പ്ര​കൃ​തിര​മ​ണീ​യം ജീ​സാ​നി​ലെ ഫൈ​ഫ കു​ന്നു​ക​ൾ

ജീ​സാ​ൻ: സൗ​ദി തെ​ക്കു​പ​ടി​ഞ്ഞാ​റ​ൻ പ്ര​വി​ശ്യ​യാ​യ ജീ​സാ​നി​ലെ ഫൈ​ഫ കു​ന്നു​ക​ൾ പ്ര​കൃ​തി​ര​മ​ണീ​യ​മാ​യ ഒ​രു വി​നോ​ദ​സ​ഞ്ചാ​ര കേ​ന്ദ്ര​മാ​ണ്. ജീ​സാ​ൻ ന​ഗ​ര​ത്തി​ൽ​നി​ന്ന് 100 കി​ലോ​മീ​റ്റ​ർ അ​ക​ലെ യ​മ​ൻ അ​തി​ർ​ത്തി​യോ​ട് ചേ​ർ​ന്നു​കി​ട​ക്കു​ന്ന പ്ര​ദേ​ശ​ത്താ​ണ് സ​മു​ദ്ര​നി​ര​പ്പി​ൽ​നി​ന്ന് 2000 മീ​റ്റ​ർ ഉ​യ​ര​ത്തി​ലു​ള്ള ഫൈ​ഫ പ​ർ​വ​ത​നി​ര​ക​ൾ. ജീ​സാ​നി​ൽ​നി​ന്ന്​ ദ​ർ​ബ് റോ​ഡി​ലൂ​ടെ യാ​ത്ര​ചെ​യ്ത് സ്വ​ബ്​​യ ജ​ങ്​​ഷ​നി​ൽ​നി​ന്ന് വ​ല​ത്തോ​ട്ട് ക​യ​റി നേ​രെ സ​ഞ്ച​രി​ച്ചാ​ൽ ഫൈ​ഫ​യി​ലെ​ത്താം.

മ​ല​മു​ക​ളി​ൽ​നി​ന്ന് നോ​ക്കി​യാ​ൽ അ​ങ്ങ​ക​ലെ യ​മ​നി​ലെ മ​ല​നി​ര​ക​ളു​ടെ ദൂ​ര​ക്കാ​ഴ്ച​ക​ൾ കാ​ണാം. മ​ഞ്ഞു​പു​ത​ച്ചു കി​ട​ക്കു​ന്ന കു​ന്നു​ക​ളും പ​ച്ച​പു​ത​ച്ച മ​ല​ക​ളും കാ​ർ​ഷി​ക വി​ള​ക​ളും നി​റ​ഞ്ഞ പ്ര​ദേ​ശ​മാ​ണി​വി​ടം. മ​ഴ ധാ​രാ​ളം ല​ഭി​ക്കു​ന്ന സൗ​ദി​യി​ലെ ഒ​രു മേ​ഖ​ല കൂ​ടി​യാ​ണി​ത്. ഇ​ങ്ങോ​ട്ടു​ള്ള യാ​ത്ര ത​ന്നെ സാ​ഹ​സി​ക​മാ​യ അ​നു​ഭ​വം പ​ക​ർ​ന്നു​ത​രും. സൗ​ദി​യു​ടെ അ​തി​ർ​ത്തി പ്ര​ദേ​ശ​മാ​യ​തി​നാ​ൽ മൂ​ന്നോ നാ​ലോ ഇ​ട​ങ്ങ​ളി​ൽ പൊ​ലീ​സ് ചെ​ക്ക് പോ​യി​ന്‍റു​ക​ൾ ക​ട​ന്നു​വേ​ണം ഇ​ങ്ങോ​ട്ടെ​ത്താ​ൻ.

സൗ​ദി​യി​ലെ പ്ര​ധാ​ന കാ​ർ​ഷി​ക​മേ​ഖ​ല​യാ​യ ഇ​വി​ടെ കാ​പ്പി​കൃ​ഷി കൂ​ടാ​തെ കൊ​ക്കോ​യും മാ​ത​ള​വും പേ​ര​ക്ക​യും അ​ട​ക്കം മ​റ്റ​നേ​കം ഫ​ല​ങ്ങ​ളും പ​ച്ച​ക്ക​റി​ക​ളും കൃ​ഷി ചെ​യ്യു​ന്നു​ണ്ടി​വി​ടെ. പ്ര​കൃ​തി​ദ​ത്ത കാ​ട്ടു​തേ​നും ഈ ​മ​ല​മ്പ്ര​ദേ​ശ​ത്ത്​ സു​ല​ഭ​മാ​ണ്. ഫൈ​ഫ നി​വാ​സി​ക​ൾ​ക്ക് മാ​ത്രം മ​ന​സ്സി​ലാ​കു​ന്ന സ്വ​ന്ത​മാ​യ പ്രാ​ദേ​ശി​ക സം​സാ​ര ഭാ​ഷ​യി​ലാ​ണ് ഇ​വി​ടു​ത്തെ ആ​ളു​ക​ൾ ന​ട​ത്തു​ന്ന ആ​ശ​യ​വി​നി​മ​യം ഏ​റെ വി​സ്മ​യ​ക​ര​മാ​ണ്.

ഇ​വ​രു​ടെ പ​ര​മ്പ​രാ​ഗ​ത വേ​ഷ​മാ​യ ‘വി​സ്റ​യും ഖ​മീ​സും’ പൂ​ക്ക​ൾ​ക്കൊ​ണ്ടു​ണ്ടാ​ക്കി​യ ത​ല​പ്പാ​വും അ​ര​യി​ൽ വ​ള​ഞ്ഞ ക​ത്തി​യു​മൊ​ക്കെ​യ​ട​ങ്ങു​ന്ന ത​ദ്ദേ​ശീ​യ വ​സ്ത്ര​ധാ​ര​ണ രീ​തി അ​ണി​ഞ്ഞൊ​രു​ങ്ങി ന​ട​ക്കു​ന്ന​വ​രെ​യും പ്ര​ദേ​ശ​ത്ത് കാ​ണാം. കൗ​ലാ​നി കാ​പ്പി വ്യാ​പാ​ര​ത്തി​നാ​യി ഈ ​പൈ​തൃ​ക വേ​ഷം ഇ​ന്നും സ്വ​ദേ​ശി​ക​ൾ പി​ന്തു​ട​രു​ന്ന​ത് കാ​ണാം.

മേ​ഘ​ങ്ങ​ൾ വ​ന്നു മു​ത്ത​മി​ടു​ന്ന മ​ല​മു​ക​ളി​ൽ പ​ല​പ്പോ​ഴും പ​ര​ന്നു​കി​ട​ക്കു​ന്ന കോ​ട​മ​ഞ്ഞും അ​പൂ​ർ​വ ദൃ​ശ്യ​മാ​യി സ​ന്ദ​ർ​ശ​ക​രെ ആ​ക​ർ​ഷി​ക്കു​ന്നു. മ​നം​മ​യ​ക്കു​ന്ന കാ​ഴ്ച​യു​ടെ മ​റ്റൊ​രു ലോ​ക​മാ​ണ് ഫൈ​ഫ സ​ഞ്ചാ​രി​ക​ൾ​ക്ക് തു​റ​ന്നു ത​രു​ന്ന​ത്. കു​ളി​ർ​മ​യു​ടെ വേ​റി​ട്ട കാ​ലാ​വ​സ്ഥ​യും വ​ശ്യ​മാ​യ ഭൂ​പ്ര​കൃ​തി​യും ഒ​ത്തി​ണ​ങ്ങി​യ പ്ര​ദേ​ശം സൗ​ദി​യി​ലെ ഒ​രു സു​ഖ​വാ​സ​കേ​ന്ദ്രം കൂ​ടി​യാ​ണ്. സ​ന്ദ​ർ​ശ​ക​രെ കാ​ത്ത് ധാ​രാ​ളം റി​സോ​ർ​ട്ടു​ക​ൾ ഇ​വി​ടെ​യു​ണ്ട്.

സ്‌​കൂ​ളു​ക​ളും ഹോ​ട്ട​ലു​ക​ളും ഷോ​പ്പു​ക​ളും ആ​ശു​പ​ത്രി​ക​ളു​മ​ട​ക്ക​മു​ള്ള സൗ​ക​ര്യ​ങ്ങ​ൾ ഫൈ​ഫ പ്ര​ദേ​ശ​ത്ത് അ​ധി​കൃ​ത​ർ ഒ​രു​ക്കി​യി​ട്ടു​ണ്ട്. അ​ൽ ദാ​ഫ്ര, ബ​ർ​ദാ​ൻ, ഫൗ​ണ്ട​ൻ എ​ന്നീ പേ​രു​ക​ളി​ൽ അ​റി​യ​പ്പെ​ടു​ന്ന പാ​ർ​ക്കു​ക​ൾ ജീ​സാ​ൻ മു​നി​സി​പ്പാ​ലി​റ്റി അ​ധി​കൃ​ത​ർ ഇ​പ്പോ​ൾ കൂ​ടു​ത​ൽ വി​ക​സ​നം ന​ട​ത്തി സ​ന്ദ​ർ​ശ​ക​ർ​ക്കാ​യ് തു​റ​ന്നു കൊ​ടു​ത്തി​ട്ടു​ണ്ട്.