വാ​ഹ​നാ​പ​ക​ട​ത്തി​ൽ മ​രി​ച്ച വ​യ​നാ​ട് സ്വ​ദേ​ശി​യു​ടെ മൃ​ത​ദേ​ഹം ഖ​ബ​റ​ട​ക്കി

ബു​റൈ​ദ: അ​മി​ത വേ​ഗ​ത്തി​ൽ പി​റ​കി​ലേ​ക്കെ​ടു​ത്ത സ്വ​ദേ​ശി പൗ​ര​ന്റെ വാ​ഹ​നം ത​ട്ടി മ​രി​ച്ച വ​യ​നാ​ട്​ സ്വ​ദേ​ശി​യു​ടെ മൃ​ത​ദേ​ഹം ഖ​ബ​റ​ട​ക്കി. അ​പ​ക​ട​ത്തി​ൽ ഗു​രു​ത​ര പ​രി​ക്കു​ക​ളോ​ടെ ബു​റൈ​ദ സെ​ൻ​ട്ര​ൽ ആ​ശു​പ​ത്രി​യി​ൽ ചി​കി​ത്സ​യി​ലി​രി​ക്കെ മ​രി​ച്ച വ​യ​നാ​ട് സു​ൽ​ത്താ​ൻ ബ​ത്തേ​രി സ്വ​ദേ​ശി കൊ​ക്ക​നാ​ട​ൻ വീ​ട്ടി​ൽ മു​ഹ​മ്മ​ദ് റാ​ഫി​യു​ടെ (54) മൃ​ത​ദേ​ഹം ബു​റൈ​ദ ഖ​ലീ​ജ് ഖ​ബ​ർ​സ്ഥാ​നി​ൽ ഖ​ബ​റ​ട​ക്കി.

പ്ര​വാ​സി സം​ഘം ജീ​വ​കാ​രു​ണ്യ വി​ഭാ​ഗം നി​യ​മ​ന​ട​പ​ടി​ക​ൾ പൂ​ർ​ത്തി​യാ​ക്കി. ഒ​ക്​​ടോ​ബ​ർ 28നാ​യി​രു​ന്നു​ അ​പ​ക​ടം. പി​റ​കി​ൽ​നി​ന്നും അ​മി​ത വേ​ഗ​ത്തി​ൽ വ​ന്ന കാ​ർ റാ​ഫി​യെ ഇ​ടി​ക്കു​ക​യാ​യി​രു​ന്നു. ഉ​ട​ൻ ബു​റൈ​ദ സെ​ൻ​ട്ര​ൽ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചെ​ങ്കി​ലും അ​ഞ്ചാം ദി​വ​സം മ​രി​ച്ചു.

കൊ​ക്ക​നാ​ട​ൻ വീ​ട്ടി​ൽ മു​ഹ​മ്മ​ദ് മ​ര​ക്കാ​ർ - ഖ​ദീ​ജ മു​ഹ​മ്മ​ദ് ദ​മ്പ​തി​ക​ളു​ടെ മ​ക​നാ​ണ്. 32 വ​ർ​ഷ​മാ​യി ബു​റൈ​ദ​യി​ൽ ത​യ്യ​ൽ ജോ​ലി ചെ​യ്യു​ക​യാ​യി​രു​ന്നു. ഖ​സീം പ്ര​വാ​സി സം​ഘം ശാ​ര സ​നാ​ഇ​യ യൂ​നി​റ്റ് അം​ഗ​മാ​യി​രു​ന്നു റാ​ഫി. ഭാ​ര്യ: ഹാ​ജ​റ. മ​ക്ക​ൾ: അ​ന​സ്, അ​നീ​ഷ്, റ​ഫാ​ൻ.