മുഹമ്മദ് ശരീഫിന് കേളിയുടെ യാത്രയയപ്പ്

റിയാദ്: പ്രവാസം അവസാനിപ്പിച്ച് നാട്ടിലേക്ക് മടങ്ങുന്ന മുഹമ്മദ് ശരീഫിന് കേളി കലാസാംസ്‌കാരിക വേദി യാത്രയയപ്പ് നൽകി. മലസ് ഏരിയ മജ്മഅ യൂനിറ്റ് സെക്രട്ടറിയായ മുഹമ്മദ് ശരീഫിന് യൂനിറ്റിന്‍റെ നേതൃത്വത്തിലാണ് യാത്രയയപ്പ് നൽകിയത്. നാലു വർഷമായി നെസ്റ്റോ ഹൈപ്പർ മാർക്കറ്റിൽ ജോലി ചെയ്യുന്ന ശരീഫ് തൃശ്ശൂർ ചാവക്കാട് സ്വദേശിയാണ്. മജ്മഅയിലെ ഇഫാ ഇസ്തിറാഹയിൽ നടന്ന യാത്രയയപ്പ് ചടങ്ങിൽ യൂനിറ്റ് പ്രസിഡന്‍റ് പ്രതീഷ് പുഷ്പൻ അധ്യക്ഷത വഹിച്ചു.

ഏരിയ സെക്രട്ടറി സുനിൽ കുമാർ, ഏരിയ ആക്ടിങ് പ്രസിഡന്‍റ് മുകുന്ദൻ, ട്രഷറർ കെ.പി. സജിത്ത്, ഏരിയ കമ്മിറ്റി അംഗങ്ങളായ നൗഫൽ, ഡോ. പ്രവീൺ, സുജിത്, ഹുത്ത സുദൈർ യൂനിറ്റ് സെക്രട്ടറി മുഹമ്മദ് ഷിജിൻ, പ്രസിഡന്‍റ് ഷൗക്കത്ത്, തുമൈർ യൂനിറ്റ് സെക്രട്ടറി ജലീൽ, മജ്മഅ യൂനിറ്റ് എക്സിക്യൂട്ടിവ് അംഗങ്ങളായ സുനിൽ കുമാർ, അനീസ്, യൂനിറ്റംഗങ്ങളായ ഷാനവാസ്, മജീഷ് എന്നിവർ സംസാരിച്ചു. യൂനിറ്റ് അംഗങ്ങൾ ചേർന്ന് ഉപഹാരം ശരീഫിന് കൈമാറി. യൂനിറ്റ് ആക്ടിങ് സെക്രട്ടറി സന്ദീപ് സ്വാഗതവും മുഹമ്മദ് ശരീഫ് നന്ദിയും പറഞ്ഞു.