മർഹബ വെക്കേഷൻ ക്ലാസുകൾ ആരംഭിച്ചു

ജിദ്ദ: വിദ്യാർഥികൾക്ക്  ജിദ്ദ ഐ.സി.എഫ്. വെക്കേഷൻ ക്ലാസ് ആരംഭിച്ചു. ജിദ്ദയിലെ എട്ട് കേന്ദ്രങ്ങളിൽ ക്ലാസുകൾ ഒരുക്കിയിട്ടുണ്ട്​.. ഖുർആൻ പാരായണ രീതി (തജ്​വീദ്), ഖുർആൻ മനഃ:പാഠമാക്കൽ (തഹ്ഫീദ്), നിസ്​കാരപാഠം, ഇസ്​ലാമിക ചരിത്രപാഠങ്ങൾ, ദൈനംദിന ചര്യകൾ , ക്വിസ്​,  തുടങ്ങിയവയാണ്​ പഠനപദ്ധതിയിലുള്ളത്​. ബവാദി, ശാരഹിറ, മഹ്ജർ, കിലോ 5, ശറഫിയ്യ, മുശ്രിഫ, ഹലഖ, ഹയ്യറൗദ തുടങ്ങിയ കേന്ദ്രങ്ങളിലാണ് ക്ലാസുകൾ.ശറഫിയയിലെ ക്ലാസുകളുടെ ഉദ്ഘാടനം അബ്​ദുൽറാൻ മളാഹിരി നിർവ്വഹിച്ചു.

ഇബ്രാഹിം സഖാഫി നരിനി, അബ്​ദുൽ സലാം മുസ്​ലിയാർ ചെട്ടിപ്പടി, അബ്​ദുല്ല അഹ്സനി മഞ്ചേരി, റിയാസ്​ സഖാഫി കൊല്ലം തുടങ്ങിയവർ ആശംസകളർപ്പിച്ചു. മുഹമ്മദ് സബീഹ് തഴത്തറ ഖിറാഅത്ത് നടത്തി. അബു മിസ്​ബാഹ് ഐക്കരപ്പടി സ്വാഗതം പറഞ്ഞു. അഞ്ചു മുതൽ 13 വയസുവരെയുള്ള വിദ്യാർഥി^ വിദ്യാർഥിനികൾക്കാണ്​ പ്രവേശനം. മുതിർന്ന കുട്ടികൾക്ക് പേഴ്സണാലിറ്റി ഡെവലപ്മ​​െൻറിന്​ പ്രത്യേക കോഴ്സും ഉണ്ട്. കൂടുതൽ വിവരങ്ങൾക്ക് 0508773424,0126647669 എന്നീ നമ്പറുകളിൽ ബന്ധപ്പെടാവുന്നതാണ്. പഠിതാക്കൾള്ള വാഹനസൗകര്യവും ഏർപ്പെടുത്തുണ്ടെന്ന് ഭാരവാഹികൾ ആറിയിച്ചു.