കൊടിഞ്ഞി സ്വദേശി അൽഖർജിൽ മരിച്ചു

അൽ-ഖർജ്: മലയാളി അൽഖർജിൽ ഹൃദയാഘാതം മൂലം മരിച്ചു. മലപ്പുറം തിരൂരങ്ങാടി കൊടിഞ്ഞി കാളന്തിരുത്തി സ്വദേശി കള്ളിയത്ത് യൂനുസ് (47) ആണ്​ കിങ്​ ഖാലിദ് ആശുപത്രിയിൽ മരിച്ചത്​. 20 വർഷമായി അൽ-ഖർജിൽ ജോലി ചെയ്യുന്ന ഇദ്ദേഹം ഒമ്പത്​ മാസം മുമ്പാണ് നാട്ടിൽ പോയി വന്നത്​. കുഞ്ഞിമൊയ്തീനാണ്​ പിതാവ്. പരതേയായ നഫീസ മാതാവും. ഭാര്യ: ഷരീഫ, ജുവൈരിയ ഏക മകൾ. സെയ്തലവി, ശംസുദ്ദീൻ, ഖാലിദ് എന്നീ സഹോദരങ്ങൾ സൗദിയിൽ ജോലി ചെയ്യുന്നു. മൃതദേഹം നാട്ടിൽ കൊണ്ടുപോകുന്നതിന്​ കെ.എം.സി.സി ജീവകാരുണ്യവിഭാഗം കൺവീനർമാരായ തെന്നല മൊയ്തീൻ കുട്ടി, മുഹമ്മദ് പുന്നക്കാട് എന്നിവർ രംഗത്തുണ്ട്.