ ഇ​ന്ത്യ​ൻ പ്ര​വാ​സി​ക​ൾ​ക്കും അ​ദ്ദേ​ഹം സ്വാ​ത​ന്ത്ര്യ​ദി​നാ​ശം​സ​ക​ൾ നേ​ർ​ന്നു.

ത്രി​വ​ർ​ണ നി​റ​ത്തി​ൽ ത​യാ​റാ​ക്കി​യ കേ​ക്ക് മു​റി​ച്ച് സ​ദ​സ്സി​ല്‍ വി​ത​ര​ണം​ചെ​യ്തു. ജി​ദ്ദ ഇ​ൻ​റ​ർ​നാ​ഷ​ന​ൽ ഇ​ന്ത്യ​ന്‍ സ്‌​കൂ​ളി​ലെ വി​ദ്യാ​ർ​ഥി​നി​ക​ള്‍ ദേ​ശ​ഭ​ക്തി​ഗാ​ന​ങ്ങ​ള്‍ ആ​ല​പി​ച്ചു. ഗാ​ന​ങ്ങ​ൾ ആ​ല​പി​ച്ച വി​ദ്യാ​ർ​ഥി​ക​ൾ​ക്ക് ആ​ക്ടി​ങ് കോ​ൺ​സ​ൽ ജ​ന​റ​ൽ മു​ഹ​മ്മ​ദ് അ​ബ്ദു​ൽ ജ​ലീ​ൽ പ്ര​ശം​സാ​പ​ത്ര​ങ്ങ​ൾ സ​മ്മാ​നി​ച്ചു. മ​റ്റു കോ​ൺ​സ​ൽ​മാ​ർ, കോ​ൺ​സു​ലേ​റ്റ് ഉ​ദ്യോ​ഗ​സ്ഥ​ർ, സാ​മൂ​ഹി​ക പ്ര​വ​ർ​ത്ത​ക​ർ എ​ന്നി​വ​രോ​ടൊ​പ്പം സ്ത്രീ​ക​ളും കു​ട്ടി​ക​ളു​മു​ൾ​പ്പെ​ടെ ഇ​ന്ത്യ​ൻ സ​മൂ​ഹ​ത്തി​ൽ​നി​ന്നു​ള്ള മു​ന്നൂ​റോ​ളം പേ​ർ ച​ട​ങ്ങി​ൽ പ​ങ്കെ​ടു​ത്തു.