പുതിയ അധ്യയന വർഷത്തെ വരവേൽക്കാൻ സൗദി ഒരുങ്ങുന്നു

ജിദ്ദ: പുതിയ അധ്യായന വർഷത്തെ വരവേൽക്കാൻ ഒരുക്കങ്ങൾ പൂർത്തിയാക്കണമെന്ന്​ വിദ്യാഭ്യാസ ഒാഫിസുക​ളോട്​ വിദ്യാഭ്യാസമന്ത്രി ഡോ. ഹമദ്​ അൽശൈഖ്​​ ആവശ്യപ്പെട്ടു. രാജ്യത്തെ വിവിധ മേഖലകളിലെയും ഗവർണറേറ്റുകളിലെയും വിദ്യാഭ്യാസ ഡയറക്​ടർമാരുമായി നടത്തിയ വിദൂര കൂടിക്കാഴ്​ചയിലാണ്​ ഇക്കാര്യം പറഞ്ഞത്​.

അടുത്ത അധ്യായന വർഷത്തെ സ്വീകരിക്കാൻ പ്രധാന തയാറെടുപ്പുകളും സംഭവവികാസങ്ങളും ചർച്ച ചെയ്യുന്നതിനും ആസൂത്രണം ചെയ്യുന്നതിനുമാണ്​ യോഗം വിളിച്ചുകൂട്ടിയത്​. പുതിയ അധ്യായന വർഷത്തെ സ്വീകരിക്കാൻ വിദ്യാഭ്യാസ വകുപ്പുകളും ഒാഫിസുകളും തയാറാകേണ്ടതി​െൻറ പ്രാധാന്യം മന്ത്രി ഉൗന്നിപ്പറഞ്ഞു. വിദൂര വിദ്യാഭ്യാസ പ്രക്രിയ തുടരുന്നതിനുള്ള ഒരുക്കങ്ങളുൾപ്പെടെ നിലവിലെ അസാധാരണ സാഹചര്യങ്ങൾ കൈകാര്യം ചെയ്യാൻ തയാറാവണം. സ്​കൂളുകളിലെ മുഴുവൻ റിപ്പയറിങ്, മെയിൻറനൻസ്​​ ജോലികൾ പൂർത്തിയാക്കണം.

ശുചീകരണത്തിനും അണുമുക്തമാക്കുന്നതിനും വേണ്ട എല്ലാ സംവിധാനങ്ങളും ഒരുക്കണം. പുസ്​തകമെത്തിയെന്നും വിതരണം ചെയ്​തുവെന്നും ഉറപ്പുവരുത്തണം. വിദൂര വിദ്യാഭ്യാസം സംബന്ധിച്ച്​ അധ്യാപകർക്ക്​ വേണ്ട പരിശീലനം നൽകണം. സാ​​േങ്കതിക സഹായങ്ങൾക്കായുള്ള ഗൈഡുകൾ വിദ്യാർഥികൾക്കും രക്ഷിതാക്കൾക്കും വേണ്ടി പുറത്തിറക്കണമെന്നും മന്ത്രി പറഞ്ഞു. ആരോഗ്യ പ്രോട്ടാേ േകാളും നിർബന്ധമായും പാലിച്ചിരിക്കണം. ഇൗ രംഗത്ത്​ പരിശീലനം നൽകണം. നടപ്പാക്കുന്നതിനായി വിദഗ്​ധ സമിതി രൂപവത്​കരിക്കണമെന്നും മന്ത്രി പറഞ്ഞു.