സിറ്റി ഫ്ലവറി​െൻറ ആദ്യ എക്സ്പ്രസ് സ്​റ്റോർ ഖഫ്ജിയിൽ, ഉദ്ഘാടനം ബുധനാഴ്​ച

റിയാദ്: പ്രമുഖ റീട്ടെയില്‍ വിതരണ ശൃംഖല സിറ്റി ഫ്ലവറി​െൻറ പുതിയ ശാഖ സൗദി കിഴക്കൻ പ്രവിശ്യയിലെ അല്‍ ഖഫ്ജിയില്‍ പ്രവര്‍ത്തനം ആരംഭിക്കുന്നു. കിങ്​ അബ്​ദുല്‍ അസീസ് സ്ട്രീറ്റില്‍ ടെലിമണി-തഹ്‌വീല്‍ അല്‍റാജ്ഹിക്ക്​ സമീപമാണ് ഡിപ്പാര്‍ട്ട്‌മെൻറ്​ സ്​റ്റോര്‍. ബുധനാഴ്​ച (ആഗ. 21) വൈകീട്ട് 5.30ന് പുതിയ സ്​റ്റോര്‍ ഉദ്ഘാടനം ചെയ്യും. ഫ്ലീരിയ ഗ്രൂപ്പ് ചെയര്‍മാന്‍ ഫഹദ് അബ്​ദുല്‍ കരിം അല്‍ ഗുറൈമീല്‍ ഉള്‍പ്പടെ സിറ്റി ഫ്ലവര്‍ മാനേജ്‌മെൻറ്​ പ്രതിനിധികളും പൗരപ്രമുഖരും പങ്കെടുക്കും.

സിറ്റി ഫ്ലവറി​െൻറ പ്രഥമ എക്‌സ്പ്രസ് ഡിപ്പാര്‍ട്ട്‌മെൻറ്​ സ്​റ്റോര്‍ ആണ് അൽ ഖഫ്​ജിയിൽ ആരംഭിക്കുന്നതെന്നും മാനേജ്‌മെൻറ്​ അറിയിച്ചു. ഉദ്ഘാടനത്തോടനുബന്ധിച്ച് വിവിധ ഓഫറുകളും പ്രഖ്യാപിച്ചിട്ടുണ്ട്. ആദ്യത്തെ 100 ഉപഭോക്താക്കള്‍ക്ക് 150 റിയാലിന് സാധനങ്ങള്‍ വാങ്ങുമ്പോള്‍ 100 റിയാല്‍ മാത്രം നല്‍കിയാല്‍ മതിയാകും. 50 റിയാല്‍ ഫ്രീ പര്‍ച്ചേസ് ലഭിക്കും. കൂടാതെ എല്ലാ ഡിപ്പാര്‍ട്ട്‌മെൻറിലും കില്ലര്‍ ഓഫറും പ്രഖ്യാപിച്ചു. സാധാരണക്കാരുടെ അഭിരുചിക്കനുസൃതമായയി ഏറ്റവും മികച്ച ഉത്പ്പന്നങ്ങള്‍ എറ്റവും കുറഞ്ഞ വിലക്ക് ലഭ്യമാക്കുകയാണ് സിറ്റി ഫ്ലവറി​െൻറ ലക്ഷ്യം.

സൗദിയിലെ എല്ലാ പ്രവിശ്യകളിലും സേവനം ലഭ്യമാക്കുന്നതി​െൻറ ഭാഗമാണ് അല്‍ ഖഫ്ജിയിലെ സിറ്റി ഫ്ലവര്‍ എക്‌സ്പ്രസ് സ്​റ്റോര്‍. പുരുഷന്മാര്‍ക്കുള്ള വിപുലമായ വസ്ത്രശേഖരം, ആരോഗ്യ, സൗന്ദര്യവര്‍ധക വസ്തുക്കള്‍, ഫാഷന്‍ ആടയാഭരണങ്ങള്‍, ഓഫീസ് സ്‌റ്റേഷനറി, കളിപ്പാട്ടങ്ങള്‍, ലഗേജ്, ബാഗ്, കോസ്‌മെറ്റിക്‌സ്, വീട്ടുപകരണങ്ങള്‍, ലോകോത്തര വാച്ചുകള്‍, ഇലക്‌ട്രോണിക്‌സ് ഉപകരണങ്ങള്‍, ഹോം ലിനന്‍ തുടങ്ങി അവശ്യമുള്ളതെല്ലാം ഒരുക്കിയിട്ടുണ്ടെന്നും മാനേജ്​മെൻറ്​ അറിയിച്ചു.