സൗദി പാർപ്പിട മന്ത്രാലയത്തി​െൻറ ‘ഇൗജാർ’ നെറ്റ്​വർക്കിൽ വൻതിരക്ക്​

റിയാദ്​: പാർപ്പിട, വാണിജ്യ കെട്ടിടവാടക കരാറുകളുടെ ഒാൺലൈൻ​ രജിസ്​​ട്രേഷനിൽ റെക്കോർഡ്​ വർധന. സൗദി പാർപ്പിട മന്ത്രാലയത്തി​​​െൻറ ‘ഇൗജാർ​’ വെബ്​സൈറ്റിൽ പ്രതിദിനം രജിസ്​റ്റർ ചെയ്യപ്പെടുന്ന കരാറുകളുടെ എണ്ണം 500 ആയി ഉയർന്നു. പാർപ്പിട ആവശ്യത്തിനുള്ള ഫ്ലാറ്റുകളുടെയും വില്ലകളുടെയും വാണിജ്യ ആവശ്യങ്ങൾക്കുള്ള കെട്ടിടങ്ങളുടെയും വാടക കരാറുകളെ ഏകീകൃത സ്വഭാവത്തിലാക്കാനും റിയൽ എസ്​റ്റേറ്റ്​ സംബന്ധിച്ച മുഴുവൻ വിവരശേഖരണത്തിനും വേണ്ടി മന്ത്രാലയം ആരംഭിച്ച ‘ഇൗജാർ’ കഴിഞ്ഞ വർഷം ഒടുവിൽ മുതലാണ്​ പ്രവർത്തനക്ഷമമായത്​.
വാണിജ്യാവശ്യത്തിനുള്ള കെട്ടിടങ്ങൾ, പാർപ്പിടാവശ്യത്തിനുള്ള വില്ലകൾ, ഫ്ലാറ്റുകൾ, റിയൽ എസ്​റ്റേറ്റ്​ ബ്രോക്കർമാർ, വാടകക്കെടുക്കുന്നവരുടെ വിവരങ്ങൾ, വാടക, അതൊടുക്കുന്ന രീതി, കാലക്രമം തുടങ്ങിയവ മുഴുവൻ വിവരങ്ങളുടെയും ഡിജിറ്റൽ ഡാറ്റാബേസ്​ എന്നതാണ്​ ഇൗജാറി​​​െൻറ പ്രധാനലക്ഷ്യം. ഇൗ ലക്ഷ്യത്തിലേക്ക്​ അതിവേഗം അടുക്കുന്നു എന്നാണ്​ ഒൗദ്യോഗിക വൃത്തങ്ങൾ നൽകുന്ന സൂചന. അനധികൃത ദല്ലാളുമാരെയും സ്ഥാപനങ്ങളേയും പൂർണമായും തുടച്ചുനീക്കലും ലക്ഷ്യമാണ്​.

മുഴുവൻ കരാറുകളും ‘ഇൗജാർ’ നെറ്റ്​വർക്കിൽ രജിസ്​​റ്റർ ചെയ്​തിരിക്കണ​െമന്നത്​ നിർബന്ധമാണ്​. പഴയ കരാറുകൾ പുതുക്കു​േമ്പാൾ ഇൗജാറിലാക്കണം. പഴയ കരാറുകൾക്ക്​ കാലാവധി ബാക്കിയുണ്ടെങ്കിൽ അത്​ ഒാൺലൈനി​േലക്ക്​ മാറ്റേണ്ടതില്ല. പുതുക്കു​േമ്പാൾ മാത്രം മതി. അതേസമയം വിദേശികളുടെ വർക്ക്​ പെർമിറ്റും ഇഖാമയും പുതുക്കാനും ‘ഇൗജാർ’ രജിസ്​ട്രേഷൻ നിർബന്ധമാക്കുമെന്ന വിവരം പുറത്തുവന്നതോടെ രാജ്യത്തുള്ള വിദേശികൾക്കും ഇപ്പോൾ ഇത്​ സംബന്ധിച്ച വിവരങ്ങൾ അറിയൽ താൽപര്യമുള്ള വിഷയമായി മാറി. വർക്ക്​ പെർമിറ്റ്​ പുതുക്കാന ഇൗജാറിൽ രജിസ്​റ്റർ ചെയ്യണമെന്ന നിബന്ധന സെപ്​റ്റംബർ മുതൽ നടപ്പാകും എന്നാണ്​ നേരത്തെ പുറത്തുവന്ന വിവരം. ഇൗ പശ്ചാത്തലത്തിൽ വാടകക്കാരായ വിദേശികളുടെ സമ്മർദവും ഇൗജാർ രജിസ്​ട്രേഷ​​​െൻറ തിരക്ക്​ വർധിക്കാൻ കാരണമായിട്ടുണ്ട്​.

ഇൗജാർ നെറ്റ്​വർക്കും തൊഴിൽ മന്ത്രാലയത്തി​​​െൻറ വർക്ക്​ പെർമിറ്റ്​ അനുവദിക്കുന്ന വിഭാഗത്തി​​​െൻറ നെറ്റുവർക്കും തമ്മിൽ ബന്ധിപ്പിക്കുമെന്നാണ്​ അറിയിപ്പുണ്ടായിരുന്നത്​. ഓരോ വിദേശിയും എവിടെ ആരോടൊപ്പം താമസിക്കുന്നുവെന്ന വിവരം ശേഖരിക്കുകയാണ് ഇതുകൊണ്ടുള്ള ഉദേശ്യം. പല തൊഴിലുടമകൾക്ക്​ കീഴിൽ ഇഖാമയുള്ളവർക്ക്​ ഒരുമിച്ച്​ താമസിക്കാമെന്ന ഇളവും പിന്നീട്​ വന്നു. എന്നാൽ ഫ്ലാറ്റി​​​െൻറയോ വില്ലയുടെയോ വാടകകരാറിൽ എല്ലാവരുടേയും പേരും ഇഖാമ നമ്പറുമടക്കമുള്ള വിവരങ്ങൾ ചേർത്ത്​ ഇൗജാറിൽ രജിസ്​റ്റർ ചെയ്യണം. സന്ദർശക വിസയിലുള്ളവർ പാസ്​പോർട്ട്​ നമ്പർ നൽകി രജിസ്​റ്റർ ചെയ്യണം. അതാത്​ റിയൽ എസ്​റ്റേറ്റ്​ ഏജൻസികളാണ്​ ഇൗജാറിൽ രജിസ്​ട്രേഷൻ നട​േത്തണ്ടതും അനുബന്ധ വിവരങ്ങൾ ചേർക്കേണ്ടതും. സ്വാഭാവികമായും ഇൗ രംഗത്തുനിന്നുള്ള സമ്മർദവും​ രജിസ്​ട്രേഷൻ തിരക്ക്​ വർധിപ്പിക്കുന്നു.

8,000 റിയൽ എസ്​റ്റേറ്റ്​ ബ്രോക്കർമാർ
രാജ്യത്തി​​​െൻറ വിവിധ ഭാഗങ്ങളിലായി 8,000 അംഗീകൃത റിയൽ എസ്​റ്റേറ്റ്​ ബ്രോക്കർമാരുള്ളതായി മ​ന്ത്രാലയം ജനറൽ സൂപർവൈസർ മേയ്​സൻ അൽദാവൂദ്​ അറിയിച്ചു. ഇൗജാറി​​​െൻറ സഹായത്തോടെ നടത്തിയ റിയൽ എസ്​റ്റേറ്റ്​ മേഖലയിലെ ക്രമീകരണത്തിലൂടെയാണ്​ അംഗീകൃത ബ്രോക്കർമാരുടെ എണ്ണവും തിട്ടപ്പെടുത്തിയത്​. പുതിയ ബ്രോക്കർമാർക്ക്​ രജിസ്​റ്റർ ​െചയ്യാനും ഇൗജാറിൽ സൗകര്യം ഏർപ്പെടുത്തിയിട്ടുണ്ട്​. ഇൗ അംഗീകൃത ബ്രോക്കർമാർക്ക്​ മാത്രമേ ഇൗജാറിൽ വാടക കരാറുകൾ രജിസ്​റ്റർ ചെയ്യാനും വിവരങ്ങൾ കൂട്ടിചേർക്കാനും കഴിയൂ.