മൂന്നു പതിറ്റാണ്ടിനിടയിലെ കടുത്ത തണുപ്പ്

ദ​മ്മാം: സൗ​ദി അ​റേ​ബ്യ​യി​ൽ അ​നു​ഭ​വ​പ്പെ​ടു​ന്ന​ത്​ മൂ​ന്നു​ പ​തി​റ്റാ​ണ്ടി​നി​ട​യി​ലെ ക​ടു​ത്ത ത​ണു​​പ്പെ​ന്ന്​ വി​ല​യി​രു​ത്ത​ൽ. എ​ന്നാ​ൽ, മി​ക്ക പ്ര​ദേ​ശ​ങ്ങ​ളി​ലും വീ​ശി​യ​ടി​ക്കു​ന്ന ശ​ക്ത​മാ​യ ത​ണു​പ്പ്​ ത​രം​ഗ​ത്തി​ന്‍റെ തീ​വ്ര​ത അ​ടു​ത്ത ദി​വ​സ​ങ്ങ​ൾ മു​ത​ൽ കു​റ​ഞ്ഞു തു​ട​ങ്ങു​മെ​ന്നും കാ​ലാ​വ​സ്ഥ വി​ദ​ഗ്​​ധ​ർ അ​ഭി​പ്രാ​യ​പ്പെ​ട്ടു. രാ​ജ്യ​ത്തി​​ന്‍റെ മി​ക്ക പ്ര​ദേ​ശ​ങ്ങ​ളി​ലും ഞാ​യ​റാ​ഴ്ച രാ​വി​ലെ​യും രാ​ത്രി​യി​ലും കൊ​ടും ത​ണു​പ്പാ​ണ്​ അ​നു​ഭ​പ്പെ​ട്ട​ത്. ശേ​ഷം താ​പ​നി​ല​യി​ൽ ക്ര​മാ​നു​ഗ​ത​മാ​യ വ​ർ​ധ​ന​യു​ണ്ടാ​കു​മെ​ന്ന് പ്ര​മു​ഖ കാ​ലാ​വ​സ്ഥ വി​ദ​ഗ്ധ​നും പ​രി​സ്ഥി​തി പ്ര​വ​ർ​ത്ത​ക​നു​മാ​യ അ​ബ്​​ദു​ൽ അ​സീ​സ് അ​ൽ ഹു​സൈ​നി പ​റ​ഞ്ഞു.

വ​രും ദി​വ​സ​ങ്ങ​ളി​ൽ താ​പ​നി​ല ക്ര​മാ​തീ​ത​മാ​യി ഉ​യ​രാ​ൻ തു​ട​ങ്ങു​മെ​ന്ന് അ​ൽ ഖ​സിം സ​ർ​വ​ക​ലാ​ശാ​ല​യി​ലെ കാ​ലാ​വ​സ്ഥ വി​ഭാ​ഗം മു​ൻ പ്ര​ഫ​സ​റും സൗ​ദി​യി​ലെ ​ഋ​തു​ഭേ​ദ​ങ്ങ​ളു​ടെ നാ​മ​ക​ര​ണ സ​മി​തി (ത​സ്മി​യ​ത്ത്) സ്ഥാ​പ​ക ചെ​യ​ർ​മാ​നു​മാ​യ അ​ബ്ദു​ല്ല അ​ൽ മി​സ്​​ന​ദ് പ​റ​ഞ്ഞു. ശ​രാ​ശ​രി അ​നു​ഭ​വ​പ്പെ​ടു​ന്ന താ​പ​നി​ല​യി​ലെ കു​റ​വാ​ണ്​ ത​ല​സ്ഥാ​ന ന​ഗ​രി​യാ​യ റി​യാ​ദ് ഉ​ൾ​പ്പെ​ടെ വ​ട​ക്ക​ൻ, മ​ധ്യ പ്ര​ദേ​ശ​ങ്ങ​ളി​ൽ ആ​ഞ്ഞ​ടി​ക്കു​ന്ന നി​ല​വി​ലെ ത​ണു​പ്പ് ത​രം​ഗ​ത്തെ തീ​വ്ര​മാ​ക്കു​ന്ന​ത്. ക​ഴി​ഞ്ഞ ദി​വ​സം വി​വി​ധ മേ​ഖ​ല​ക​ളി​ൽ അ​നു​ഭ​വ​പ്പെ​ട്ട താ​പ​നി​ല വാ​ർ​ഷി​ക ശ​രാ​ശ​രി​യേ​ക്കാ​ൾ കു​റ​വാ​ണ്.

വ​രും ദി​വ​സ​ങ്ങ​ളി​ൽ സൂ​ര്യ​ൻ മേ​ഘ​ക്കൂ​ട്ട​ങ്ങ​ളി​ൽ​നി​ന്ന്​ പു​റ​ത്തു​വ​ന്ന്​ കൂ​ടു​ത​ൽ ചൂ​ടോ​ടെ പ്ര​കാ​ശി​ക്കു​മെ​ന്നും അ​ൽ മി​സ്​​ന​ദ്​ ത​ന്‍റെ ട്വി​റ്റ​ർ അ​ക്കൗ​ണ്ടി​ൽ കു​റി​ച്ചു. വ​ട​ക്ക​ൻ, മ​ധ്യ, കി​ഴ​ക്ക​ൻ മേ​ഖ​ല​ക​ളി​ൽ കു​റ​ച്ചു സ​മ​യ​ത്തേ​ക്ക് വ​ള​രെ ത​ണു​ത്ത കാ​ലാ​വ​സ്ഥ തു​ട​രാ​ൻ സാ​ധ്യ​ത​യു​ണ്ട്​ എ​ന്നും അ​ദ്ദേ​ഹം പ​റ​ഞ്ഞു.

രാ​ജ്യ​ത്തി​ന്‍റെ കി​ഴ​ക്ക​ൻ, മ​ധ്യ, തെ​ക്ക​ൻ ഭാ​ഗ​ങ്ങ​ളി​ൽ താ​ഴ്ന്ന താ​പ​നി​ല തു​ട​രു​മെ​ന്ന് പ്ര​തീ​ക്ഷി​ക്കു​ന്ന​താ​യി നാ​ഷ​ന​ൽ സെ​ന്‍റ​ർ ഓ​ഫ് മെ​റ്റീ​രി​യോ​ള​ജി (എ​ൻ.​സി.​എം) ഏ​റ്റ​വും പു​തി​യ കാ​ലാ​വ​സ്ഥ റി​പ്പോ​ർ​ട്ടി​ൽ പ​റ​ഞ്ഞു. ത​ണു​ത്ത തി​ര​മാ​ല​ക്കൊ​പ്പം ഉ​പ​രി​ത​ല കാ​റ്റും കു​റ​ഞ്ഞ ദൃ​ശ്യ​പ​ര​ത​യും ഉ​ണ്ടാ​കും. അ​തി​ന്‍റെ ആ​ഘാ​തം രാ​ജ്യ​ത്തി​ന്‍റെ തെ​ക്കു​പ​ടി​ഞ്ഞാ​റ​ൻ, പ​ടി​ഞ്ഞാ​റ​ൻ ഭാ​ഗ​ങ്ങ​ളി​ലേ​ക്ക് വ്യാ​പി​ക്കാ​ൻ സാ​ധ്യ​ത​യു​ണ്ടെ​ന്ന് റി​പ്പോ​ർ​ട്ടി​ൽ പ​റ​യു​ന്നു.

ആ​കാ​ശം ഭാ​ഗി​ക​മാ​യി മേ​ഘാ​വൃ​ത​മാ​ണ്. അ​സീ​ർ, അ​ൽ​ബാ​ഹ, മ​ക്ക എ​ന്നീ ഉ​യ​ർ​ന്ന പ്ര​ദേ​ശ​ങ്ങ​ളി​ൽ ശ​ക്ത​മാ​യ കാ​റ്റി​നൊ​പ്പം മി​ന്ന​ലു​ണ്ടാ​കു​മെ​ന്നും ന​ജ്റാ​ൻ, അ​സി​ർ, അ​ൽ​ബാ​ഹ മേ​ഖ​ല​ക​ളി​ൽ അ​തി​രാ​വി​ലെ മൂ​ട​ൽ​മ​ഞ്ഞ് രൂ​പ​പ്പെ​ടു​മെ​ന്നും എ​ൻ.​സി.​എം അ​റി​യി​ച്ചു.

വെ​ള്ളി​യാ​ഴ്ച മു​ത​ൽ സൗ​ദി​യി​ലെ പ​ല ന​ഗ​ര​ങ്ങ​ളി​ലും താ​പ​നി​ല​യി​ൽ അ​ഭൂ​ത​പൂ​ർ​വ​മാ​യ കു​റ​വ്​ അ​നു​ഭ​വ​പ്പെ​ട്ടു. ചി​ല ന​ഗ​ര​ങ്ങ​ളി​ൽ ബു​ധ​നാ​ഴ്ച ശ​രാ​ശ​രി പൂ​ജ്യം–​മൂ​ന്ന്​ ഡി​ഗ്രി സെ​ൽ​ഷ്യ​സി​ലേ​ക്ക് താ​ഴ്ന്നു. അ​തേ​സ​മ​യം, പ​ല വ​ട​ക്ക​ൻ ന​ഗ​ര​ങ്ങ​ളി​ലും മ​ഞ്ഞ് മൂ​ടി​യി​രു​ന്നു. വ​ട​ക്ക​ൻ അ​തി​ർ​ത്തി മേ​ഖ​ല​യി​ലെ തു​റൈ​ഫ് ന​ഗ​ര​ത്തി​ൽ ബു​ധ​നാ​ഴ്ച മൈ​ന​സ് ആ​റ്​ ഡി​ഗ്രി സെ​ൽ​ഷ്യ​സ് രേ​ഖ​പ്പെ​ടു​ത്തി. ഇ​തു ക​ഴി​ഞ്ഞ 30 വ​ർ​ഷ​ത്തി​നി​ടെ രാ​ജ്യം ക​ണ്ട ഏ​റ്റ​വും കു​റ​ഞ്ഞ താ​പ​നി​ല​യാ​ണ്. ക​ഴി​ഞ്ഞ വാ​രാ​ന്ത്യ​ത്തി​ൽ ശൈ​ത്യ​കാ​ലം ഏ​റ്റ​വും ക​ഠി​ന​മാ​യി​രു​ന്നു. റി​യാ​ദി​ൽ മൈ​ന​സ് ഒ​ന്ന് മു​ത​ൽ മൂ​ന്ന് ഡി​ഗ്രി സെ​ൽ​ഷ്യ​സ് വ​രെ ത​ണു​പ്പ് രേ​ഖ​പ്പെ​ടു​ത്തി.