കോവിഡ്: ഗുജറാത്ത് സ്വദേശിയുടെ മൃതദേഹം റിയാദിൽ സംസ്​കരിച്ചു

റിയാദ്: കോവിഡ് ബാധിച്ച്​ മരിച്ച ഗുജറാത്ത്​ സ്വദേശി പട്ടേൽ സുബാഷി​െൻറ മൃതദേഹം റിയാദിൽ സംസ്​കരിച്ചു. വൽസാഡ് സ്വദേശി പട്ടേൽ സുഭാഷ് ചന്ദ്ര ബാബുവിനെ (57) മേയ് 11നാണ് കോവിഡ് ബാധിച്ച് റിയാദിലെ സ്വകാര്യ ആശുപത്രിയിൽ പ്രവേശിപ്പിച്ചത്. കഴിഞ്ഞദിവസം ആശുപത്രി അധികൃതർ അറിയിച്ചതനുസരിച്ചാണ് റിയാദ് കെ.എം.സി.സി വെൽഫെയർ വിഭാഗം ഈ വിഷയം അന്വേഷിക്കുന്നത്. ആശുപത്രി രേഖകളിൽ ഇദ്ദേഹത്തി​െൻറ തിരിച്ചറിയൽ രേഖയിലുള്ള മൊബൈൽ നമ്പർ പ്രവർത്തനരഹിതമായിരുന്നു. കേസ് ഇന്ത്യൻ എംബസിയിൽ റിപ്പോർട്ട് ചെയ്​തെങ്കിലും ഇതുമായി ബന്ധപ്പെട്ട് ഒരറിയിപ്പും ലഭിച്ചിരുന്നില്ല.

അദ്ദേഹത്തി​െൻറ ഇൻഷുറൻസ് കാർഡ് പ്രകാരം ബൂപ ഇൻഷുറൻസ് കമ്പനിയിലാണ് ഇൻഷൂറെന്ന് മനസ്സിലാക്കി അത് വഴിയും അന്വേഷണം തുടർന്നു. ഇഖാമയിലെ സ്പോൺസറുടെ പേര് ഗൂഗ്​ളിൽ സർച്ച്​​ ചെയ്തപ്പോഴാണ് അദ്ദേഹം ജോലിചെയ്യുന്ന ഗൾഫ് എലൈറ്റ് കോൺട്രാക്‌റ്റിങ്​ കമ്പനി ദമ്മാമിലാണെന്ന്​ അറിയുന്നത്. ദമ്മാം തൃശൂർ ജില്ല കെ.എം.സി.സി പ്രതിനിധി അഫ്സൽ വടക്കേക്കാടുമായി ബന്ധപ്പെട്ട് കമ്പനി ലൊക്കേഷനിലെത്തി ഓഫിസർമാരുടെ നമ്പർ തരപ്പെടുത്തി അവരുമായി ബന്ധപ്പെട്ടപ്പോഴാണ് അവരും മരണവിവരമറിയുന്നത്. പിന്നീട് കമ്പനി അധികൃതരുടെ ഭാഗത്തുനിന്ന് നല്ല പ്രതികരണമായിരുന്നു. ബന്ധപ്പെട്ടവരാരും സൗദിയിലില്ലാത്തതിനാൽ നടപടികൾ പൂർത്തീകരിക്കാൻ വെൽഫെയർ വിങ്​ ചെയർമാൻ സിദ്ദീഖ് തുവ്വൂരിനെ ചുമതലപ്പെടുത്തുകയായിരുന്നു.

ഇന്ത്യൻ എംബസി അവധി ദിവസമായിട്ടുപോലും മിനിറ്റുകൾക്കുള്ളിൽ എൻ.ഒ.സി നൽകിയ അനിൽ രത്തൂരി​െൻറ നേതൃത്വത്തിലുള്ള ഉദ്യോഗസ്ഥരുടെ ആത്മാർഥമായ പ്രവർത്തനങ്ങൾ പ്രശംസനീയമാണ്.കമ്പനി മാനേജർ ജിഹാദിനോടൊപ്പം അധികൃതരുമായി ബന്ധപ്പെട്ട് മൃതദേഹം അടക്കം ചെയ്യാനുള്ള നടപടികൾ പൂർത്തിയാക്കി.

അൽഖർജ് കെ.എം.സി.സി വെൽഫെയർ വിങ്​ ചെയർമാൻ മുഹമ്മദ് പുന്നക്കാട്, കെ.എം.സി.സി ദാറുസ്സലാം വളൻറിയർമാരായ ഷിഹാബ് പുത്തേഴത്ത്, മഹ്ബൂബ്, ദഖ്​വാൻ എന്നിവരും സഹായത്തിനുണ്ടായിരുന്നു. മാതാവ്: പട്ടേൽ ഗജ്റി. ഭാര്യ: ഗീതാബെൻ. മക്കൾ: നിതൽ കുമാർ, പരിമൾ ഭായ്.