സൗദിയിൽ 43 പേർക്ക്​ കോവിഡ്​, രണ്ട്​ മരണം

റിയാദ്: സൗദി അറേബ്യയിൽ 43 പേർക്ക്​ കൂടി കോവിഡ്​ സ്ഥിരീകരിച്ചു. കോവിഡ്​ ബാധിതരിൽ രണ്ടുപേർ മരിച്ചു. 51 പേർ സുഖം പ്രാപിച്ചു.

ഇതുവരെ രാജ്യത്ത് റിപ്പോർട്ട് ചെയ്യപ്പെട്ട ആകെ കോവിഡ് കേസുകളുടെ എണ്ണം 5,49,103ഉം രോഗമുക്തരുടെ എണ്ണം 5,37,100ഉം ആയി. ആകെ മരണസംഖ്യ 8,809 ആയി ഉയർന്നു. ​

ചികിത്സയിൽ കഴിയുന്നവരിൽ 46 പേരുടെ നില ഗുരുതരമാണ്​. ഇവർ രാജ്യത്തെ വിവിധ ആശുപത്രികളിൽ തീവ്രപരിചരണ വിഭാഗത്തിലാണ്​. ബാക്കിയുള്ളവരുടെ നില തൃപ്​തികരമാണ്​.

രാജ്യത്തെ കോവിഡ് മുക്തി നിരക്ക് 98 ശതമാനവും മരണനിരക്ക് 1.6 ശതമാനവുമായി തുടരുന്നു. വിവിധ പ്രവിശ്യകളിൽ പുതുതായി റിപ്പോർട്ട് ചെയ്ത രോഗികളുടെ എണ്ണം: ജിദ്ദ 13, റിയാദ് 10, മക്ക 4, ദമ്മാം 3, മറ്റ്​ 13 സ്ഥലങ്ങളിൽ ഓരോ വീതം രോഗികൾ. സൗദി അറേബ്യയിൽ ഇതുവരെ 46,585,754 ഡോസ് കോവിഡ്​ വാക്​സിൻ വിതരണം ചെയ്​തു.