ഖുബാഅ്​ പള്ളി വിപുലീകരണം; കുടിയൊഴിപ്പിക്കലിനുള്ള സമയപരിധി കഴിഞ്ഞു

ജി​ദ്ദ: മ​ദീ​ന​യി​ലെ ഖു​ബാ​അ്​ പ​ള്ളി വി​പു​ലീ​ക​ര​ണ സ്ഥ​ല​ത്തെ കെ​ട്ടി​ട ഉ​ട​മ​ക​ൾ​ക്ക്​ താ​മ​സം ഒ​ഴി​യാ​ൻ ന​ൽ​കി​യ സ​മ​യ​പ​രി​ധി അ​വ​സാ​നി​ച്ചു. ആ​ദ്യ​ഘ​ട്ട​ത്തി​ൽ പൊ​ളി​ച്ചു​നീ​ക്കു​ന്ന കെ​ട്ടി​ട​ങ്ങ​ളി​ലെ താ​മ​സ​ക്കാ​ർ​ക്ക്​​ ന​ൽ​കി​യ സ​മ​യ​പ​രി​ധി​യാ​ണ്​ തി​ങ്ക​ളാ​ഴ്​​ച​ അ​വ​സാ​നി​ച്ച​ത്. സ​മ​യ​പ​രി​ധി അ​വ​സാ​നി​ച്ച​തോ​ടെ കെ​ട്ടി​ട​ങ്ങ​ളി​ലേ​ക്കു​ള്ള വൈ​ദ്യു​തി, വെ​ള്ളം തു​ട​ങ്ങി​യ വി​വി​ധ ക​ണ​ക്ഷ​നു​ക​ൾ വി​ച്ഛേ​ദി​ക്കു​ന്ന ന​ട​പ​ടി​ക​ൾ ബ​ന്ധ​പ്പെ​ട്ട വ​കു​പ്പു​ക​ൾ ആ​രം​ഭി​ച്ചി​ട്ടു​ണ്ട്. കെ​ട്ടി​ട​ങ്ങ​ൾ പൊ​ളി​ച്ചു​നീ​ക്കു​ന്ന​തി​​ന്റെ മു​ന്നോ​ടി​യാ​യാ​ണി​ത്.

കി​ങ്​ സ​ൽ​മാ​ൻ ഖു​ബാ​അ്​ മ​സ്ജി​ദ് വി​പു​ലീ​ക​ര​ണ പ​ദ്ധ​തി​ക്ക്​ നീ​ക്കം ചെ​യ്യു​ന്ന കെ​ട്ടി​ട​ങ്ങ​ൾ​ക്ക്​ ന​ഷ്​​ട​പ​രി​ഹാ​രം വി​ത​ര​ണം ചെ​യ്യു​മെ​ന്ന് മ​ദീ​ന വി​ക​സ​ന അ​തോ​റി​റ്റി നേ​ര​ത്തെ പ്ര​ഖ്യാ​പി​ച്ചി​രു​ന്നു. പ​ദ്ധ​തി പ​രി​ധി​ക്കു​ള്ളി​ൽ സ്ഥി​തി​ചെ​യ്യു​ന്ന റി​യ​ൽ എ​സ്റ്റേ​റ്റ് ഉ​ട​മ​ക​ളോ​ട് അ​വ​രു​ടെ കെ​ട്ടി​ടം ഒ​ഴി​യാ​നും ന​ട​പ​ടി​ക്ര​മ​ങ്ങ​ൾ അ​ന്തി​മ​മാ​ക്കു​ന്ന​തി​ന് അ​തോ​റി​റ്റി​യി​ലെ പ്രോ​പ്പ​ർ​ട്ടി മാ​നേ​ജു​മെൻറു​മാ​യി ബ​ന്ധ​പ്പെ​ടാ​നും ആ​വ​ശ്യ​പ്പെ​ട്ടി​രു​ന്നു.