Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulfchevron_rightSaudi Arabiachevron_rightതേൻ ഇറക്കുമതിയുടെ...

തേൻ ഇറക്കുമതിയുടെ മറവിൽ മയക്കുമരുന്ന് കടത്ത്​​; അഞ്ച​ുപേർ പിടിയിൽ

text_fields
bookmark_border
Drug trafficking
cancel

റിയാദ്​: സൗദിയിൽ തേൻ ഇറക്കുമതിയുടെ മറവിൽ മയക്കുമരുന്ന് കടത്തിയ ക്രിമിനൽ സംഘം പിടിയിൽ. നാല്​ ഈജിപ്ഷ്യൻ പൗരന്മാരും ഒരു സൗദി പൗരനുമടക്കം അഞ്ചുപേരടങ്ങിയ സംഘത്തെയാണ്​ സാഹസികമായി​ പിടികൂടിയതെന്ന്​ ആഭ്യന്തര മന്ത്രാലയം അറിയിച്ചു. ഒരു പ്രാദേശിക തേൻ ഇറക്കുമതി കമ്പനി മുഖേന മയക്കുമരുന്ന് കടത്തിൽ ഏർപ്പെട്ട ക്രിമിനൽ ശൃംഖലയാണ്​ അറസ്റ്റിലായത്​.

തേൻ ഇറക്കുമതിക്ക്​ ലൈസൻസുള്ള കമ്പനി മുഖേന തേനീച്ചക്കൂടുകളാണ്​ സംഘം ഇറക്കുമതി ചെയ്തത്​. കൂടുകൾക്കുള്ളിൽ തേനീച്ചകൾക്ക്​ പകരം ലഹരി ഗുളികകളായ ‘ആംഫെറ്റാമിൻ’ സൗദിയിലേക്ക്​ കടത്തുകയായിരുന്നു. ഇറക്കുമതി ചെയ്​തുകിട്ടിയ സാധനം ഫ്രീസർ സംവിധാനമുള്ള വാഹനത്തിൽ കൊണ്ടുപോയി ജിസാൻ മേഖലയിലെ അൽദർബ് ഗവർണറേറ്റ്​ പരിധിയിൽ വിൽപന നടത്തി.

ഈ ശൃംഖലയെ പിന്തുടർന്ന്​ പിടികൂടുകയായിരുന്നു. പ്രതികളെ പബ്ലിക് പ്രോസിക്യൂഷന് കൈമാറിയെന്നും മന്ത്രാലയം പറഞ്ഞു. രാജ്യത്തി​െൻറ സുരക്ഷയും സ്ഥിരതയും അസ്ഥിരപ്പെടുത്താനുള്ള ഏത് ശ്രമങ്ങളെയും നേരിടാൻ പഴുതടച്ച നടപടികളാണ്​ തുടരുന്നതെന്നും രാജ്യത്തെ പൗരന്മാരുടെയും വിദേശ താമസക്കാരുടെയും സുരക്ഷയെ ലക്ഷ്യമിടുന്ന എല്ലാ ക്രിമിനൽ പദ്ധതികൾക്കെതിരെയും, പ്രത്യേകിച്ച് മയക്കുമരുന്ന് കടത്തിനെതിരെയും കടുത്ത ജ​ഗ്രതയിലാണെന്നും മന്ത്രാലയം വ്യക്തമാക്കി.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Drug TraffickingSaudi News
News Summary - Drug trafficking under the guise of honey importation; Five people are under arrest
Next Story