ജിദ്ദയിൽ കനത്തപൊടിക്കാറ്റ്​; വൈദ്യുതി, ഗതാഗതം തടസ്സപ്പെട്ടു

ജിദ്ദ: തിങ്കളാഴ്​ച വൈകുന്നേരത്തോടെ ജിദ്ദയിൽ കനത്ത പൊടിക്കാറ്റ് ആഞ്ഞുവീശി. ​പ്രധാന നിരത്തുകളിൽ  ഗതാഗതവും പലയിടത്തും വൈദ്യുതിയും തടസ്സപ്പെട്ടു. വ്യോമ ഗതാഗതത്തെയും പൊടിക്കാറ്റ്​ ബാധിച്ചു. വൈകുന്നേരം 6.45 ഒാടെയാണ്​  ശക്​തമായ പൊടിക്കാറ്റ്​ വീശിയത്​. ഏതാനും മിനിട്ട്​ തുടർന്ന കാറ്റിൽ ദൂര കാഴ്​ച മങ്ങി. ചിലയിടങ്ങളിൽ ചെറിയ അപകടങ്ങളുണ്ടായി. മക്ക റോഡ്​ ഉൾപ്പെടെ പ്രധാന നിരത്തുകളിൽ ഏറെ നേരം ഗതാഗതം തടസപ്പെട്ടു. നഗരത്തി​​​െൻറ വിവധ മേഖലകളിൽൽ ​വൈദ്യുതിയും തടസ്സപ്പെട്ടു.

രാത്രി വൈകിയും പലയിടത്തും വൈദ്യുതി ബന്ധം പുനഃസ്ഥാപിച്ചിട്ടില്ല. ഇഫ്​താറിന്​ തൊട്ട്​ മുമ്പ്​ വീശിയ പൊടിക്കാറ്റിൽ വിവിധ പള്ളികളിലെ ഇഫ്​താർ വിരുന്ന്​ ബുദ്ധിമുട്ടിലായി. കാലാവസ്​ഥ നിരീക്ഷണ കേന്ദ്രം പുറത്തുവിട്ട പടിഞ്ഞാറൻ മേഖലയുടെ ഇന്നലെ വൈകുന്നേരത്തെ റഡാർ ചിത്രത്തിൽ വീശിയ കാറ്റി​​​െൻറ ശക്​തി വ്യക്​തമാണ്​. 

കാറ്റും ചെറിയ മഴയും പടിഞ്ഞാറൻ മേഖലയിൽ തുടരുമെന്നാണ്​ കാലാവസ്​ഥ നിരീക്ഷണ കേന്ദ്രത്തി​​​െൻറ മുന്നറിയിപ്പ്​. ആരോഗ്യ വകുപ്പും ജാഗ്രതാ നിർദേശം നൽകിയിട്ടുണ്ട്​. പൊടിക്കാറ്റിനെ തുടർന്ന്​ ആരോഗ്യ പ്രശ്​നങ്ങളുമായി ആശുപത്രിയെ സമീപിക്കുന്നവർ കൂടാനിടയുള്ളതിനാൽ വേണ്ട മുൻകരുതൽ സ്വീകരിക്കാൻ വിവിധ ​പ്രദേശങ്ങളിലെ ആശുപത്രികളോട്​ ആവശ്യപ്പെട്ടു. കാറ്റ്​ വീശു​േമ്പാൾ പരമാവധി പുറത്തിറങ്ങാതിരിക്കാൻ ശ്രദ്ധിക്കണമെന്ന​ും നിർദേശിച്ചിട്ടുണ്ട്​.