ദമ്മാം ഒ.ഐ.സി.സി ‘മീറ്റ് ദ ലീഡർ വിത്ത് ദമ്മാം ഒ.ഐ.സി.സി’ സംഘടിപ്പിച്ചു
text_fieldsദമ്മാം ഒ.ഐ.സി.സി സംഘടിപ്പിച്ച ‘മീറ്റ് ദ ലീഡർ വിത്ത് ദമ്മാം ഒ.ഐ.സി.സി’യിൽ രമേശ് ചെന്നിത്തല സംസാരിക്കുന്നു
ദമ്മാം: ഒ.ഐ.സി.സി ദമ്മാം റീജനൽ കമ്മിറ്റി സംഘടിപ്പിച്ച ‘മീറ്റ് ദ ലീഡർ വിത്ത് ദമ്മാം ഒ.ഐ.സി.സി’ എന്ന പരിപാടിയിൽ കോൺഗ്രസ് പ്രവർത്തക സമിതി അംഗം രമേശ് ചെന്നിത്തല മുഖ്യാതിഥിയായി പങ്കെടുത്തു. ദമ്മാം ഒ.ഐ.സി.സി യുടെ വിവിധ തലങ്ങളിലുള്ള പ്രധാന പ്രവർത്തകരാണ് ഈ മുഖാമുഖം പരിപാടിയിൽ പങ്കെടുത്തത്. റീജനൽ പ്രസിഡൻറ് ഇ.കെ. സലീമിന്റെ അധ്യക്ഷതയിൽ സമ്മേളനം സൗദി നാഷനൽ പ്രസിഡൻറ് ബിജു കല്ലുമല ഉദ്ഘാടനം ചെയ്തു. മുൻ കെ.പി.സി.സി എക്സിക്യൂട്ടീവ് കമ്മിറ്റി മെംബറും ഒ.ഐ.സി.സി ഗ്ലോബൽ വൈസ് ചെയർമാനുമായ അഹ്മദ് പുളിക്കൽ മുഖ്യപ്രഭാഷണം നിർവഹിച്ചു.
ഒ.ഐ.സി.സിസ്ഥാപിക്കാൻ മുൻകൈ എടുത്ത ആളെന്ന നിലയിൽ ദമ്മാമിലെ പ്രവർത്തനങ്ങൾ ശക്തമായി പോകുന്നു എന്നത് വളരെ സന്തോഷകരമായ കാര്യമാണെന്ന് രമേശ് ചെന്നിത്തല പറഞ്ഞു. കോവിഡ് മഹാമാരി സമയത്ത് ഭക്ഷണ കിറ്റുകളും മരുന്നുകളും നൽകിയതും നിരവധി ചാർട്ടേഡ് ഫ്ലൈറ്റുകൾ എർപ്പെടുത്തിയത് അടക്കം സമാനതകൾ ഇല്ലാത്ത പ്രവർത്തനം നടത്തിയ ദമ്മാം ഒ.ഐ.സി.സി എല്ലാ തരത്തിലും അഭിനന്ദനം അർഹിക്കുന്നു. ശക്തമായ സംഘടനാ അടിത്തറ കെട്ടിപ്പെടുത്ത നേതൃത്വത്തിന്റെ പ്രവർത്തനം ഏറെ പ്രശംസനീയമാണ്. ഐക്യത്തോടെയും ഒത്തൊരുമയോടെയും മുന്നോട്ട് പോകുന്ന ദമ്മാം ഒ.ഐ.സി.സി ഒരു മാതൃകയാണ്. മോദി വിരുദ്ധ തരംഗമാണ് ഇന്ന് ഇന്ത്യയിൽ ഉള്ളത്. ഇന്ത്യയിൽ ഇന്ന് ഏറ്റവും വലിയ ആവശ്യം മതേതരത്വം സംരക്ഷിക്കുക, ജനാധിപത്യം സംരക്ഷിക്കുക, വർഗീയതയെ ചെറുക്കുക എന്നിവയാണ്. ഈ ആവശ്യത്തിലൂന്നിയാണ് ഇൻഡ്യ സഖ്യം രൂപവത്കരിച്ചിട്ടുള്ളത്. സാധാരണ ജനങ്ങളുടെ പിന്തുണയോടെ ഇൻഡ്യ സഖ്യം അധികാരത്തിൽ വരുമെന്നും അദ്ദേഹം പറഞ്ഞു.
ഗ്ലോബൽ കമ്മിറ്റി വൈസ് പ്രസിഡൻറ് സി. അബ്ദുൽ ഹമീദ്, ഗ്ലോബൽ സെക്രട്ടറി അഷ്റഫ് മുവാറ്റുപുഴ ഗ്ലോബൽ പ്രതിനിധികളായ ഹനീഫ് റാവുത്തർ,സിറാജ് പുറക്കാട്, ജോൺ കോശി, നാഷണൽ പ്രതിനിധികൾ ആയ റഫീഖ് കൂട്ടിലങ്ങാടി, ചന്ദ്രമോഹൻ, വനിതാ വേദി പ്രസിഡൻറ്റ് ലിബി ജയിംസ്, ആലപ്പുഴ ജില്ലാ പ്രസിഡൻറ് ജോണി പുതിയറ എന്നിവർ സംസാരിച്ചു.
തുടർന്ന് നടന്ന മുഖാമുഖം പരിപാടിയിൽ ഗ്ലോബൽ, നാഷണൽ, റീജ്യണൽ, ജില്ല, എരിയ നേതാക്കളുടെ ചോദ്യങ്ങൾക്കു ഉത്തരം നൽകിയും, നിർദേശങ്ങൾ സ്വീകരിച്ചും മുന്നോട്ടുപോയ സദസ്സ് തികച്ചും വ്യത്യസ്ത അനുഭവമായി. ജോണി പുതിയറ, ഹമീദ് മരക്കാശ്ശേരി, ഷാരി ജോൺ, രാജീവ്, അബ്ദുൽ ഖരീം, ഷിജില ഹമീദ്, അൻവർ സാദിഖ്, തോമസ് തൈപറമ്പിൽ, ദിൽഷാദ്, ജോൺ കോശി, ജോജി ജോസഫ്, അൻവർ വണ്ടൂർ, ചന്ദ്രമോഹൻ, ഗഫൂർ വടകര, ഷരീഫ്, ലിബി ജയിംസ്, എന്നിവർ മുഖാമുഖം പരിപാടിയിൽ പങ്കാളികളായി.
ഷംസ് കൊല്ലം, പി.കെ. അബ്ദുൽ ഖരീം, വിൽസൻ തടത്തിൽ, ഷിജില ഹമീദ്, ഡോ. സിന്ധു ബിനു, സി.ടി. ശശി, സക്കീർ പറമ്പിൽ, ജേക്കബ് പറയ്ക്കൽ, അൻവർ വണ്ടൂർ, ആസിഫ് താനൂർ, നിഷാദ് കുഞ്ചു, രാധിക ശ്യാംപ്രകാശ്, കെ.പി. മനോജ്, യഹിയ കോയ, ബിനു പി. ബേബി, ഹുസ്ന ആസിഫ്, അബ്ദുൽ റഷീദ് റാവുത്തർ വിവിധ ജില്ലാ എരിയ പ്രസിഡൻറുമാർ, ജനറൽ സെക്രട്ടറിമാർ എന്നിവർ പരിപാടിക്ക് നേതൃത്വം നൽകി. റീജ്യണൽ സംഘടന ജനറൽ സെക്രട്ടറി ഷിഹാബ് കായംകുളം സ്വാഗതവും ട്രഷറർ പ്രമോദ് പൂപ്പാല നന്ദിയും പറഞ്ഞു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.