![കോവിഡ്: സൗദിയിൽ 13 മരണം, പുതിയ കേസുകൾ 220 കോവിഡ്: സൗദിയിൽ 13 മരണം, പുതിയ കേസുകൾ 220](https://www.madhyamam.com/h-upload/2020/11/22/767784-covid-19-test.webp)
കോവിഡ്: സൗദിയിൽ 13 മരണം, പുതിയ കേസുകൾ 220
text_fieldsറിയാദ്: സൗദി അറേബ്യയിൽ ശനിയാഴ്ച 220 പേർക്ക് കോവിഡ് സ്ഥിരീകരിച്ചു. 13 പേർ രാജ്യത്തെ വിവിധയിടങ്ങളിൽ മരിച്ചു. 401 പേർ കോവിഡ് മുക്തരായി. ആകെ കോവിഡ് കേസുകളുടെ എണ്ണം 3,56,911 ആയി. രോഗമുക്തരുടെ എണ്ണം 3,46,023 ആയി ഉയർന്നു. ആകെ മരണസംഖ്യ 5870 ആണ്. ചികിത്സയിലുള്ള കോവിഡ് ബാധിതർ 5018 ആയി കുറഞ്ഞു. ഇതിൽ 675 പേർ മാത്രമാണ് ഗുരുതരാവസ്ഥയിലുള്ളത്. ഇവർ തീവ്രപരിചരണ വിഭാഗത്തിലാണ്.
രാജ്യത്തെ കോവിഡ് മുക്തി നിരക്ക് 96.7 ശതമാനമായി. മരണനിരക്ക് 1.6 ശതമാനമായി തുടരുന്നു. 24 മണിക്കൂറിനിടെ രാജ്യത്ത് പുതിയ കോവിഡ് കേസുകൾ ഏറ്റവും കൂടുതൽ റിപ്പോർട്ട് ചെയ്തത് റിയാദിലാണ്, 55. ജിദ്ദ 28, മദീന 15, മക്ക 12, തബൂക്ക് 8, ബനീ ഹസൻ 7, ത്വാഇഫ് 7, ദമ്മാം 6, നജ്റാൻ 6, അബഹ 5, ഖമീസ് മുശൈത് 5, വാദി ദവാസിർ 5, മുബറസ് 3, ഹുഫൂഫ് 3 എന്നിങ്ങനെയാണ് പ്രധാന നഗരങ്ങളിൽ പുതുതായി രേഖപ്പെടുത്തിയ കോവിഡ് രോഗികളുടെ എണ്ണം.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.