മൻസൂർ ഹാദി ജിദ്ദയിൽ; കിരീടാവകാശിയുമായി കൂടിക്കാഴ്​ച

ജിദ്ദ: യമൻ പ്രസിഡൻറ്​ അബ്​ദുറബ്ബ്​ മൻസൂർ ഹാദി ജിദ്ദയിലെത്തി. കിരീടാവകാശി അമീർ മുഹമ്മദ്​ ബിൻ സൽമാനുമായി കൂടിക്കാഴ്​ച നടത്തിയ അദ്ദേഹം യമനിലെ നിലവിലെ സ്​ഥിതിഗതികൾ വിശദീകരിച്ചു. രാജ്യത്തെ വികസന, ദുരിതാശ്വാസ, സന്നദ്ധ പ്രവർത്തനങ്ങളെ കുറിച്ചും രാജ്യവാസികളുടെ സൗഖ്യത്തിനായി ചെയ്യേണ്ട പ്രവർത്തനങ്ങളെ കുറിച്ചും ഇരുവരും ​ചർച്ച ചെയ്​തു. 

സൗദി സഹമന്ത്രി മുസാഇദ്​ അൽഅയ്​ബാൻ, ജനറൽ ഇൻറലിജൻസ്​ പ്രസിഡൻസി ഡയറക്​ടർ ഖാലിദ്​ അൽഹുമൈദാൻ, യമൻ പ്രസിഡൻറി​​​െൻറ ഒാഫീസ്​ ഡയറക്​ടർ അബ്​ദുല്ല അൽഉലൈമി, പ്രസിഡൻറി​​​െൻറ സുരക്ഷ വിഭാഗം കമാൻഡർ നാസർ അബ്​ദുറബ്ബുഹാദി, അണ്ടർ സെക്രട്ടറി മുബാറക്​ അൽബാഹർ എന്നിവരും ചർച്ചകളിലുണ്ടായിരുന്നു. കഴിഞ്ഞദിവസം സൽമാൻ രാജാവിനെയും മൻസൂർ ഹാദിയും സംഘവും കണ്ടിരുന്നു.