നി​യ​മ​ക്കുരു​ക്കി​ലാ​യി എ​ട്ടു​വ​ർ​ഷം; ഒ​ടു​വി​ൽ ക​ർ​ണാ​ട​ക സ്വ​ദേ​ശി നാ​ട​ണ​ഞ്ഞു

അ​ബ​ഹ: എ​ട്ട് വ​ർ​ഷ​മാ​യി നാ​ട്ടി​ൽ പോ​കാ​ൻ ക​ഴി​യാ​തെ പ്ര​യാ​സ​മ​നു​ഭ​വി​ച്ചി​രു​ന്ന ക​ർ​ണാ​ട​ക സ്വ​ദേ​ശി മ​ല​യാ​ളി സാ​മൂ​ഹി​ക പ്ര​വ​ർ​ത്ത​ക​രു​ടെ സ​ഹാ​യ​ത്തോ​ടെ നാ​ട​ണ​ഞ്ഞു. ക​ർ​ണാ​ട​ക മം​ഗ​ലാ​പു​രം സ്വ​ദേ​ശി മു​സ്ത​ഫ​യാ​ണ് നി​യ​മ​ക്കു​രു​ക്കി​ൽ​പ്പെ​ട്ട് ദീ​ർ​ഘ​കാ​ലം നാ​ട്ടി​ൽ പോ​കാ​ൻ ക​ഴി​യാ​തെ ക​ഴി​ഞ്ഞി​രു​ന്ന​ത്.

ബി​ൻ ലാ​ദ​ൻ ക​മ്പ​നി​യി​ൽ ജോ​ലി​ക്കാ​ര​നാ​യി​രു​ന്ന ഇ​ദ്ദേ​ഹം ജോ​ലി​ക്ക് പോ​കാ​നാ​യി റെ​ന്‍റ്​ എ ​കാ​ർ ക​മ്പ​നി​യി​ൽ​നി​ന്ന് കാ​ർ വാ​ട​ക​ക്കെ​ടു​ത്തി​രു​ന്നു. ക​മ്പ​നി പ്ര​തി​സ​ന്ധി​യി​ലാ​യ​തി​നെ തു​ട​ർ​ന്ന് ജോ​ലി ന​ഷ്​​ട​പ്പെ​ട്ട മു​സ്​​ത​ഫ പി​ന്നീ​ട് ഖ​മീ​സ് മു​ശൈ​ത്തി​ൽ സ്വ​ദേ​ശി പൗ​ര​ന് കീ​ഴി​ൽ ജോ​ലി​ക്ക് ക​യ​റി. സ്പോ​ൺ​സ​ർ​ക്ക് ത​​ന്‍റെ വാ​ട​ക​ക്കെ​ടു​ത്ത കാ​ർ ന​ൽ​കി അ​ദ്ദേ​ഹ​ത്തി​​ന്‍റെ ട്ര​ക്കി​ൽ ഡ്രൈ​വ​റാ​യി മു​സ്ത​ഫ ജോ​ലി​ചെ​യ്തു​വ​രി​ക​യാ​യി​രു​ന്നു.

അ​തി​നി​ട​ക്കാ​ണ് കാ​റി​​ന്‍റെ വാ​ട​ക ന​ൽ​കാ​ത്ത​തി​ന് റെ​ന്‍റ്​ എ ​കാ​ർ ക​മ്പ​നി ത​നി​ക്കെ​തി​രെ കേ​സ് കൊ​ടു​ത്ത് എ​തി​രാ​യ വി​ധി സ​മ്പാ​ദി​ച്ച വി​വ​രം അ​റി​യു​ന്ന​ത്. 57,000 റി​യാ​ൽ ന​ൽ​കി​യാ​ൽ മാ​ത്ര​മേ കേ​സി​ൽ​നി​ന്ന് ഒ​ഴി​വാ​ക്കാ​നാ​വൂ എ​ന്ന് റെ​ന്‍റ്​ എ ​കാ​ർ ക​മ്പ​നി അ​റി​യി​ച്ചു. തു​ട​ർ​ന്ന് ക​മ്പ​നി അ​ധി​കാ​രി​ക​ളു​മാ​യി സം​സാ​രി​ച്ച് അ​ട​യ്​​ക്കാ​നു​ള്ള പ​ണം 35,000 റി​യാ​ലാ​യി കു​റ​ച്ചു.

ഈ ​പ​ണം സു​ഹൃ​ത്തു​ക്ക​ളു​ടെ സ​ഹാ​യ​ത്തോ​ടെ അ​ട​ച്ചെ​ങ്കി​ലും നാ​ട്ടി​ൽ പോ​കാ​നു​ള്ള രേ​ഖ​ക​ൾ ശ​രി​യാ​ക്കാ​ൻ മ​ല​യാ​ളി സാ​മൂ​ഹി​ക പ്ര​വ​ർ​ത്ത​ക​ൻ പൈ​ലി ജോ​സി​ന്‍റെ സ​ഹാ​യം തേ​ടി. അ​ദ്ദേ​ഹ​ത്തി​​ന്‍റെ ശ്ര​മ​ഫ​ല​മാ​യി എ​ക്സി​റ്റ് ല​ഭി​ക്കാ​ൻ ആ​വ​ശ്യ​മാ​യ ന​ട​പ​ടി​ക​ൾ പൂ​ർ​ത്തി​യാ​ക്കി. തു​ട​ർ​ന്ന് വി​മാ​ന ടി​ക്ക​റ്റി​ന് ബു​ദ്ധി​മു​ട്ടി​യ മു​സ്​​ത​ഫ​ക്ക് ഖ​മീ​സി​ലെ ബി​സി​ന​സു​കാ​ര​നാ​യ റ​ഊ​ഫ് വി​മാ​ന​ടി​ക്ക​റ്റ് ന​ൽ​കി സ​ഹാ​യി​ക്കു​ക​യും ചെ​യ്തു. ഇ​തോ​ടെ 28 വ​ർ​ഷ​ത്തെ പ്ര​വാ​സ​ത്തി​ന് വി​രാ​മ​മി​ട്ട് മു​സ്ത​ഫ ക​ഴി​ഞ്ഞ ദി​വ​സം നാ​ട്ടി​ലേ​ക്ക് മ​ട​ങ്ങി.