മലയാളി റിയാദിൽ ഹൃദയാഘാതം മൂലം മരിച്ചു

റിയാദ്: ഹൃദയാഘാത്തെതുടർന്ന് റിയാദിലെ ആശുപത്രിയിൽ ചികിത്സയിലായിരുന്ന മലയാളി നിര്യാതനായി. പാലക്കാട് തോണിപ്പാടം സ്വദേശി പുത്തൻപുര വീട് കരുക്കപ്പറമ്പ് റിയാസ്​ (29) ആണ്​ ദാറുൽ ശിഫ ആശുപത്രിയിൽ മരിച്ചത്​.

ഹസ്സനാർ, സൗജത്ത് ദമ്പതികളുടെ മകനാണ്. ഭാര്യ: ശിഫ. റിയാദിൽ എട്ട്​ വർഷമായി മത്സ്യ കട നടത്തുകയായിരുന്നു. ഖബറടക്ക നടപടിക്രമങ്ങളുമായി റിയാദ് കെ.എം.സി.സി മലപ്പുറം ജില്ല വെൽഫെയർ വിങ്​ ചെയർമാൻ റഫീഖ് പുല്ലൂർ, ജനറൽ കൺവീനർ ശറഫ് പുളിക്കൽ എന്നിവർ രംഗത്തുണ്ട്.