കോവിഡ്: സൗദിയിൽ ഗുരുതര രോഗികൾ 57 മാത്രം

ജിദ്ദ: സൗദിയിൽ ഗുരുതര രോഗികളുടെ എണ്ണം 57 ആയി കുറഞ്ഞു. പുതുതായി 93 രോഗികളും 257 രോഗമുക്തിയും റിപ്പോർട്ട് ചെയ്തു. ഇതോടെ ഇതുവരെ രാജ്യത്ത് റിപ്പോർട്ട് ചെയ്യപ്പെട്ട ആകെ കോവിഡ് കേസുകളുടെ എണ്ണം 7,52,572ഉം രോഗമുക്തരുടെ എണ്ണം 7,39,037ഉം ആയി.

പുതുതായി ഒരു മരണവും റിപ്പോർട്ട് ചെയ്തു. ഇതോടെ ഇതുവരെയുള്ള ആകെ മരണം 9,069 ആയി. നിലവിൽ 4,466 പേർ രോഗം ബാധിച്ച് ചികിത്സയിലുണ്ട്. ഗുരുതരാവസ്ഥയിലുള്ള രോഗികൾ രാജ്യത്തെ വിവിധ ആശുപത്രി തീവ്രപരിചരണ വിഭാഗത്തിൽ ചികിത്സയിൽ തുടരുന്നു.

സൗദിയിൽ നിലവിലെ കോവിഡ് മുക്തിനിരക്ക് 98.20 ശതമാനവും മരണനിരക്ക് 1.21 ശതമാനവുമാണ്. രാജ്യത്തെ പ്രധാന നഗരങ്ങളിൽ പുതുതായി റിപ്പോർട്ട് ചെയ്ത രോഗികളുടെ എണ്ണം: ജിദ്ദ 23, റിയാദ് 16, മക്ക 13, ത്വാഇഫ് 11, മദീന 9, അബഹ 4, ജിസാൻ 4, ദമ്മാം 4.