‘ഇ​ജാ​ർ’ വാ​ട​ക​ക്ക​രാ​ർ; സമയത്ത് വാടക അടയ്ക്കാനായില്ലെങ്കിൽ നിയമക്കുരുക്കിൽപ്പെടും

ദ​മ്മാം: സൗ​ദി​യി​ൽ വാ​ട​ക​ക്ക​രാ​ർ പ്ര​കാ​രം വീ​ട്ടു​വാ​ട​ക കൃ​ത്യ​സ​മ​യ​ത്ത് അ​ട​യ്ക്കാ​നാ​യി​ല്ലെ​ങ്കി​ൽ നി​യ​മ​ക്കു​രു​ക്കി​ൽ പെ​ടും. ക​രാ​ർ രേ​ഖ​ക​ൾ ഓ​ൺ​ലൈ​നാ​യി ‘ഇ​ജാ​ർ’ പ്ലാ​റ്റ്ഫോ​മു​മാ​യി ബ​ന്ധി​പ്പി​ച്ചി​രി​ക്കു​ന്ന​തി​നാ​ൽ നി​ശ്ചി​ത ദി​വ​സ​ത്തി​നു​ള്ളി​ൽ വാ​ട​ക ന​ൽ​കി​യി​ല്ലെ​ങ്കി​ൽ കാ​ത്തി​രി​ക്കു​ന്ന​ത്​ നി​യ​മ​ക്കു​രു​ക്കാ​ണ്. പ്ര​വാ​സി​ക​ളാ​ണ് അ​ധി​ക​വും ഇ​ങ്ങ​നെ നി​യ​മ​ക്കു​രു​ക്കി​ൽ​പെ​ടു​ന്ന​ത്. വാ​ട​ക​ക്കെ​ടു​ത്ത​യാ​ളു​ടെ ‘അ​ബ്ശി​ർ’ സി​സ്​​റ്റ​വു​മാ​യി ‘ഇ​ജാ​ർ’ സി​സ്​​റ്റം ബ​ന്ധി​പ്പി​ച്ച​തി​നെ കു​റി​ച്ചു​ള്ള അ​റി​വി​ല്ലാ​യ്മ​യാ​ണ് മി​ക്ക​വ​രെ​യും നി​യ​മ​ക്കു​രു​ക്കി​ൽ അ​ക​പ്പെ​ടു​ത്തു​ന്ന​ത്.

മൂ​ന്നു​വ​ർ​ഷം മു​മ്പാ​ണ് എ​ല്ലാ വാ​ട​ക​ക്ക​രാ​റു​ക​ളും ഇ​ജാ​ർ ഫ്ലാ​റ്റ്ഫോം മു​ഖാ​ന്ത​രം ര​ജി​സ്​​റ്റ​ർ ചെ​യ്യ​ണ​മെ​ന്ന നി​യ​മ​വ്യ​വ​സ്ഥ നി​ല​വി​ൽ​വ​ന്ന​ത്. വാ​ട​ക​ക്കാ​ര​​ന്റെ​യും കെ​ട്ടി​ട​മു​ട​മ​യു​ടെ​യും അ​വ​കാ​ശ​ങ്ങ​ൾ സം​ര​ക്ഷി​ക്കാ​നാ​ണ് ഈ ​പ​ദ്ധ​തി മ​ന്ത്രാ​ല​യം ന​ട​പ്പി​ലാ​ക്കി​യ​ത്. സൗ​ദി​യി​ലെ ഭൂ​രി​പ​ക്ഷം വാ​ട​ക​ക്ക​രാ​റു​ക​ളും ഇ​ജാ​ർ ഫ്ലാ​റ്റ്​​ഫോ​മി​ൽ ഇ​തി​ന​കം ബ​ന്ധി​പ്പി​ച്ചു​ക​ഴി​ഞ്ഞു. വാ​ട​ക അ​ട​യ്ക്കാ​നു​ള്ള സ​മ​യ​പ​രി​ധി അ​വ​സാ​നി​ച്ച്​ 15 ദി​വ​സം ക​ഴി​ഞ്ഞാ​ൽ അ​ത്​ ക​ർ​ശ​ന​മാ​യി ആ​വ​ശ്യ​പ്പെ​ടാ​നും 30 ദി​വ​സ​ത്തി​നു​ശേ​ഷം കോ​ട​തി​യി​ലേ​ക്ക് നീ​ങ്ങാ​നും കെ​ട്ടി​ട​മു​ട​മ​ക്ക്​ അ​വ​കാ​ശ​മു​ണ്ടെ​ന്ന്​ ഇ​ജാ​ർ പ്ലാ​റ്റ്ഫോം വ്യ​ക്ത​മാ​ക്കു​ന്നു. ഇ​തി​നാ​വ​ശ്യ​മാ​യ നി​യ​മ​പ​രി​ര​ക്ഷ​യും സൗ​ദി കോ​ട​തി​ക​ൾ ന​ൽ​കു​ന്നു​ണ്ട്. നി​യ​മ മ​ന്ത്രാ​ല​യ​ത്തി​െൻറ ‘നാ​ജി​സ്’ പോ​ർ​ട്ട​ലി​ലൂ​ടെ വാ​ട​ക​ക്ക​രാ​ർ അ​റ്റാ​ച്ച് ചെ​യ്ത​തി​നു​ശേ​ഷം കെ​ട്ടി​ട​മു​ട​മ​ക്ക് വാ​ട​ക​ക്കാ​ര​നെ​തി​രെ കേ​സ് ന​ൽ​കാം.

കേ​സ് ഫ​യ​ലി​ൽ സ്വീ​ക​രി​ക്കു​ന്ന​പ​ക്ഷം വാ​ട​ക​ക്കെ​ടു​ത്ത വ്യ​ക്തി​യു​ടെ മൊ​ബൈ​ലി​ലേ​ക്ക്​ പ​ണ​മ​ട​യ്ക്കാ​നാ​യി അ​ഞ്ചു​ദി​വ​സ​ത്തെ സ​മ​യ​പ​രി​ധി ന​ൽ​കി​യു​ള്ള സ​ന്ദേ​ശ​മെ​ത്തും. പ​ണ​മൊ​ടു​ക്കാ​ത്ത പ​ക്ഷം ഈ ​തീ​യ​തി അ​വ​സാ​നി​ക്കു​ന്ന​തോ​ടെ കോ​ട​തി സെ​ൻ​ട്ര​ൽ ബാ​ങ്കി​ൽ വി​വ​ര​മ​റി​യി​ക്കു​ന്ന​തോ​ടെ വാ​ട​ക​ക്കാ​ര​െൻറ ബാ​ങ്ക് അ​ക്കൗ​ണ്ടു​ക​ൾ മ​ര​വി​പ്പി​ക്കും. അ​ക്കൗ​ണ്ടി​ൽ പ​ണ​മു​ണ്ടെ​ങ്കി​ൽ കെ​ട്ടി​ട​മു​ട​മ​യു​ടെ അ​ക്കൗ​ണ്ടി​ലേ​ക്ക് പ​ണം ട്രാ​ൻ​സ്ഫ​ർ ചെ​യ്യ​പ്പെ​ടും. തു​ക​യി​ല്ലെ​ങ്കി​ൽ പ​ണ​മ​ട​യ്ക്കു​ന്ന​തു​വ​രെ അ​ക്കൗ​ണ്ട് മ​ര​വി​ച്ച സ്ഥി​തി​യി​ലാ​യി​രി​ക്കും. 10 വ​ർ​ഷം വ​രെ യാ​ത്ര​വി​ല​ക്കു​മു​ണ്ടാ​കും.

കേ​സ് ന​ൽ​കി​യ​ത് കെ​ട്ടി​ട​മു​ട​മ​യോ റി​യ​ൽ എ​സ്​​റ്റേ​റ്റ് ക​മ്പ​നി​യോ ആ​ണെ​ങ്കി​ൽ അ​വ​രു​മാ​യി ബ​ന്ധ​പ്പെ​ട്ട് പ​ണം അ​ട​ച്ച​തി​നു​ശേ​ഷ​മാ​ണ്​ നി​യ​മ​ന​ട​പ​ടി​ക​ൾ നീ​ക്കു​ന്ന​തി​നു​ള്ള ന​ട​പ​ടി​ക്ര​മ​ങ്ങ​ൾ പൂ​ർ​ത്തീ​ക​രി​ക്കേ​ണ്ട​ത്. പ​ണം ല​ഭി​ച്ചി​ട്ടു​ണ്ടെ​ന്നും കേ​സ് പി​ൻ​വ​ലി​ക്കു​ക​യാ​ണെ​ന്നും വാ​ദി​ഭാ​ഗം കോ​ട​തി​യെ ഓ​ൺ​ലൈ​ൻ വ​ഴി അ​റി​യി​ക്കാം. തു​ട​ർ​ന്ന് കോ​ട​തി യാ​ത്ര​വി​ല​ക്ക് നീ​ക്കി ബാ​ങ്ക് അ​ക്കൗ​ണ്ടു​ക​ൾ മ​ര​വി​പ്പി​ച്ച ന​ട​പ​ടി പി​ൻ​വ​ലി​ക്കാ​ൻ സെ​ൻ​ട്ര​ൽ ബാ​ങ്കി​നോ​ട് ആ​വ​ശ്യ​പ്പെ​ടും. അ​തോ​ടെ ര​ണ്ടു, മൂ​ന്ന് ദി​വ​സ​ത്തി​ന​കം ന​ട​പ​ടി​ക​ൾ പൂ​ർ​ത്തി​യാ​കും.