സൗദി റീട്ടെയിൽ വിപണിയിൽ ഇലക്​ട്രോണിക്​ പേയ്​മെൻറ്​ നിർബന്ധമാക്കി

ജിദ്ദ: സൗദി അറേബ്യയിലെ റീ​​​െട്ടയി​ൽ മേഖലയിൽ ഇലക്​ട്രോണിക്​ പേയ്​മെൻറ്​ സംവിധാനം നിർബന്ധമാക്കി. മുഴുവൻ വിപണന മേഖലയിലും നിർബന്ധമാക്കുന്ന തീരുമാനം ചൊവ്വാഴ്​ച മുതലാണ്​ നടപ്പായത്​​.

ബിനാമി നിർമാർജന പദ്ധതിക്ക്​ കീഴിൽ ​വിവിധ കച്ചവട മേഖലകളിൽ ഘട്ടം ഘട്ടമായാണ്​ ഇലക്​ട്രോണിക്​ പേയ്​മെൻറ് സംവിധാനം​ നിർബന്ധമാക്കിയത്​​. 50 കച്ചവട മേഖലകളിൽ ഇൗ സംവിധാനം ഇതിനകം 70 ശതമാനം നടപ്പാക്കികഴിഞ്ഞിരുന്നു​. അവശേഷിക്കുന്ന 30 ശതമാനം മേഖലകളിലാണ്​ ചൊവ്വാഴ്​ച മുതൽ നിർബന്ധമാക്കിയത്​.

വാണിജ്യ വകുപ്പ്​, മുനിസിപ്പാലിറ്റി, സൗദി മോണിറ്ററി ഏജൻസി എന്നിവയു​മായി സഹകരിച്ചാണ്​ ഇൗ നടപടി​ നടപ്പാക്കുന്നത്​. ഡിജിറ്റൽ പേയ്​മെൻറ്​ ആദ്യഘട്ടം ആരംഭിച്ചത്​ കഴിഞ്ഞ വർഷം ജൂലൈ 14നാണ്​. പെട്രോൾ പമ്പുകളിലും അനുബന്ധ സ്ഥാപനങ്ങളിലുമായിരുന്നു ആദ്യ ഘട്ടത്തിൽ​. രണ്ടാംഘട്ടത്തിൽ വർക്ക്ഷാപ്പ്​, സ്​പെയർ പാർട്​സ്​ കടകളും മൂന്നാംഘട്ടത്തിൽ ലോൺട്രികളും ബാർബർ ​േഷാപ്പുകളും നാലാംഘട്ടത്തിൽ ബഖാലകളുമാണ്​ ഉൾപ്പെട്ടത്​. അഞ്ചാംഘട്ടം നടപ്പാക്കിയത്​ ​റെസ്​റ്റാറൻറുകൾ, ഫാസ്​റ്റ്​ ഫുഡ്​, സീ ഫുഡ്​, കഫേകൾ, ബൂഫിയകൾ, ഫുഡ്​ട്രക്കുകൾ, ജൂസ്​, ​െഎസ്​ക്രീം കടകൾ എന്നിവിടങ്ങളിലാണ്​. ആറാം​ ഘട്ടമാണ്​ ചൊവ്വാഴ്​ച മുതൽ ആരംഭിച്ചത്​.

രാജ്യത്തെ മുഴുവൻ റി​െട്ടയി​ൽ മേഖലയിലും ഇ പേയ്​മെൻറ്​ സംവിധാനം നിർബന്ധമാണെന്ന്​ വാണിജ്യ മന്ത്രാലയ വക്താവ്​ അബ്​ദുറഹ്​മാൻ അൽഹുസൈൻ പറഞ്ഞു. ബുധനാഴ്​ച മുതൽ ഫർണിച്ചർ, കെട്ടിട നിർമാണവസ്​തുക്കൾ, വസ്​ത്രങ്ങൾ, ഗ്യാസ്​, ആക്​സസറീസ്​, പച്ചക്കറി പഴവർഗങ്ങൾ, ടൈലറിങ്​ എന്നീ മേഖലകൾ കൂടി ഇ പേയ്​മെൻറ്​ സംവിധാനത്തിലുൾപ്പെടുമെന്നും മുഴുവൻ സ്ഥാപന ഉടമകളും തീരുമാനം പാലിക്കണമെന്നും വാണിജ്യ മന്ത്രാലയ വക്താവ്​ പറഞ്ഞു.

അ​വശേഷിക്കുന്ന മുഴുവൻ റീ​െട്ടയി​ൽ മേഖലകളിലും ഇ പേയ്​മെൻറ്​ നിർബന്ധമാക്കുന്ന ഘട്ടം ആരംഭിച്ചതിനാൽ സംവിധാനം സ്ഥാപിക്കുന്നതിന്​ വേണ്ട എല്ലാ ഒരുക്കങ്ങളും പൂർത്തിയാക്കാൻ ബാങ്കുകളോടും ആ രംഗത്ത്​ സേവനം ചെയ്യുന്ന സ്ഥാപനങ്ങളോടും സൗദി മോണിറ്ററി ഏജൻസി നിർദേശം നൽകി. ഇലക്ട്രോണിക്​ പേയ്​മെൻറ്​ സംവിധാനം വ്യാപിപ്പിക്കുന്നത്​ നേരിട്ടുള്ള പണം കൈകാര്യം ചെയ്യൽ​ കുറക്കുമെന്നും സാമ്പത്തിക വളർച്ചയ്​ക്ക്​ അനുപേഷണീയമാകുമെന്നും അധികൃതർ പറഞ്ഞു.