സ​മ​വാ​യ ശ്ര​മ​വും വി​ജ​യി​ച്ചി​ല്ല: പോ​ർ​വി​ളി​ക​ളു​മാ​യി മ​ല​യാ​ളി ര​ക്ഷാ​ക​ർ​തൃ​സ​മി​തി​ക​ൾ ര​ണ്ടാ​യി മു​ന്നോ​ട്ട്​

ദ​മ്മാം: ഇ​ൻ​റ​ർ​നാ​ഷ​ന​ൽ ഇ​ന്ത്യ​ൻ സ്​​കൂളി​ലെ മ​ല​യാ​ളി വി​ദ്യാ​ർ​ഥി​ക​ളു​ടെ ക്ഷേ​മം മു​ൻ​നി​ർ​ത്തി പ്ര​വ​ർ​ത്തി​ക്കാ​ൻ രൂ​പം കൊ​ണ്ട ‘ദ​മ്മാം ഇ​ൻ​റ​ർ​നാ​ഷ​ന​ൽ ഇ​ന്ത്യ​ൻ സ്​​കൂൾ പേ​ര​ൻ​റ്​​സ്​ അ​സോ​സി​യേ​ഷ​ൻ കേ​ര​ള’ എ​ന്ന സം​ഘ​ട​ന​യെ ഒ​ന്നി​പ്പി​ക്കാ​നു​ള്ള ശ്ര​മ​വും പൊ​ളി​ഞ്ഞു. അ​ധി​കാ​ര​ത​ർ​ക്ക​ങ്ങ​ളി​ൽ മു​ഴു​കി​യ സം​ഘ​ട​ന നേ​താ​ക്ക​ൾ സ​മ​വാ​യ നി​ർ​ദേ​ശ​ങ്ങ​ൾ ത​ള്ളി​യ​തോ​ടെ ര​ണ്ട്​ ​കൂ​ട്ട​രും വാ​ശി​യി​ൽ സ​മാ​ന്ത​ര​പ്ര​വ​ർ​ത്ത​ന​ങ്ങ​ൾ സം​ഘ​ടി​പ്പി​ക്കു​ക​യാ​ണ്. ഇ​തോ​ടെ സാ​ധാ​ര​ണ ര​ക്ഷി​താ​ക്ക​ൾ ആ​രു​ടെ കൂ​ടെ നി​ൽ​ക്ക​ണ​മെ​ന്ന​റി​യാ​ത്ത അ​ങ്ക​ലാ​പ്പി​ലാ​ണ്.

സ്​​കു​ളി​ൽ അ​ടി​യ​ന്ത​ര​മാ​യി പ​രി​ഹ​രി​ക്കേ​ണ്ട നി​ര​വ​ധി വി​ഷ​യ​ങ്ങ​ൾ നി​ല​നി​ൽ​ക്കു​​മ്പോ​ൾ നേ​താ​ക്ക​ളു​ടെ ത​മ്മി​ല​ടി പൊ​തു സ​മൂ​ഹ​ത്തി​ൽ പ​രി​ഹാ​സ്യ​മാ​വു​ക​യാ​ണ്. ര​ണ്ട്​ വി​ഭാ​ഗ​ത്തി​ലെ​യും നേ​താ​ക്ക​ൾ മ​റ്റ്​ നി​ര​വ​ധി സം​ഘ​ട​ന​യി​ൽ പ്ര​വ​ർ​ത്തി​ക്കു​ന്ന​വ​രാ​ണ്. എ​ന്നി​ട്ടും എ​ന്തി​നാ​ണ്​ ര​ക്ഷാ​ക​ർ​തൃ​സ​മി​തി​ക​ളി​ൽ ഇ​ങ്ങ​നെ ​ഗ്രൂ​പ്​​ തി​രി​ഞ്ഞ്​ പ്ര​വ​ർ​ത്തി​ക്കു​ന്നു എ​ന്ന​താ​ണ്​ സാ​ധാ​ര​ണ​ക്കാ​രു​ടെ ചോ​ദ്യം.

2015ൽ ​രൂ​പം​കൊ​ണ്ട ഡി​സ്​​പാ​ക്കി​ന്​ പി​ന്നീ​ട്​ പു​തി​യ ഭാ​ര​വാ​ഹി​ക​ൾ ഉ​ണ്ടാ​കു​ന്ന​ത്​ 2018ലാ​ണ്.​ അ​തി​നു​ശേ​ഷം 2024ലാ​ണ്​ ആ​ദ്യ​മാ​യി ജ​ന​റ​ൽ ബോ​ഡി വി​ളി​ക്കു​ന്ന​തും തെ​രഞ്ഞെ​ടു​പ്പ്​ ന​ട​ത്തു​ന്ന​തും. 7000ല​ധി​കം മ​ല​യാ​ളി വി​ദ്യാ​ർ​ഥി​ക​ൾ പ​ഠി​ക്കു​ന്ന സ്​​കു​ളി​​ന്റെ ര​ക്ഷാ​ക​ർ​തൃ സ​മി​തി​യി​ൽ ആ​യി​ര​ത്തി​ന്​ താ​ഴെ​മാ​ത്ര​മേ അം​ഗ​ങ്ങ​ളുള്ളു. അ​തി​ൽ ത​ന്നെ ജ​ന​റ​ൽ ബോ​ഡി വി​ളി​ച്ച​പ്പോ​ൾ എ​ത്തി​യ​ത്​ 65 ഓ​ളം അം​ഗ​ങ്ങ​ൾ മാ​ത്രം. മു​ൻ​ധാ​ര​ണ​ക​ൾ കാ​ര​ണ​മു​ണ്ടാ​യ ത​ർ​ക്ക​ങ്ങ​ളി​ലും മു​ൻ​ഭാ​ര​വാ​ഹി​ക​ളി​ൽ​നി​ന്നു​ണ്ടാ​യ ചി​ല പ​രാ​മ​ർ​ശ​ങ്ങ​ളി​ലും പ്ര​തി​ഷേ​ധി​ച്ച്​ 42ഓ​ളം പേ​ർ ഇ​റ​ങ്ങി​​പ്പോ​വു​ക​യാ​യി​രു​ന്നു. എ​ന്നാ​ൽ, ഇ​വ​രാ​രെ​യും ത​ങ്ങ​ൾ ക്ഷ​ണി​ച്ച​ത​ല്ലെ​ന്നാ​ണ്​ മു​ൻ​ഭാ​ര​വാ​ഹി​ക​ള​ടെ വാ​ദം.

അ​തേ സ​മ​യം സാ​ധാ​ര​ണ ര​ക്ഷി​താ​ക്ക​ളെ ഉ​ൾപ്പെടു​ത്താ​തെ ചി​ല​ർ സ്വാ​ർ​ഥ​മാ​യി സം​ഘ​ട​ന​യെ ​കൈ​വ​ശം വെ​ക്കു​ക​യാ​യി​രു​ന്നു​​വെ​ന്നും അ​തി​നെ മ​റി​ക​ട​ക്കാ​നാ​ണ്​ ര​ക്ഷി​താ​ക്ക​ൾ കേ​ട്ട​റി​ഞ്ഞ്​ യോ​ഗ​ത്തി​നെ​ത്തി​യ​തെ​ന്നും മ​റു​ഭാ​ഗ​വും വാ​ദി​ക്കു​ന്നു. മാ​ധ്യ​മ പ്ര​വ​ർ​ത്ത​ക​രാ​യ ഹ​ബീ​ബ്​ ഏ​ലം​കു​ളം, സാ​ജി​ദ്​ ആ​റാ​ട്ടു​പു​ഴ, നൗ​ഷാ​ദ്​ ഇ​രി​ക്കൂ​ർ, ലോ​ക കേ​ര​ള​സ​ഭാ അം​ഗം ആ​ൽ​ബി​ൻ ജോ​സ​ഫ്​ എ​ന്നി​വ​രാ​ണ്​ സ​മ​വാ​യ​ശ്ര​മ​ത്തി​ന്​ മ​ധ്യ​സ്ഥം പ​റ​യാ​നെ​ത്തി​യ​ത്.

ഇ​രു വി​ഭാ​ഗ​വും പ്ര​ഖ്യാ​പി​ച്ച എ​ക​സ്​ി​ക്യു​ട്ടിവ്​ ക​മ്മി​റ്റി​യി​ൽ നി​ന്ന്​ ഒ​രു പൊ​തു ക​മ്മി​റ്റി​യെ തെ​ര​ഞ്ഞെ​ടു​ക്കു​കയോ,കൃ​ത്യ​മാ​യു​ള്ള അം​ഗ​ത്വ കാ​മ്പ​യി​നുശേ​ഷം ഇ​രു​പാ​ന​ലു​ക​ളും ​പൊ​തു​തെ​ര​ഞ്ഞെ​ടു​പ്പി​നെ ​നേ​രി​ടു​ക​യോ ചെ​യ്യു​ക എ​ന്ന നി​ർ​ദേ​ശ​മാ​ണ്​ മ​ധ്യ​സ്ഥർ മു​ന്നോ​ട്ട്​ വെ​ച്ച​ത്. എ​ന്നാ​ൽ ഒ​രു വി​ഭാ​ഗം ഇ​തി​നെ സ്വാ​ഗ​തം ചെ​യ്തെ​ങ്കി​ലും കേ​വ​ലം 25 അം​ഗ​ങ്ങ​ൾ മാ​ത്രം​ചേ​ർ​ന്ന്​ തെ​ര​ഞ്ഞെ​ടു​ത്ത ത​ങ്ങ​ളാ​ണ്​ ഔ​ദ്യോ​ഗി​ക വി​ഭാ​ഗ​​മെ​ന്ന്​ വാ​ദി​ക്കു​ന്ന​വ​ർ ഈ ​നി​ർ​ദേ​ശ​ത്തെ ത​ള്ളി​ക്ക​ള​യു​ക​യാ​യി​രു​ന്നു.

വ​ര​ണാ​ധി​കാ​രി​യാ​യ സു​നി​ൽ മു​ഹ​മ്മ​ദ്​ പ​ക്ഷ​പാ​ത​പ​ര​മാ​യി പെ​രു​മാ​റ​യെ​ന്ന ആ​രോ​പ​ണ​മു​ന്ന​യി​ച്ച മ​റു​മു​ന്ന​ണി അ​ദ്ദേ​ത്തെ സ​മവാ​യ ച​ർ​ച്ച​​യി​ൽ പ​​ങ്കെ​ടു​ക്കാ​നും അ​നു​വ​ദി​ച്ചി​ല്ല. ത​ർ​ക്ക​മു​ണ്ടാ​കു​​മ്പോ​ൾ മ​റ്റൊ​രു​ദി​വ​സ​ത്തേ​ക്ക്​ തി​ര​ഞ്ഞെ​ടു​പ്പ്​ മാ​റ്റി​വെ​ച്ച്​ അം​ഗ​ത്വ പ​രി​ശോ​ധ​ന കൃ​ത്യ​മാ​യി പൂ​ർ​ത്തി​യാ​ക്കു​ക​യാ​യി​രു​ന്നു വ​ര​ണാ​ധി​കാ​രി ചെ​യ്യേ​ണ്ടി​യി​രു​ന്ന​തെ​ന്നാ​ണ്​ മ​റു ഗ്രൂ​പ്പി​​ന്റെ വാ​ദം.

കാ​ര്യ​ങ്ങ​ൾ എ​ന്താ​യാ​യ​ലും ഇ​പ്പോ​ൾ കു​ടു​ങ്ങി​യി​രി​ക്കു​ന്ന​ത്​ സാ​ധാ​ര​ണ​ക്കാ​രാ​ണ്. ശ​നി​യാ​ഴ്​​ച ഒ​രു വി​ഭാ​ഗം സ്​​കൂൾ ടോ​പ്പേ​ഴ്​​സ്​ അ​വാ​ർ​ഡ്​ പ​രി​പാ​ടി ദ​മ്മാ​മി​ൽ ന​ട​ത്തു​മെ​ന്ന്​ പ്ര​ഖ്യാ​പി​ച്ച​പ്പോ​ൾ മ​റു​വി​ഭാ​ഗം അ​തേ​സ​മ​യ​ത്ത്​ അ​ൽ​ഖോ​ബാ​റി​ൽ സം​ഘ​ട​ന​യു​ടെ യോ​ഗം വി​ളി​ച്ചി​രി​ക്കു​ക​യാ​ണ്. ഇ​വ​രു​ടെ ത​ർ​ക്കം കാ​ര​ണം ടോ​പ്പേ​ഴ്​​സ്​ പ​രി​പാ​ടി സ്​​​പോ​ൺ​സ​ർ ​ചെ​യ്യാ​ൻ ത​യാ​റാ​യ ഹൈ​പ്പ​ർ മാ​ർ​ക്ക​റ്റ്​ ഗ്രൂ​പ്പും പി​ന്മാ​റി.

സം​ഘ​ട​ന​ക​ള​ടെ ത​ർ​ക്കം മു​റു​​കു​മ്പോ​ഴും സ്​​കൂളു​മാ​യി ബ​ന്ധപ്പെട്ട പ്ര​ശ്​​ന​ങ്ങ​ൾ ഇ​പ്പോ​ഴും സ​ജീ​വ​മാ​യി നി​ല​നി​ൽ​ക്കു​ക​യാ​ണ്. ക​ടു​ത്ത ചൂ​ടി​ൽ എ.​സി പ്ര​വ​ർ​ത്തി​ക്കാ​ത്ത​ത​ിനെ​തുട​ർ​ന്ന്​ മി​ക്ക​പ്പോ​ഴും ഓ​ൺലൈ​ൻ ക്ലാ​സുക​ളാ​ണ്​ ന​ട​ക്കു​ന്ന​ത്. അ​തേസ​മ​യം, ബ​സ്​ ഫീ​സ്​ ഉ​ൾ​പ്പെ​ടെ സ്​​കൂ​ൾ ര​ക്ഷി​താ​ക്ക​ളി​ൽ​നി​ന്ന്​ ഈ​ടാ​ക്കു​ന്നു​മു​ണ്ട്. ബ​ന്ധപ്പെ​ട്ട​വ​രെ ക​ണ്ട്​ ശാ​ശ്വ​ത പ​രി​ഹാ​രം ​നേ​ടാ​ൻ ര​ണ്ട്​ ഗ്രൂ​പ്പുക​ൾ​ക്കും ഇ​തു​വ​രെ ക​ഴി​ഞ്ഞി​ട്ടി​ല്ല എ​ന്ന​താ​ണ്​ സാ​ധാ​ര​ണ ര​ക്ഷി​താ​ക്ക​ളെ നി​രാ​ശ​രാ​ക്കു​ന്ന​ത്.