ദ​മ്മാം സ്​​കൂ​ൾ: പ്ര​ശ്​​ന​പ​രി​ഹാ​രം തേ​ടി ‘ഡി​സ്​​പാ​ക് കേ​ര​ള’ പ്ര​തി​നി​ധി​ക​ൾ എം​ബ​സി അ​ധി​കൃ​ത​രെ ക​ണ്ടു

ദ​മ്മാം: ഇ​ൻ​റ​ർ​നാ​ഷ​ന​ൽ ഇ​ന്ത്യ​ൻ സ്​​കൂ​ളി​ൽ എ.​സി പ്ര​വ​ർ​ത്തി​ക്കാ​ത്ത​ത്​ ഉ​ൾ​പ്പെ​ടെ കു​ട്ടി​ക​ൾ നേ​രി​ടു​ന്ന ഗു​രു​ത​ര​പ്ര​ശ്​​ന​ങ്ങ​ൾ​ക്ക്​ പ​രി​ഹാ​രം തേ​ടി മ​ല​യാ​ളി ര​ക്ഷാ​ക​ർ​തൃ​സ​മി​തി ‘ഡി​സ്​​പാ​ക്​ കേ​ര​ള’​യു​ടെ പ്ര​തി​നി​ധി​ക​ൾ ഇ​ന്ത്യ​ൻ എം​ബ​സി സെ​ക്ക​ൻ​ഡ്​​ സെ​ക്ര​ട്ട​റി മു​ഹ​മ്മ​ദ് ​ഷെ​ബീ​റു​മാ​യി കൂ​ടി​ക്കാ​ഴ്​​ച ന​ട​ത്തി. ന​ജിം ബ​ഷീ​ർ, താ​ജു അ​യ്യാ​രി​ൽ, അ​സ്‌​ലം ഫ​റോ​ക്ക്, ആ​സി​ഫ് താ​നൂ​ർ, തോ​മ​സ് തൈ​പ്പ​റ​മ്പി​ൽ എ​ന്നി​വ​ര​ട​ങ്ങി​യ സം​ഘം സ്​​കൂ​ളി​ൽ എ.​സി പ്ര​വ​ർ​ത്തി​ക്കാ​ത്ത​തി​നെ​ത്തു​ട​ർ​ന്ന്​ ക​ടു​ത്ത ചൂ​ടി​ൽ ക്ലാ​സു​ക​ൾ ന​ട​ത്താ​ൻ ക​ഴി​യാ​ത്ത​തി​ന്​​ ശാ​ശ്വ​ത പ​രി​ഹാ​രം വേ​ണ​മെ​ന്ന്​ ആ​വ​ശ്യ​പ്പെ​ട്ടു.

20 വ​ർ​ഷം പ​ഴ​ക്ക​മു​ള്ള എ.​സി യൂ​നി​റ്റു​ക​ൾ മാ​റ്റി​സ്ഥാ​പി​ക്കാ​തെ ​ശാ​ശ്വ​ത പ​രി​ഹാ​രം ക​ണ്ടെ​ത്താ​ൻ ക​ഴി​യി​ല്ലെ​ന്നും അ​വ​ർ വി​ശ​ദീ​ക​രി​ച്ചു. ഈ ​രീ​തി​യി​ൽ സ്​​കൂ​ളി​ൽ​നി​ന്നും വി​വ​ര​ങ്ങ​ൾ ല​ഭ്യ​മാ​യി​ട്ടി​ല്ലെ​ന്നും മെ​യി​ൻ​റ​ന​ൻ​സ്​ ക​രാ​റി​നു​ള്ള അ​പേ​ക്ഷ​യാ​ണ്​ ല​ഭി​ച്ച​തെ​ന്നും അ​ത്​ അ​പ്പോ​ൾ ത​ന്നെ അ​നു​വ​ദി​ച്ച​താ​യും മു​ഹ​മ്മ​ദ്​ ഷെ​ബീ​ർ അ​റി​യി​ച്ചു. സ്​​കൂ​ൾ ഭ​ര​ണ​സ​മി​തി, ഹ​യ​ർ​ബോ​ർ​ഡ്​ വ​ഴി എ.​സി മാ​റ്റി​സ്ഥാ​പി​ക്കാ​നു​ള്ള അ​പേ​ക്ഷ ന​ൽ​കി​യാ​ൽ സ്കൂ​ളി​​ന്റെ റി​സ​ർ​വ് ഫ​ണ്ടി​ൽ​നി​ന്നും എ​ത്ര​യും വേ​ഗം അ​തി​ലേ​ക്കു​ള്ള അ​നു​മ​തി ല​ഭ്യ​മാ​ക്കാ​ൻ ആ​വ​ശ്യ​മാ​യ ഇ​ട​പെ​ട​ലു​ക​ൾ ന​ട​ത്തു​മെ​ന്നും അ​ദ്ദേ​ഹം പ്ര​തി​നി​ധി​ക​ൾ​ക്ക്​ ഉ​റ​പ്പു​ന​ൽ​കി. നി​ല​വി​ൽ സ്കൂ​ളി​ലു​ള്ള ട്രാ​ൻ​സ്‌​പോ​ർ​​ട്ടേ​ഷ​ൻ സം​വി​ധാ​ന​ത്തി​​ന്റെ പോ​രാ​യ്മ​ക​ൾ, ഉ​യ​ർ​ന്ന ചെ​ല​വ് എ​ന്നി​വ ബോ​ധ്യ​പ്പെ​ടു​ത്തി​യ​പ്പോ​ൾ പു​റം​ക​രാ​ർ ന​ൽ​കി​യി​രി​ക്കു​ന്ന​തി​നാ​ൽ നി​ല​വി​ൽ എ​ന്തെ​ങ്കി​ലും ഇ​ള​വു​ക​ൾ നേ​ടാ​ൻ ഇ​ട​പെ​ടു​ന്ന​തി​ന്​ എം​ബ​സി​ക്ക്​ പ​രി​മി​തി​ക​ളു​ണ്ടെ​ന്നും അ​ദ്ദേ​ഹം അ​റി​യി​ച്ചു.

സ്​​കൂ​ളി​ന്റെ പ​ഠ​ന​നി​ല​വാ​രം ഉ​യ​ർ​ത്താ​നാ​യി അ​ധ്യാ​പ​ക, അ​ന​ധ്യാ​പ​ക ജീ​വ​ന​ക്കാ​രു​ടെ പെ​ർ​ഫോ​മ​ൻ​സ് ഇ​വാ​ലു​വേ​ഷ​ൻ ന​ട​പ്പാ​ക്കു​ക​യും നി​ല​വി​ലെ അ​ധ്യാ​പ​ക, വി​ദ്യാ​ർ​ഥി അ​നു​പാ​തം കു​റ​ക്ക​ണ​മെ​ന്നും പ്ര​തി​നി​ധി​ക​ൾ ആ​വ​ശ്യ​പ്പെ​ട്ടു. ജീ​വ​ന​ക്കാ​രു​ടെ സേ​വ​ന വേ​ത​ന വ്യ​വ​സ്ഥ​ക​ൾ കാ​ലോ​ചി​ത​മാ​യി പ​രി​ഷ്ക​രി​ക്കു​ന്ന​തി​ലൂ​ടെ മാ​ത്ര​മെ അ​ധ്യാ​പ​ക​രു​ടെ കൊ​ഴി​ഞ്ഞു​പോ​ക്ക് ഒ​ഴി​വാ​ക്കാ​ൻ ക​ഴി​യൂ എ​ന്നും അ​ക്കാ​ര്യ​ത്തി​ൽ എം​ബ​സി​യു​ടെ ഇ​ട​പെ​ട​ൽ ആ​വ​ശ്യ​മാ​ണെ​ന്നും പ്ര​തി​നി​ധി​ക​ൾ അ​റി​യി​ച്ചു.

ക​ഴി​ഞ്ഞ കാ​ല​യ​ള​വു​ക​ളി​ലെ സ്കൂ​ൾ ഓ​ഡി​റ്റ് റി​പ്പോ​ർ​ട്ട്‌ സ​മ​ർ​പ്പി​ക്കു​ന്ന മു​റ​ക്ക് സേ​വ​ന വേ​ത​ന പ​രി​ഷ്ക​ര​ണം, പു​തി​യ അ​ധ്യാ​പ​ക നി​യ​മ​നം, അ​ടി​സ്ഥാ​ന സൗ​ക​ര്യ വി​ക​സ​നം തു​ട​ങ്ങി​യ​വ ന​ട​ത്തു​മെ​ന്നും സെ​ക്ക​ൻ​ഡ്​​ സെ​ക്ര​ട്ട​റി ഉ​റ​പ്പു ന​ൽ​കി​യ​താ​യി പ്ര​തി​നി​ധി സം​ഘം പ​റ​ഞ്ഞു. കൂ​ടാ​തെ സ്​​കൂ​ളി​ലെ കാ​ൻ​റീ​ൻ സം​വി​ധാ​നം, പു​സ്​​ത​ക വി​ത​ര​ണം, സ​മാ​ന്ത​ര ഗ​താ​ഗ​ത​സൗ​ക​ര്യം തു​ട​ങ്ങി​യ​വ ര​ക്ഷി​താ​ക്ക​ളു​ടെ കൂ​ടി സ​ഹ​ക​ര​ണ​ത്തോ​ടെ മെ​ച്ച​പ്പെ​ടു​ത്താ​നും ന​ട​പ്പാ​ക്കാ​നും ശ്ര​മി​ക്കു​മെ​ന്നും അ​ദ്ദേ​ഹം പ​റ​ഞ്ഞു.