എല്ലാ വർഷവും ഫെബ്രുവരി 22ന് സൗദിയിൽ പൊതുഅവധി പ്രഖ്യാപിച്ച് സല്‍മാന്‍ രാജാവ്

ജിദ്ദ: സൗദി അറേബ്യ സ്ഥാപിതമായതിന്‍റെ സന്തോഷ സൂചകമായി എല്ലാ വർഷവും ഫെബ്രുവരി 22ന് സൗദിയിൽ പൊതുഅവധിയായിരിക്കുമെന്ന് സല്‍മാന്‍ രാജാവ് പ്രഖ്യാപിച്ചു. സൗദി പ്രസ് ഏജൻസിയാണ് ഇതുസംബന്ധിച്ച വാർത്ത പുറത്തുവിട്ടത്.

സൗദി ദേശീയദിനമായി എല്ലാ വർഷവും സെപ്​റ്റംബർ 23ന് രാജ്യത്ത് പൊതുഅവധി നിലവിലുണ്ട്. ഇതിന് പുറമെയാണ് രാജ്യത്തിന്‍റെ സ്ഥാപിത ദിനം കൂടി പരിഗണിച്ചു ഫെബ്രുവരി 22നും പൊതുഅവധി പ്രഖ്യാപിച്ചത്.

ഇതോടെ രാജ്യത്ത് ഇരു പെരുന്നാൾ ദിനങ്ങളിലും സൗദി ദേശീയദിനത്തിലും സൗദി സ്ഥാപിത ദിനത്തിലും പൊതുഅവധിയായിരിക്കും.