ഫാം ​ടൂ​റി​സ​ത്തി​ൽ തി​ള​ങ്ങി അ​ൽ മ​ൻ​ദ​ഖ്​; ന​മു​ക്ക്​ പാ​ർ​ക്കാ​ൻ കൃ​ഷി​ത്തോ​ട്ട​ങ്ങ​ൾ

റി​യാ​ദ്​: ഒ​രു എ​ണ്ണച്ചാ​യാ​ചി​ത്രം പോ​ലെ മ​നോ​ഹ​ര​മാ​ണ്​ അ​ൽ മ​ൻ​ദ​ഖ്​ ഗ്രാ​മം. സൗ​ദി തെ​ക്ക​ൻ ദേ​ശ​ത്തെ അ​ൽ​ബാ​ഹ പ്ര​വി​ശ്യ​യി​ലു​ള്ള കൃ​ഷി​ഭൂ​മി​ക​ളാ​ൽ സ​മ്പ​ന്ന​മാ​യ പ്ര​കൃ​തി​ര​മ​ണീ​യ​മാ​യ സ്ഥ​ലം. വി​നോ​ദ​സ​ഞ്ചാ​രി​ക​ളു​ടെ ഹൃ​ദ​യം ക​വ​രു​ന്ന​താ​ണ്​ ഇ​വി​ടത്തെ അ​ഴ​ക​ള​വു​ക​ളൊ​ത്ത പ്ര​കൃ​തി​യും സു​ഖ​ദ സു​ന്ദ​ര​മാ​യ അ​ന്ത​രീ​ക്ഷ​വും. വി​വി​ധ ത​രം വൃ​ക്ഷ ല​താ​ദി​ക​ളും വ​ള്ളി​ക്കു​ടി​ലു​ക​ളും അ​രു​വി​ക​ളും നി​റ​ഞ്ഞ താ​ഴ്​​വ​ര, ഭൂ​രി​ഭാ​ഗ​വും മ​രു​ഭൂ​മി​യാ​യ സൗ​ദി അ​റേ​ബ്യ​ക്ക്​ പ്ര​കൃ​തി ക​നി​ഞ്ഞ​രു​ളി​യ ശാ​ദ്വ​ല പ്ര​ദേ​ശ​ങ്ങ​ളി​ലൊ​ന്നാ​ണ്. ഈ ​സ​വി​ശേ​ഷ​ത​ക​ൾ കൊ​ണ്ട്​ വ​ള​രെ നേ​ര​ത്തേ​ത​ന്നെ വി​നോ​ദ​സ​ഞ്ചാ​രി​ക​ളു​ടെ പ്രി​യ​ദേ​ശ​ങ്ങ​ളി​ലൊ​ന്നാ​യി മാ​റി​യി​രു​ന്ന അ​ൽ മ​ൻ​ദ​ഖ്​ ഇ​പ്പോ​ൾ ശ്ര​ദ്ധേ​യ​മാ​വു​ന്ന​ത്​ ഫാം ​ടൂ​റി​സ​ത്തി​ന്റെ വി​ക​സ​ന​ത്തി​ലാ​ണ്.

സ​ഞ്ചാ​ര​പ്രി​യ​ർ​ക്ക്​ പാ​ർ​ക്കാ​ൻ കൃ​ഷി​ത്തോ​ട്ട​ങ്ങ​ളി​ൽ ഇ​ന്ന്​ മ​നോ​ഹ​ര കു​ടി​ലു​ക​ളു​ണ്ട്. പ​ച്ച​പ്പ​ണി​ഞ്ഞ പ്ര​ദേ​ശ​ങ്ങ​ളി​ൽ വൃ​ക്ഷ​വൈ​വി​ധ്യം പ​ച്ചി​ല​ത്ത​ണ​ൽ വി​രി​ച്ചും പൂ​വി​ട്ടും നി​ൽ​ക്കു​ന്നു. ചു​വ​ട്ടി​ൽ അ​ഴ​കു​ട​യാ​ട ചു​റ്റി​യ പ​ച്ച​പ​ട​ർ​പ്പു​ക​ൾ. ക​ള​ക​ളാ​ര​വം പൊ​ഴി​ച്ച്​ ഒ​ഴു​കു​ന്ന അ​രു​വി​ക​ൾ. ഫാം ​ടൂ​റി​സ​ത്തി​​ന്റെ സ​മൃ​ദ്ധി​യാ​ണ്​ എ​ങ്ങും വി​ള​ങ്ങി​നി​ൽ​ക്കു​ന്ന​ത്. കൃ​ഷി​ത്തോ​ട്ട ഉ​ട​മ​ക​ൾ അ​വ​യെ വി​നോ​ദ​സ​ഞ്ചാ​ര കേ​ന്ദ്ര​ങ്ങ​ളാ​ക്കി പ​രി​വ​ർ​ത്തി​പ്പി​ച്ചു ക​ഴി​ഞ്ഞു.

അ​ങ്ങ​നെ അ​ൽ ബാ​ഹ​യു​ടെ സു​പ്ര​ധാ​ന കാ​ർ​ഷി​ക​മേ​ഖ​ല ഇ​പ്പോ​ൾ വി​നോ​ദ​സ​ഞ്ചാ​ര​ത്തി​​ന്റെ നൂ​റു​മേ​നി വി​ള​വെ​ടു​പ്പാ​ണ്​ ന​ട​ത്തു​ന്ന​ത്. ആ​ഭ്യ​ന്ത​ര ടൂ​റി​സം മേ​ഖ​ല​യി​ലെ സു​പ്ര​ധാ​ന കാ​ൽ​വെ​പ്പാ​ണി​ത്. പ​ണ്ടേ വി​നോ​ദ​സ​ഞ്ചാ​ര​ത്തി​നു​ പേ​രു​​കേ​ട്ട അ​ൽ ബാ​ഹ പ്ര​വി​ശ്യ​യു​ടെ ആ​രം​ഭ​സ്ഥാ​ന​മാ​വു​ക​യാ​ണ്​ അ​ൽ മ​ൻ​ദ​ഖ്. കൃ​ഷി​പ്പാ​ട​ങ്ങ​ളി​ലെ പ​ച്ച​പ്പി​നി​ട​യി​ൽ ടൂ​റി​സം ഹ​ട്ടു​ക​ൾ പ​ണി​താ​ണ്​ വി​നോ​ദ​സ​ഞ്ചാ​രി​ക​ളെ ആ​ക​ർ​ഷി​ക്കു​ന്ന​ത്. ഇ​വി​ടെ വ​ന്ന്​ രാ​പ്പാ​ർ​ത്തും പ​ക​ൽ മു​ഴു​വ​ൻ ഈ ​പ്ര​കൃ​തി ര​മ​ണീ​യ​ത​യി​ൽ അ​ല​ഞ്ഞും ഹൃ​ദ്യ​മാ​യ അ​നു​ഭ​വ​ങ്ങ​ൾ സ്വ​ന്ത​മാ​ക്കാ​നു​ള്ള അ​വ​സ​ര​മാ​ണു​ള്ള​ത്.

സ്വ​ന്തം കൃ​ഷി​ത്തോ​ട്ടം വി​നോ​ദ സ​ഞ്ചാ​ര​കേ​ന്ദ്ര​മാ​ക്കി മാ​റ്റി​യ പ്ര​ദേ​ശ​ത്തെ ക​ർ​ഷ​ക​ൻ ഉ​സ്​​മാ​ൻ അ​ൽ​സ​ഹ്​​റാ​നി വി​ശ​ദീ​ക​രി​ക്കു​ന്ന​ത്, 2022ലാ​ണ്​ താ​ൻ ​ഈ ​രം​ഗ​ത്തേ​ക്ക്​ ചു​വ​ടു​മാ​റ്റു​ന്ന​​തെ​ന്നാ​ണ്. ത​​ന്റെ ഉ​ട​മ​സ്ഥ​ത​യി​ലു​ള്ള കൃ​ഷി​സ്ഥ​ലം മ​നോ​ഹ​ര​മാ​യ ടൂ​റി​സം സ്​​പോ​ട്ടാ​ക്കി മാ​റ്റാ​നു​ള്ള പ്ര​വ​ർ​ത്ത​നം അ​ന്നാ​ണ്​ തു​ട​ങ്ങി​യ​ത്. കൃ​ഷി​പ്പാ​ട​ങ്ങ​ൾ ടൂ​റി​സ​ത്തി​ന്​ പ​റ്റി​യ ഇ​ട​മാ​ക്കി​മാ​റ്റി. വി​വി​ധ ത​രം ഫ​ല​വൃ​ക്ഷ​ങ്ങ​ളും സ​പു​ഷ്​​പി​ക​ളും ന​ട്ടു​പി​ടി​പ്പി​ച്ചു. സീ​സ​ണാ​ലാ​യു​ള്ള പ​ഴ​വ​ർ​ഗ​ങ്ങ​ളും സു​ഗ​ന്ധ​വ്യ​ഞ്ജ​ന​ങ്ങ​ളും കൃ​ഷി ചെ​യ്ത്​ വി​ള​വെ​ടു​ക്കാ​ൻ തു​ട​ങ്ങി. കാ​പ്പി, മാ​ത​ള​നാ​ര​ങ്ങ, ബ​ദാം, നാ​ര​ങ്ങ, ഓ​റ​ഞ്ച്, ആ​പ്രി​കോ​ട്ട്, അ​ത്തി, പീ​ച്ച്, ബെ​റി തു​ട​ങ്ങി​യ​വ​യാ​ണ്​ വി​ള​വെ​ടു​ക്കു​ന്ന​ത്. ഇ​തു​ കൂ​ടാ​തെ വ​ള​രെ അ​പൂ​ർ​വ സ​സ്യ​വ​ർ​ഗ​ങ്ങ​ളും ന​ട്ടു​പി​ടി​പ്പി​ച്ചു. സീ​സ​ണ​ലാ​യ ഈ ​കൃ​ഷി​ക​ൾ ന​ട​ക്കു​േ​മ്പാ​ൾ ത​ന്നെ വി​നോ​ദ സ​ഞ്ചാ​ര​വും ഒ​പ്പം പു​ഷ്​​ടി​പ്പെ​ടു​ന്നു.