വ്യാഴാഴ്ച മുതൽ ശനിയാഴ്​ച വരെ മഴക്ക് സാധ്യത

യാംബു: വ്യഴാഴ്ച മുതൽ ശനിയാഴ്​ച വരെ സൗദി അറേബ്യയിലെ എട്ടോളം പ്രവിശ്യകളിൽ മഴക്ക് സാധ്യതയുള്ളതായി കാലാവസ്ഥാ നിരീക്ഷണകേന്ദ്രം അറിയിച്ചു. മക്ക, മദീന, തബൂക്ക്​, ഹാഇൽ, ത്വാഇഫ്, അൽ-ജൗഫ്, അൽവജ്ഹ്, അൽഖസിം തുടങ്ങിയ പ്രദേശങ്ങളിലാണ് മഴക്കുള്ള സാധ്യത. ചില പ്രദേശങ്ങളിൽ ഇടിയോടുകൂടിയ ശക്തമായ മഴക്കുള്ള സാധ്യത ഉള്ളതായും പ്രദേശവാസികൾ ജാഗ്രത കൈക്കൊള്ളണമെന്നും അധികൃതർ അറിയിച്ചു. ഇരുണ്ട അന്തരീക്ഷവും പൊടിക്കാറ്റിനുള്ള സാധ്യതയും കണക്കിലെടുത്ത് പുറത്തിറങ്ങുന്നവർ ശ്രദ്ധിക്കണമെന്നും സിവിൽ ഡിഫൻസ് മുന്നറിയിപ്പ് നൽകി.