ക്രൗ​ൺ പ്രി​ൻ​സ് ഒ​ട്ട​കോ​ത്സ​വം നാ​ലാം ത​വ​ണ​യും ഗി​ന്ന​സ് ബു​ക്കി​ൽ

ത്വാ​ഇ​ഫ്​: ക്രൗ​ൺ പ്രി​ൻ​സ് ഒ​ട്ട​കോ​ത്സ​വം നാ​ലാം ത​വ​ണ​യും ഗി​ന്ന​സ് ബു​ക്കി​ൽ ഇ​ടം പി​ടി​ച്ചു. ഏ​റ്റ​വു​മ​ധി​കം ഒ​ട്ട​ക​ങ്ങ​ളെ പ​ങ്കെ​ടു​പ്പി​ച്ച്​ ഓ​ട്ട​മ​ത്സ​രം ന​ട​ത്തി​യ​ ലോ​ക​ത്തി​ലെ ഏ​റ്റ​വും വ​ലി​യ ഒ​ട്ട​ക​മേ​ള​യെ​ന്ന റെ​ക്കോ​ഡാ​ണ്​ നേ​ടി​യ​ത്.

ഗി​ന്ന​സ് ബു​ക്ക് ഓ​ഫ് വേ​ൾ​ഡ് റെ​ക്കോ​ഡ് സ​ർ​ട്ടി​ഫി​ക്ക​റ്റ് ക്രൗ​ൺ പ്രി​ൻ​സ്​ ഒ​ട്ട​ക​മേ​ള​യു​ടെ സു​പ്രീം സം​ഘാ​ട​ക​സ​മി​തി കൈ​പ്പ​റ്റി. 21,637 റൈ​ഡു​ക​ളാ​ണ്​ ആ​റാം പ​തി​പ്പ്​ ഒ​ട്ട​ക​യോ​ട്ട മ​ത്സ​ര​ങ്ങ​ളു​ടെ എ​ണ്ണ​ത്തി​ൽ ഇ​ത്ത​വ​ണ പു​തി​യ റെ​ക്കോ​ഡാ​ണ് രേ​ഖ​പ്പെ​ടു​ത്തി​യി​രി​ക്കു​ന്ന​ത്.

ഫെ​സ്​​റ്റി​വ​ലി​​ന്റെ ച​രി​ത്ര​ത്തി​ൽ ന​ട​ന്ന ആ​ദ്യ പ​തി​പ്പി​നെ അ​പേ​ക്ഷി​ച്ച് റൗ​ണ്ടു​ക​ളു​ടെ എ​ണ്ണ​ത്തി​ലു​ണ്ടാ​യ വ​ർ​ധ​ന 93.5 ശ​ത​മാ​ന​മാ​ണ്. ആ​റ് പ​തി​പ്പു​ക​ളി​ൽ പ​ങ്കെ​ടു​ത്ത ഒ​ട്ട​ക​ങ്ങ​ളു​ടെ എ​ണ്ണം 98,929 ആ​യി. 2018-ലാ​ണ്​ ​ക്രൗ​ൺ പ്രി​ൻ​സ്​ ഒ​ട്ട​കോ​ത്സ​വം ആ​രം​ഭി​ച്ച​ത്. ഇ​തി​നു​മു​മ്പ് ഒ​ട്ട​​കോ​ത്സ​വം​ മൂ​ന്ന് ത​വ​ണ ഗി​ന്ന​സ് വേ​ൾ​ഡ് റെ​ക്കോ​ഡ് സ​ർ​ട്ടി​ഫി​ക്ക​റ്റ് നേ​ടി​യി​ട്ടു​ണ്ട്. ഒ​ട്ട​ക​യോ​ട്ട മ​ത്സ​ര​ങ്ങ​ളി​ൽ ഏ​റ്റ​വു​മ​ധി​കം റൈ​ഡു​ക​ൾ നി​ല​യി​ലാ​ണ്​ മു​മ്പ് ര​ണ്ട്​ ത​വ​ണ റെ​ക്കോ​ർ​ഡ്​ നേ​ടി​യ​ത്.

ആ​ദ്യ​ത്തേ​തി​ൽ 11,178 റൈ​ഡു​ക​ളും ര​ണ്ടാ​മ​ത്തേ​തി​ൽ 13,377 റൈ​ഡു​ക​ൾ. ലോ​ക​ത്തി​ലെ ഏ​റ്റ​വും വ​ലി​യ ഒ​ട്ട​ക മോ​ഡ​ലി​​ന്റെ അ​വ​ത​ര​ണ​ത്തി​നാ​ണ്​ മൂ​ന്നാ​മ​ത്തെ സ​ർ​ട്ടി​ഫി​ക്ക​റ്റ് ല​ഭി​ച്ച​ത്. 4.65 ഉ​യ​ര​വും 10 മീ​റ്റ​ർ വീ​തി​യു​മു​ള്ള 51,200 ലൈ​റ്റി​ങ്ങു​ക​ളും ഇ​തി​ൽ അ​ട​ങ്ങി​യി​രി​ക്കു​ന്നു. നാ​ലാം ത​വ​ണ ക്രൗ​ൺ പ്രി​ൻ​സ്​ ഒ​ട്ട​കോ​ത്സ​വ​ത്തി​ന്​ ല​ഭി​ച്ച റെ​ക്കോ​ഡ്​ 2024 വ​ർ​ഷം ‘ഒ​ട്ട​ക​ത്തി​​ന്റെ വ​ർ​ഷം’ എ​ന്ന പ​ദ​വി​യു​മാ​യി പൊ​രു​ത്ത​പ്പെ​ടു​ന്നു.