കൂടുതൽ ഒട്ടകയോട്ട മത്സരങ്ങൾ സംഘടിപ്പിക്കാൻ നിർദേശിച്ച്​ കിരീടാവകാശി

ജി​ദ്ദ: രാ​ജ്യ​ത്ത്​ കൂ​ടു​ത​ൽ ഒ​ട്ട​ക​യോ​ട്ട മ​ത്സ​ര​ങ്ങ​ൾ ന​ട​ത്താ​ൻ​ സൗ​ദി കി​രീ​ടാ​വ​കാ​ശി​യും ഉ​പ​പ്ര​ധാ​ന​മ​ന്ത്രി​യു​മാ​യ അ​മീ​ർ മു​ഹ​മ്മ​ദ്​ ബി​ൻ സ​ൽ​മാ​ൻ നി​ർ​ദേ​ശം ന​ൽ​കി. മ​ത്സ​ര​മേ​ള സം​ഘ​ടി​പ്പി​ക്കാ​ൻ ആ​വ​ശ്യ​മാ​യ ഫീ​ൽ​ഡ്​ പ്ര​വ​ർ​ത്ത​ന​ങ്ങ​ൾ, സം​ഘാ​ട​നം, സ​ജ്ജീ​ക​ര​ണം, സ​മ്മാ​ന​ങ്ങ​ൾ എ​ന്നി​വ​യെ​ല്ലാം ഒ​രു​ക്കാ​ൻ നി​ർ​ദേ​ശി​ച്ചി​ട്ടു​ണ്ട്. പൈ​തൃ​ക കാ​യി​ക​വി​നോ​ദ​ങ്ങ​ളെ പ്രോ​ത്സാ​ഹി​പ്പി​ക്കു​ന്ന​തി​െൻറ ഭാ​ഗ​മാ​ണി​ത്. ച​രി​ത്ര​ത്തി​ലൂ​ട​നീ​ളം രാ​ജ്യ​ത്തെ പ്ര​ധാ​ന പൈ​തൃ​ക കാ​യി​ക​വി​നോ​ദ​മാ​ണ്​ ഒ​ട്ട​ക​യോ​ട്ട മ​ത്സ​രം.

കൂ​ടു​ത​ൽ ഒ​ട്ട​ക​യോ​ട്ട മ​ത്സ​രം സം​ഘ​ടി​പ്പി​ക്കാ​ൻ നി​ർ​ദേ​ശി​ച്ച കി​രീ​ടാ​വ​കാ​ശി​യെ കാ​യി​ക മ​ന്ത്രി​യും ഒ​ളി​മ്പി​ക്​​സ്​ ക​മ്മി​റ്റി ചെ​യ​ർ​മാ​നു​മാ​യ അ​മീ​ർ അ​ബ്​​ദു​ൽ അ​സീ​സ്​ ബി​ൻ തു​ർ​ക്കി അ​ൽ​ഫൈ​സ​ൽ സ്വ​ന്തം പേ​രി​ലും ഒ​ട്ട​ക ഉ​ട​മ​ക​ൾ​ക്കു വേ​ണ്ടി​യും ന​ന്ദി​യും അ​ഭി​ന​ന്ദ​വും അ​റി​യി​ച്ചു.

സൗ​ദി കാ​യി​ക​മേ​ഖ​ല​യു​ടെ വി​പു​ലീ​ക​ര​ണ​ത്തി​ന്​ വ​ള​രെ സ​ഹാ​യി​ക്കു​ന്ന​താ​ണ് കി​രീ​ടാ​വ​കാ​ശി​യു​ടെ​ നി​ർ​ദേ​ശ​മെ​ന്ന്​ കാ​യി​ക മ​ന്ത്രി പ​റ​ഞ്ഞു. ഒ​ട്ട​ക​യോ​ട്ട മ​ത്സ​ര​ത്തി​ൽ പ്ര​ത്യേ​ക ശ്ര​ദ്ധ​യും പ്രാ​ധാ​ന്യ​വു​മാ​ണ്​ കി​രീ​ടാ​വ​കാ​ശി ന​ൽ​കി​വ​രു​ന്ന​ത്​. ഒ​ട്ട​ക​യോ​ട്ട മ​ത്സ​രം വേ​റി​ട്ട കാ​യി​ക മ​ത്സ​ര​മാ​യി കൂ​ടു​ത​ൽ പ്ര​ചാ​രം നേ​ടി​ക്കൊ​ണ്ടി​രി​ക്കു​ക​യാ​ണ്. ഗ​വ​ൺ​മെൻറി​െൻറ നി​ര​ന്ത​ര സ​ഹാ​യ​ത്താ​ൽ വ​ള​രെ പ്ര​ചാ​ര​മു​ള്ള കാ​യി​ക വി​നോ​ദ​ങ്ങ​ളി​ലൊ​ന്നാ​യി മാ​റി​യി​രി​ക്കു​ന്നു​വെ​ന്നും അ​ദ്ദേ​ഹം പ​റ​ഞ്ഞു.