കോവിഡ് വാക്​സിൻ: നാട്ടിൽ കുടുങ്ങിയ പ്രവാസികൾക്ക് മുൻഗണന നൽകണം –പ്രവാസി

ദമ്മാം: നാട്ടിൽ അവധിക്കു പോയി തിരിച്ചു വരാനിരിക്കുന്ന പ്രവാസികൾക്ക് രണ്ട് ഡോസ് വാക്സിനുകൾ വേഗത്തിൽ ലഭ്യമാക്കാൻ സംസ്ഥാന അധികൃതർ നടപടി സ്വീകരിക്കണമെന്ന് പ്രവാസി സാംസ്​കാരിക വേദി ദമ്മാം റീജനൽ കമ്മിറ്റി ആവശ്യപ്പെട്ടു. പാസ്‌പോർട്ട് നമ്പർ കൂടി ചേർത്ത വാക്​സിൻ സർട്ടിഫിക്കറ്റ് ലഭ്യമായാൽ സൗദി അടക്കമുള്ള ചില ഗൾഫ് രാജ്യങ്ങളിൽ ഇൻസ്​റ്റിറ്റ്യൂഷനൽ ക്വാറൻറീനിൽ ഇളവുണ്ട്. വർധിച്ച ചിലവ് കാരണം തിരിച്ചു വരവിനു കടുത്ത പ്രയാസമാണ് സൗദി പ്രവാസികൾ നേരിടുന്നത്. സൗദി പ്രഖ്യാപിച്ച യാത്ര നിരോധപ്പട്ടികയിൽ പെടുന്ന രാജ്യമായതിനാൽ നിലവിൽ ഇന്ത്യയിൽ നിന്നുള്ള അത്യാവശ്യ യാത്രക്കാർ മറ്റു പല രാജ്യങ്ങളിലും രണ്ടാഴ്​ച തങ്ങിയാണ് സൗദിയിലേക്ക് വരുന്നത്. രണ്ട് വാക്‌സിൻ സ്വീകരിച്ച്​ മുഖീം സൈറ്റിൽ വിവരങ്ങൾ നൽകുന്നവർക്ക് ശേഷം സൗദിയിൽ നിശ്ചയിച്ച ഒരാഴ്​ച ദൈർഘ്യമുള്ള ഹോട്ടൽ ക്വാറൻറീൻ ഇളവ് ലഭിക്കും.

നാട്ടിൽനിന്ന് വാക്​സിൻ എടുക്കുന്ന പ്രവാസികൾ അവരുടെ പാസ്പോർട്ട് നമ്പർ നൽകി രജിസ്​റ്റർ ചെയ്യുകയും സർട്ടിഫിക്കറ്റിൽ അത് കൃത്യമായി രേഖപ്പെടുത്തിയിട്ടുണ്ട് എന്നുറപ്പ് വരുത്തുകയും വേണം. നേരത്തേ മറ്റു രേഖകൾ നൽകി വാക്​സിൻ എടുത്തവർക്ക് പാസ്പോർട്ട് നമ്പർ ചേർക്കാനുള്ള നടപടി അധികൃതർ സ്വീകരിക്കണമെന്നും റീജനൽ കമ്മിറ്റി അഭ്യർഥിച്ചു. നിലവിൽ ഇന്ത്യയിലെ കോവാക്​സിൻ ഇവിടെ അംഗീകരിച്ചിട്ടില്ല. അത് എടുത്തവർക്കു കൂടി ഗൾഫ് രാജ്യങ്ങളിൽ അംഗീകാരം ലഭിക്കാനുള്ള നയതന്ത്ര ശ്രമങ്ങളും നടത്തണമെന്നും പ്രവാസി സാംസ്​കാരിക വേദി ആവശ്യപ്പെട്ടു.

പ്ര​വാ​സി​ക​ൾ​ക്ക് വാ​ക്​​സി​ൻ മു​ൻ​ഗ​ണ​ന ന​ൽ​ക​ണം –ഖ​സീം പ്ര​വാ​സി സം​ഘം

ബു​റൈ​ദ: വാ​ർ​ഷി​ക അ​വ​ധി​യി​ലും ചി​കി​ത്സാ​ർ​ഥ​വു​മാ​യി നാ​ട്ടി​ലു​ള്ള പ്ര​വാ​സി​ക​ൾ​ക്ക്​ വാ​ക്​​സി​ൻ കു​ത്തി​വെ​പ്പി​ന്​ മു​ൻ​ഗ​ണ​ന ന​ൽ​ക​ണ​മെ​ന്ന്​ അ​ൽ​ഖ​സീം പ്ര​വാ​സി സം​ഘം കേ​ന്ദ്ര​ക​മ്മി​റ്റി കേ​ര​ള സ​ർ​ക്കാ​റി​നോ​ട്​ അ​ഭ്യ​ർ​ഥി​ച്ചു. വാ​ക്​​സി​ൻ ല​ഭി​ക്കാ​ത്ത​തു​മൂ​ലം പ്ര​വാ​സി​ക​ളു​ടെ മ​ട​ക്ക​യാ​ത്ര ബു​ദ്ധി​മു​ട്ടി​ലാ​യി​രി​ക്കു​ക​യാ​ണ്. വാ​ക്​​സി​നെ​ടു​ത്ത് മ​ട​ങ്ങി​വ​രു​ന്ന പ്ര​വാ​സി​ക​ൾ​ക്ക്, വി​വി​ധ രാ​ജ്യ​ങ്ങ​ൾ ക്വാ​റ​ൻ​റീ​ൻ നി​യ​മ​ങ്ങ​ളി​ലും മ​റ്റും ഇ​ള​വ് പ്ര​ഖ്യാ​പി​ച്ച സാ​ഹ​ച​ര്യ​ത്തി​ൽ മു​ൻ​ഗ​ണ​ന ക്ര​മ​ത്തി​ൽ വാ​ക്​​സി​ൻ ന​ൽ​കാ​നു​ള്ള ശ്ര​മം സ​ർ​ക്കാ​റി​​ൻെ​റ ഭാ​ഗ​ത്തു​നി​ന്ന് ഉ​ണ്ടാ​ക​ണം. കൂ​ടാ​തെ, വ​ർ​ധി​ച്ചു​വ​രു​ന്ന വി​മാ​ന യാ​ത്രാ നി​ര​ക്ക് നി​യ​ന്ത്രി​ക്കു​ന്ന​തി​ലും കേ​ര​ള സ​ർ​ക്കാ​ർ ഇ​ട​പെ​ട​ണം. എ​ന്നും പ്ര​വാ​സി​ക​ളോ​ട് അ​നു​ഭാ​വ​പൂ​ർ​വ​മാ​യ നി​ല​പാ​ടെ​ടു​ത്ത സ​ർ​ക്കാ​ർ, ഈ ​വി​ഷ​യ​ങ്ങ​ളി​ലും ഇ​ട​പെ​ടു​മെ​ന്ന പ്ര​തീ​ക്ഷ​യാ​ണ് ഉ​ള്ള​തെ​ന്നും കേ​ന്ദ്ര​ക​മ്മി​റ്റി പ​ത്ര​ക്കു​റി​പ്പി​ൽ അ​റി​യി​ച്ചു.