ജി​ദ്ദ കെ.​എം.​സി.​സി​യു​ടെ സി.​എ​ച്ച് സെ​ന്റ​ർ ഫ​ണ്ട് 37 ല​ക്ഷം രൂ​പ വി​ത​ര​ണം ചെ​യ്തു

മ​ല​പ്പു​റം: കേ​ര​ള​ത്തി​ലെ വി​വി​ധ സി.​എ​ച്ച് സെൻറ​റു​ക​ൾ​ക്കാ​യി ജി​ദ്ദ കെ.​എം.​സി.​സി സെ​ൻ​ട്ര​ൽ ക​മ്മി​റ്റി​യു​ടെ വാ​ർ​ഷി​ക സ​ഹാ​യം വി​ത​ര​ണം ചെ​യ്തു. കേ​ര​ള​ത്തി​ലെ 19 സി.​എ​ച്ച് സെ​ന്റ​റു​ക​ൾ​ക്കാ​യി 37 ല​ക്ഷം രൂ​പ​യാ​ണ് വി​ത​ര​ണം ചെ​യ്ത​ത്. പാ​ണ​ക്കാ​ട് ന​ട​ന്ന ച​ട​ങ്ങി​ൽ ജി​ദ്ദ കെ.​എം.​സി.​സി ഭാ​ര​വാ​ഹി​ക​ൾ സം​സ്ഥാ​ന മു​സ്‍ലിം ലീ​ഗ് പ്ര​സി​ഡ​ന്റ് പാ​ണ​ക്കാ​ട് സാ​ദി​ഖ​ലി ശി​ഹാ​ബ് ത​ങ്ങ​ൾ​ക്കാ​ണ് ഫ​ണ്ട് കൈ​മാ​റി​യ​ത്.

തി​രു​വ​ന​ന്ത​പു​രം, ആ​ല​പ്പു​ഴ, എ​റ​ണാ​കു​ളം, മ​ണ്ണാ​ർ​ക്കാ​ട്, മ​ഞ്ചേ​രി, മ​ല​പ്പു​റം, മ​ങ്ക​ട, നി​ല​മ്പൂ​ർ, തി​രൂ​ർ, വേ​ങ്ങ​ര, ചെ​മ്മാ​ട്, ചൂ​ലൂ​ർ, ഒ​ഴു​കൂ​ർ, പ​ടി​ഞ്ഞാ​റ്റു​മു​റി, കൊ​ണ്ടോ​ട്ടി, കോ​ഴി​ക്കോ​ട്, വ​യ​നാ​ട്, ത​ളി​പ്പ​റ​മ്പ്, കാ​സ​ർ​കോ​ട് എ​ന്നീ സി.​എ​ച്ച് സെ​ന്റ​റു​ക​ൾ​ക്കാ​ണ് സ​ഹാ​യം ന​ൽ​കി​യ​ത്.

മ​ല​പ്പു​റം പാ​ണ​ക്കാ​ട് ന​ട​ന്ന ച​ട​ങ്ങി​ൽ ഇ.​ടി. മു​ഹ​മ്മ​ദ് ബ​ഷീ​ർ എം.​പി, അ​ഡ്വ. യു.​എ. ല​ത്തീ​ഫ് എം.​എ​ൽ.​എ, പി. ​ഉ​ബൈ​ദു​ല്ല എം.​എ​ൽ.​എ തു​ട​ങ്ങി​യ മു​സ്‍ലിം​ലീ​ഗ് നേ​താ​ക്ക​ളും ജി​ദ്ദ കെ.​എം.​സി.​സി ഭാ​ര​വാ​ഹി​ക​ളാ​യ അ​ഹ​മ്മ​ദ് പാ​ള​യാ​ട്ട്, അ​ൻ​വ​ർ ചേ​ര​ങ്കെ, വി.​പി. മു​സ്ത​ഫ, ശി​ഹാ​ബ് താ​മ​ര​ക്കു​ളം, എ.​കെ. മു​ഹ​മ്മ​ദ് ബാ​വ, മ​റ്റു കെ.​എം.​സി.​സി നേ​താ​ക്ക​ളും വി​വി​ധ സി.​എ​ച്ച് സെൻറ​ർ ഭാ​ര​വാ​ഹി​ക​ളും പ​ങ്കെ​ടു​ത്തു.

കേ​ര​ള​ത്തി​ലെ പാ​വ​പ്പെ​ട്ട രോ​ഗി​ക​ൾ ആ​ശ്ര​യി​ക്കു​ന്ന വി​വി​ധ സ​ർ​ക്കാ​ർ മെ​ഡി​ക്ക​ൽ കോ​ള​ജു​ക​ളോ​ട് അ​നു​ബ​ന്ധി​ച്ച് പ്ര​വ​ർ​ത്തി​ക്കു​ന്ന സി.​എ​ച്ച് സെ​ന്റ​റു​ക​ൾ​ക്ക് വ​ൻ​കി​ട മെ​ഡി​ക്ക​ൽ പ​ദ്ധ​തി​ക​ൾ ജി​ദ്ദ കെ.​എം.​സി.​സി മു​ൻ വ​ർ​ഷ​ങ്ങ​ളി​ൽ ഏ​റ്റെ​ടു​ത്ത് പൂ​ർ​ത്തി​യാ​ക്കി ന​ൽ​കി​യി​ട്ടു​ണ്ടെ​ന്ന് ഭാ​ര​വാ​ഹി​ക​ൾ അ​റി​യി​ച്ചു.

ആ​ല​പ്പു​ഴ മെ​ഡി​ക്ക​ൽ കോ​ള​ജി​നു സ​മീ​പം ജി​ദ്ദ കെ.​എം.​സി.​സി​യു​ടെ ചെ​ല​വി​ൽ നി​ർ​മി​ക്കു​ന്ന ആ​ല​പ്പു​ഴ സി.​എ​ച്ച് സെൻറ​ർ ബ​ഹു​നി​ല കെ​ട്ടി​ട​ത്തി​ന്റെ നി​ർ​മാ​ണം അ​ന്തി​മ​ഘ​ട്ട​ത്തി​ലാ​ണ്.

പ്ര​വാ​സം നി​ർ​ത്തി നാ​ട്ടി​ൽ വി​ശ്ര​മ​ജീ​വി​തം ന​യി​ക്കു​ന്ന മു​ൻ പ്ര​വാ​സി​ക​ളി​ലെ പാ​വ​പ്പെ​ട്ട രോ​ഗി​ക​ൾ​ക്ക് സി.​എ​ച്ച് സെൻറ​റു​ക​ളി​ൽ​നി​ന്നു​ള്ള മെ​ഡി​ക്ക​ൽ സേ​വ​നം ല​ഭ്യ​മാ​ക്കു​ക എ​ന്ന ല​ക്ഷ്യ​ത്തോ​ടെ മ​ല​പ്പു​റം സി.​എ​ച്ച് സെൻറ​റു​മാ​യി സ​ഹ​ക​രി​ച്ച് ജി​ദ്ദ കെ.​എം.​സി.​സി പു​തി​യ പ്ര​വാ​സി മെ​ഡി​ക്ക​ൽ സെൻറ​ർ ആ​രം​ഭി​ക്കു​ന്നു​ണ്ട്. ഇ​തി​ന്റെ നി​ർ​മാ​ണ​പ്ര​വ​ർ​ത്ത​ന​ങ്ങ​ൾ അ​ടു​ത്ത​യാ​ഴ്ച ആ​രം​ഭി​ക്കു​മെ​ന്നും ഭാ​ര​വാ​ഹി​ക​ൾ അ​റി​യി​ച്ചു.