വി​മാ​നം മു​ട​ങ്ങി​യാ​ൽ യാ​ത്ര​ക്കാ​ര​ന്​ ന​ഷ്​​ട​പ​രി​ഹാ​രം

ജി​ദ്ദ: വി​മാ​ന യാ​ത്ര​ക്കാ​രു​ടെ അ​വ​കാ​ശ​ങ്ങ​ൾ സം​ര​ക്ഷി​ക്കു​ന്ന​തി​നു​ള്ള പു​തി​യ അ​വ​കാ​ശ സം​ര​ക്ഷ​ണ വ്യ​വ​സ്ഥ​ക​ൾ നി​ല​വി​ൽ വ​ന്നു. ഈ ​വ​ർ​ഷം ആ​ഗ​സ്​​റ്റി​ലാ​ണ്​ സൗ​ദി സി​വി​ൽ ഏ​വി​യേ​ഷ​ൻ ജ​ന​റ​ൽ അ​തോ​റി​റ്റി യാ​ത്ര​ക്കാ​രു​ടെ അ​വ​കാ​ശ​ങ്ങ​ൾ സം​ര​ക്ഷി​ക്കാ​നു​ത​കു​ന്ന പു​തി​യ വ്യ​വ​സ്ഥ​ക​ൾ പ്ര​ഖ്യാ​പി​ച്ച​ത്. യാ​ത്ര​യി​ൽ ല​ഭി​ക്കേ​ണ്ട പ​രി​ച​ര​ണം, യാ​​ത്ര തു​ട​ങ്ങു​ന്ന​ത്​ മു​ത​ൽ അ​വ​സാ​നി​ക്കു​ന്ന​തു​വ​രെ​യു​ള്ള പി​ന്തു​ണ, ന​ഷ്​​ട​പ​രി​ഹാ​രം എ​ന്നി​വ ഉ​റ​പ്പു​ന​ൽ​കു​ന്ന 30 ച​ട്ട​ങ്ങ​ൾ ഉ​ൾ​പ്പെ​ടു​ന്ന​താ​ണ്​ പു​തി​യ നി​യ​മാ​വ​ലി.

വി​മാ​ന സ​ർ​വി​സ്​ വൈ​ക​ൽ, റ​ദ്ദാ​ക്ക​ൽ, നേ​ര​ത്തെ പു​റ​പ്പെ​ട​ൽ, ഓ​വ​ർ ബു​ക്കി​ങ്​ അ​ല്ലെ​ങ്കി​ൽ ത​രം​താ​ഴ്ത്ത​ൽ എ​ന്നി​വ കാ​ര​ണം യാ​ത്ര ചെ​യ്യാ​ൻ സാ​ധി​ക്കാ​ത്ത സാ​ഹ​ച​ര്യ​മു​ണ്ടാ​യാ​ൽ യാ​ത്ര​ക്കാ​ര​ന്​ ടി​ക്ക​റ്റ് മൂ​ല്യ​ത്തി​​ന്‍റെ 150 ശ​ത​മാ​നം മു​ത​ൽ 200 ശ​ത​മാ​നം വ​രെ ന​ഷ്​​ട​പ​രി​ഹാ​രം ഉ​റ​പ്പു​ന​ൽ​കു​ന്ന​താ​ണ്​ പു​തി​യ നി​യ​മം. വി​മാ​നം പു​റ​പ്പെ​ടാ​ൻ ര​ണ്ട് മ​ണി​ക്കൂ​റി​ൽ കൂ​ടു​ത​ൽ വൈ​കി​യാ​ൽ ഒ​രു കു​റ​​ക്ക​ലു​മി​ല്ലാ​തെ ടി​ക്ക​റ്റ്​ ചാ​ർ​ജ്​ മു​ഴു​വ​ൻ തി​രി​കെ വാ​ങ്ങാ​ൻ യാ​ത്ര​ക്കാ​ർ​ക്ക്​ അ​വ​കാ​ശ​മു​ണ്ട്. വേ​റെ വി​മാ​ന​ങ്ങ​ൾ ല​ഭ്യ​മ​ല്ലാ​ത്ത വി​മാ​ന​ത്താ​വ​ള​ങ്ങ​ളി​ൽ വി​മാ​നം റ​ദ്ദാ​ക്കി​യാ​ൽ ല​ക്ഷ്യ​സ്ഥാ​ന​ത്തേ​ക്കോ അ​ല്ലെ​ങ്കി​ൽ ഏ​റ്റ​വും അ​ടു​ത്തു​ള്ള വി​മാ​ന​ത്താ​വ​ള​ത്തി​ലേ​ക്കോ ബ​ദ​ൽ യാ​ത്രാ​സം​വി​ധാ​നം ഒ​രു​ക്കി ന​ൽ​ക​ണം.

വി​മാ​നം പു​റ​പ്പെ​ടാ​ൻ ര​ണ്ട് മ​ണി​ക്കൂ​റി​ൽ കൂ​ടു​ത​ൽ വൈ​കി​യാ​ൽ, ഒ​രു ഫീ​സും കു​റ​ക്കാ​തെ ടി​ക്ക​റ്റ്​ റ​ദ്ദാ​ക്കി മു​ഴു​വ​ൻ പ​ണ​വും യാ​ത്ര​ക്കാ​ർ​ക്ക്​ ന​ൽ​ക​ണം. കാ​ല​താ​മ​സം അ​ഞ്ച്​ മ​ണി​ക്കൂ​റി​ൽ കൂ​ടു​ത​ലാ​യാ​ൽ വി​മാ​നം റ​ദ്ദാ​ക്കി​യ​താ​യി ക​ണ​ക്കാ​ക്കു​ക​യും യാ​ത്ര​ക്കാ​ര​ന് ന​ഷ്​​ട​പ​രി​ഹാ​രം ന​ൽ​കു​ക​യും വേ​ണം. വി​മാ​നം ആ​റ്​ മ​ണി​ക്കൂ​റോ അ​തി​ൽ കൂ​ടു​ത​ലോ വൈ​കി​യാ​ൽ യാ​ത്ര​ക്കാ​ർ​ക്ക്​ ഹോ​ട്ട​ൽ താ​മ​സ​വും വി​മാ​ന​ത്താ​വ​ള​ത്തി​ലേ​ക്കും തി​രി​ച്ചും യാ​ത്രാ​സൗ​ക​ര്യ​വും ഒ​രു​ക്ക​ണം.

ടി​ക്ക​റ്റ്​ റി​സ​ർ​വ്​ ചെ​യ്യു​ന്ന സ​മ​യ​ത്ത്​ ഇ​ല്ലാ​ത്ത സ്​​റ്റോ​പ്പി​ങ്​ പോ​യ​ന്‍റ്​ യാ​ത്ര​ക്കി​ട​യി​ൽ ഉ​ണ്ടാ​യാ​ൽ​ യാ​ത്ര​ക്കാ​ർ​ക്ക്​ ന​ഷ്​​ട​പ​രി​ഹാ​രം ന​ൽ​ക​ണം. ല​ഗേ​ജ് ന​ഷ്‌​ട​പ്പെ​ട്ടാ​ലും കേ​ടു​പാ​ടു​ക​ൾ, തി​രി​കെ ല​ഭി​ക്കാ​ൻ കാ​ല​താ​മ​സം എ​ന്നി​വ ഉ​ണ്ടാ​യാ​ലും യാ​ത്ര​ക്കാ​ർ​ക്ക്​ മ​തി​യാ​യ ന​ഷ്​​ട​പ​രി​ഹാ​ര​ത്തി​ന്​ അ​വ​കാ​ശ​മു​ണ്ട്​. വ്യോ​മ​ഗ​താ​ഗ​ത സേ​വ​ന​ങ്ങ​ൾ മെ​ച്ച​പ്പെ​ടു​ത്തു​ക, അ​വ​യു​ടെ കാ​ര്യ​ക്ഷ​മ​ത വ​ർ​ധി​പ്പി​ക്കു​ക, ആ​വ​ശ്യ​മാ​യ പ​രി​ച​ര​ണ​വും പി​ന്തു​ണ​യും ന​ൽ​കി​ക്കൊ​ണ്ട് രാ​ജ്യ​ത്തി​ന​ക​ത്തും പു​റ​ത്തു​മു​ള്ള യാ​ത്ര​ക്കാ​രു​ടെ അ​നു​ഭ​വം മെ​ച്ച​പ്പെ​ടു​ത്തു​ക, യാ​ത്ര​ക്കാ​രു​ടെ അ​വ​കാ​ശ​ങ്ങ​ൾ സം​ര​ക്ഷി​ക്കു​ക എ​ന്നി​വ​യാ​ണ്​ പു​തി​യ വ്യ​വ​സ്ഥ​യി​ലൂ​ടെ സി​വി​ൽ ഏ​വി​യേ​ഷ​ൻ അ​തോ​റി​റ്റി ല​ക്ഷ്യ​മി​ടു​ന്ന​ത്.