‘കൃപ’ ചികിത്സാസഹായ, വിദ്യാഭ്യാസ അവാർഡ് വിതരണം
text_fieldsഎസ്.എസ്.എൽ.സിക്ക് ഉന്നത വിജയം നേടിയ അദിബ സൈഫുദ്ദീന് കായംകുളം റിയാദ് പ്രവാസി അസേസിയേഷെൻറ ഉപഹാരം കൈമാറുന്നു
റിയാദ്: കായംകുളം റിയാദ് പ്രവാസി അസേസിയേഷൻ (കൃപ) ചികിത്സാസഹായ വിതരണവും എസ്.എസ്.എൽ.സിക്ക് ഉന്നത വിജയം നേടിയ കുട്ടികളെ ആദരിക്കുന്ന ചടങ്ങും സംഘടിപ്പിച്ചു. സത്താർ കായംകുളം നഗറിൽ നടന്ന പൊതുയോഗത്തിൽ പ്രസിഡന്റ് ഷൈജു നമ്പലശേരി അധ്യക്ഷത വഹിച്ചു.
മുൻ പ്രസിഡൻറ് യുസുഫ് കായംകുളം ആമുഖ പ്രഭാഷണം നടത്തി. മുൻ ചെയർമാൻ സുരേഷ് ബാബു ഈരിക്കൽ യോഗം ഉദ്ഘാടനം ചെയ്തു. എസ്.എസ്.എൽ.സി പരീക്ഷയിൽ ഉന്നത വിജയം നേടിയ അദിബ സൈഫുദ്ദീന് യൂസുഫ് കുഞ്ഞ് കായംകുളവും ഫർസാന ഷൈജുവിന് അബി ജനതയും ഫലകങ്ങൾ കൈമാറി.
മുൻ ട്രഷറർ സലിം മാളിയേക്കൽ ചികിത്സാ സഹായം കൈമാറി. കഴിഞ്ഞ 18 വർഷത്തിനുള്ളിൽ ഒരു കോടിയിലധികം രൂപ നാട്ടിലും പ്രവാസത്തിലുമുള്ളവർക്കുമായി ധനസഹായം ചെയ്തതായി കൃപ ഭാരവാഹികൾ പറഞ്ഞു. പി.കെ. ഷാജി, ഷൈജു കണ്ടപ്പുറം, ജബ്ബാർ താനത്ത്, റിയാസ് നൈനാരത്ത്, ഷെരീഫ് പെരിങ്ങാല, ബിജു കണ്ടപ്പുറം തുടങ്ങിയവർ സംസാരിച്ചു.
ഫസൽ കണ്ടപ്പുറം, സൈഫ് പൂക്കുഞ്ഞ്, ഷറഫ് മൂടയിൽ, സാബു, അലി അക്ബർ, ഷാനവാസ്, ബിജു കണ്ടപ്പുറം, അജു പടിപ്പുരക്കൽ തുടങ്ങിയവർ പരിപാടിക്ക് നേതൃത്വം നൽകി. ജനറൽ സെക്രട്ടറി ഇസ്ഹാഖ് ലൗഷോർ സ്വാഗതവും മുൻ പ്രസിഡൻറ് അനി അസീസ് നന്ദിയും പറഞ്ഞു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.