പാരമ്പര്യത്തനിമയിൽ  സൂഖ്​ ഉക്കാദ്​ മേളക്ക്​ കൊടിയേറി

ത്വാഇഫ്​: 12ാമത്​ സൂഖ്​ ഉക്കാദ്​ മേളക്ക്​ ത്വാഇഫിൽ കൊടിയേറി. ബുധനാഴ്​ച വൈകുന്നേരം നടന്ന പാരമ്പര്യത്തനിമയാർന്ന ചടങ്ങിൽ മക്ക ഗവർണർ അമീർ ഖാലിദ്​ അൽ ഫൈസൽ മേളയുടെ ഉദ്​ഘാടനം നിർവഹിച്ചു. സൗദി കമീഷൻ ഫോർ ടൂറിസം ആൻഡ്​ നാഷനൽ ഹെറിറ്റേജി​​​െൻറ (എസ്​.സി.ടി.എച്ച്​) ആഭിമുഖ്യത്തിലാണ്​ മേള നടക്കുന്നത്​. എസ്​.സി.ടി.എച്ച്​ ചെയർമാൻ അമീർ സുൽത്താൻ ബിൻ സൽമാൻ മേളനഗരിയിലേക്ക്​ മക്ക ഗവർണറെ സ്വീകരിച്ചു. സൂഖി​​​െൻറ ചരിത്രപ്രാധാന്യ​ത്തെ കുറിച്ചും ഇത്തരം പാരമ്പര്യ മേളകളിൽ ഭരണാധികാരികൾക്കുള്ള അതീവ താൽപര്യത്തെ കുറിച്ചും ഇരുവരും തങ്ങളുടെ പ്രഭാഷണങ്ങളിൽ വിശദീകരിച്ചു. 

കവിതയും സംഗീതവുമുൾപ്പെടെ മേഖലയുടെ സമ്പന്നമായ സാംസ്​കാരിക പാരമ്പര്യം വിളിച്ചോതുന്ന നിരവധി പരിപാടികളാണ്​ ഉദ്​ഘാടന ചടങ്ങി​​​െൻറ ഭാഗമായി ഒരുക്കിയിരുന്നത്​. അമീർ ബദർ ബിൻ അബ്​ദുൽ മുഹ്​സി​​​െൻറ മേൽനോട്ടത്തിൽ നടന്ന പരിപാടികളിൽ പ്രശസ്​തരായ നിരവധി സൗദി കലാകാരൻമാർ പ​െങ്കടുത്തു. ഇൗ പരിപാടികൾ വ്യാഴം, വെള്ളി ദിവസങ്ങളിൽ ഉക്കാദ്​ തിയറ്ററിൽ വീണ്ടും പ്രദർശിപ്പിക്കുന്നുണ്ട്​. 

സൂഖ്​ ഉക്കാദ്​ അന്താരാഷ്​ട്ര അവാർഡുകളും ചടങ്ങിൽ വിതരണം ചെയ്​തു. സാഹിത്യത്തിനുള്ള അവാർഡ്​ നാസർ ബിൻ സഅദ്​ അൽറശീദ്​ ഏറ്റുവാങ്ങി. മൂന്നുലക്ഷം റിയാൽ ആയിരുന്നു സമ്മാനതുക. അറബി കാവ്യത്തിനുള്ള 80,000 റിയാലി​​​െൻറ അവാർഡ്​ ജാസിം മുഹമ്മദ്​ അൽ സഹീഹിനായിരുന്നു. ഇൗജിപ്​തുകാരനായ മുഹമ്മദ്​ അഹമദ്​ മുഹമ്മദ്​ നാജിക്കാണ്​ വിവരണാത്​മക അറബി കൈയെഴുത്തിനുള്ള അവാർഡ്​ (ഒരുലക്ഷം റിയാൽ). ഉക്കാദ്​ ഇൻറർനാഷനൽ അറബി കാലിഗ്രാഫി അവാർഡിൽ യമനിൽ നിന്നുള്ള അബ്​ദുൽ മജീസ്​ മുഹമ്മദ്​ അൽഅഹ്​ദൽ ഒന്നാം സ്​ഥാനം നേടി. സൗദി പൗരൻ സൗദ്​ ശാക്കിർ ഖാൻ ആണ്​ രണ്ടാം സ്​ഥാനത്ത്​.

ജോർഡൻ സ്വദേശി മുഹമ്മദ്​ അബ്​ദുല്ല അബുനാജി മൂന്നാം സ്​ഥാനത്തും. ഫൈൻആർട്​സ്​ അവാർഡുകളിൽ ഒന്നും രണ്ടും സ്​ഥാനം നേടിയത്​ സൗദി പൗരൻമാരായ സാമിർ മുഹമ്മദ്​ ഇബ്രാഹിം റിബാത്തും സാലിഹ്​ സാലിഹ്​ അൽശഹ്​രിയുമാണ്​. മ്യാൻമർ സ്വദേശി റാശ മുഹമ്മദ്​ സിദ്ദീഖ്​ മൂന്നാമതെത്തി. മക്ക, ത്വാഇഫ്​ ഭരണ സംവിധാനങ്ങളുമായി സഹകരിച്ച്​ മേള നടത്തുന്നതിനുള്ള ഉത്തരവാദിത്തം എസ്​.സി.ടി.എച്ചിന്​ സൽമാൻ രാജാവ്​ നൽകിയ ശേഷമുള്ള രണ്ടാമത്തെ മേളയാണ്​ ഇത്തവണത്തേത്​.