സൗ​ദി അ​റേ​ബ്യ ഈ​ദു​ൽ ഫി​ത്വ​ർ നി​റ​വി​ൽ; അ​നു​ക​മ്പ​യു​ടെ​യും സാ​ഹോ​ദ​ര്യ​ത്തി​​ന്റെ​യും സ​ന്തോ​ഷ ദി​നം -സ​ൽ​മാ​ൻ രാ​ജാ​വ്​

റി​യാ​ദ്​: ഐ​ക്യ​ത്തി​​ന്റെ​യും അ​നു​ക​മ്പ​യു​ടെ​യും സാ​ഹോ​ദ​ര്യ​ത്തി​​ന്റെ​യും അ​ർ​ഥ​ങ്ങ​ൾ പ്ര​ക​ട​മാ​കു​ന്ന സ​ന്തോ​ഷ​ത്തി​​ന്റെ സു​ദി​ന​മാ​ണ്​ ഈ​ദു​ൽ ഫി​ത്വ​റെ​ന്ന്​ സ​ൽ​മാ​ൻ രാ​ജാ​വ്. ഈ​ദു​ൽ ഫി​ത്വ​ർ പ്ര​മാ​ണി​ച്ച് സൗ​ദി​യി​ലെ പൗ​ര​ന്മാ​ർ​ക്കും വി​ദേ​ശി താ​മ​സ​ക്കാ​ർ​ക്കും ലോ​ക​മു​സ്​​ലിം​ക​ൾ​ക്കും രാ​ജാ​വ്​ ഈ​ദ്​ ആ​ശം​സ​ക​ൾ നേ​ർ​ന്നു. അ​നു​ഗ്ര​ഹീ​ത​മാ​യ ഈ​ദു​ൽ ഫി​ത്വ​റി​ൽ നി​ങ്ങ​ളെ അ​ഭി​ന​ന്ദി​ക്കു​ന്നു. റ​മ​ദാ​ൻ മാ​സം നോ​മ്പെ​ടു​ക്കാ​നും അ​നു​ഷ്ഠി​ക്കാ​നും സ​ഹാ​യി​ച്ച ദൈ​വ​ത്തി​ന് ന​ന്ദി പ​റ​യു​ന്നു. ന​മ്മു​ടെ പ്രാ​ർ​ഥ​ന​ക​ളും സ​ൽ​പ്ര​വൃ​ത്തി​ക​ളും സ്വീ​ക​രി​ക്കാ​ൻ ദൈ​വ​ത്തോ​ട്​ ​പ്രാ​ർ​ഥി​ക്കു​ന്നു​വെ​ന്നും സ​ൽ​മാ​ൻ രാ​ജാ​വ്​ പ​റ​ഞ്ഞു.

ദൈ​വം ന​മ്മു​ടെ രാ​ജ്യ​ത്തി​ന് എ​ണ്ണ​മ​റ്റ അ​നു​ഗ്ര​ഹ​ങ്ങ​ൾ ന​ൽ​കി​യി​ട്ടു​ണ്ട്. അ​തി​ൽ ഏ​റ്റ​വും പ്ര​ധാ​ന​പ്പെ​ട്ട​ത് ഇ​രു​ഹ​റ​മു​ക​ൾ​ക്കും അ​തി​ലെ തീ​ർ​ഥാ​ട​ക​രെ​യും ഉം​റ നി​ർ​വ​ഹി​ക്കു​ന്ന​വ​രെ​യും സ​ന്ദ​ർ​ശ​ക​രെ​യും സേ​വി​ക്കു​ക​യും അ​വ​രു​ടെ ആ​ചാ​ര​ങ്ങ​ൾ സു​ര​ക്ഷി​ത​മാ​യും ശാ​ന്ത​മാ​യും സ​മാ​ധാ​ന​ത്തോ​ടെ​യും നി​ർ​വ​ഹി​ക്കാ​ൻ സാ​ധ്യ​മാ​യ​തെ​ല്ലാം ചെ​യ്യു​ക​യും ചെ​യ്യു​ന്നു​വെ​ന്ന​താ​ണ്. ഈ ​വ​ർ​ഷം റ​മ​ദാ​ൻ മാ​സ​ത്തി​ൽ ദ​ശ​ല​ക്ഷ​ക്ക​ണ​ക്കി​ന് തീ​ർ​ഥാ​ട​ക​ർ​ക്ക് ഉം​റ നി​ർ​വ​ഹി​ക്കാ​നും ആ​രാ​ധ​ന​ക​ൾ സ​മാ​ധാ​ന​ത്തോ​ടും ആ​ശ്വാ​സ​ത്തോ​ടും നി​ർ​വ​ഹി​ക്കാ​നും സൗ​ക​ര്യ​മൊ​രു​ക്കാ​നാ​യ​തി​ന്​ ദൈ​വ​ത്തി​ന് ന​ന്ദി പ​റ​യു​ന്നു.

വി​വി​ധ വ​കു​പ്പു​ക​ൾ​ക്കു​കീ​ഴി​ൽ വി​വി​ധ മേ​ഖ​ല​ക​ളി​ൽ വി​ശ്വ​സ്ത​ത​യോ​ടെ പ്ര​വ​ർ​ത്തി​ക്കു​ന്ന രാ​ജ്യ​ത്തെ​ ആ​ൺ, പെ​ൺ മ​ക്ക​ളു​ടെ മ​ഹ​ത്താ​യ ശ്ര​മ​ങ്ങ​ൾ​ക്ക് ന​ന്ദി പ​റ​യു​ന്നു. ഈ​ദ് സ​ന്തോ​ഷ​ത്തി​​ന്റെ​യും ആ​ഹ്ലാ​ദ​ത്തി​​ന്റെ​യും ദി​വ​സ​മാ​ണ്. അ​തി​ൽ ഐ​ക്യ​ത്തി​​ന്റെ​യും അ​നു​ക​മ്പ​യു​ടെ​യും സാ​ഹോ​ദ​ര്യ​ത്തി​​ന്റെ​യും അ​ർ​ഥ​ങ്ങ​ൾ പ്ര​ക​ട​മാ​ണ്.

അ​ത്​ ന​ൽ​കി​യ​തി​ന്​ ദൈ​വ​ത്തി​ന് സ്തു​തി​യും ന​ന്ദി​യും നേ​രു​ന്നു. രാ​ജ്യ​ത്തെ​യും ഇ​സ്‌​ലാ​മി​ക രാ​ഷ്​​ട്ര​ങ്ങ​ളെ​യും മു​ഴു​വ​ൻ ലോ​ക​ത്തെ​യും സു​ര​ക്ഷി​ത​ത്വ​വും സ​മാ​ധാ​ന​വും ന​ൽ​കി അ​നു​ഗ്ര​ഹി​ക്ക​ണ​മേ​യെ​ന്നും എ​ല്ലാ​യി​ട​ത്തും സ്ഥി​ര​ത​യും സ​മൃ​ദ്ധി​യു​മു​ണ്ടാ​ക​​ട്ടെ​യെ​ന്നും ഈ ​അ​വ​സ​ര​ത്തി​ൽ ദൈ​വ​ത്തോ​ട്​ പ്രാ​ർ​ഥി​ക്കു​ന്നു​വെ​ന്നും ഈ​ദ്​ സ​ന്ദേ​ശ​ത്തി​ൽ സ​ൽ​മാ​ൻ രാ​ജാ​വ്​ പ​റ​ഞ്ഞു.

ജി​ദ്ദ​യി​ലെ അ​ൽ സ​ലാം കൊ​ട്ടാ​ര​ത്തി​ൽ സ​ൽ​മാ​ൻ രാ​ജാ​വ്​ ഈ​ദ്​ ന​മ​സ്​​കാ​ര​ത്തി​ൽ പ​​ങ്കെ​ടു​ത്തു.

സൗദി ഭരണാധികാരി സൽമാൻ രാജാവ്​ ഇൗദുൽ ഫിത്വർ നമസ്​കാരം ജിദ്ദയിലെ അൽസലാം കൊട്ടാരത്തിൽ നിർവഹിച്ചു. ഗവർണർമാർ, അമീറുമാർ, ഉപദേഷ്​ടാക്കൾ തുടങ്ങിയവർ രാജാവിനൊപ്പം ഇൗദ്​ നമസ്​കാരത്തിൽ പ​െങ്കടുത്തു. നമസ്​കാര ശേഷം അവർ സൽമാൻ രാജാവിന്​ ഇൗദാംശസകൾ ​നേർന്നു.