വാഹനത്തിൽ യാത്രക്കാരുടെ എണ്ണം കൂടിയാൻ 2,000 റിയാൽ പിഴ

ജിദ്ദ: വാഹനത്തിൽ അനുവദനീയമായ എണ്ണത്തിൽ കൂടുതൽ യാത്രക്കാരെ കയറ്റുന്നതിനെതിരെ മുന്നറിയിപ്പ്​. ഇത്​ നിയമലംഘനമാണെന്നും പിഴയുണ്ടാകുമെന്നും റോഡ്​ സുരക്ഷ ഫോഴ്​സ്​ ഡ്രൈവർമാർക്ക് മുന്നറിയിപ്പ് നൽകി.

എണ്ണത്തിൽ കൂടുതൽ യാത്രക്കാരെ കയറ്റിയാൽ 1,000 മുതൽ 2,000 വരെ റിയാൽ പിഴ ചുമത്തുമെന്ന്​ അധികൃതർ അറിയിച്ചു. ട്രാഫിക് സുരക്ഷ ഉറപ്പാക്കുന്നതിന് സുരക്ഷാ, ട്രാഫിക് അധികാരികൾ തുടർച്ചയായി മാർഗനിർദേശം നൽകിവരുകയാണ്​​.

കാറിൽ അഗ്​നിശമന ഉപകരണം ഘടിപ്പിക്ക​ണമെന്നതാണ്​ മറ്റൊരു നിർദേശം. തീപിടിത്തമുണ്ടായാൽ ഏറ്റവും പ്രധാനപ്പെട്ട സുരക്ഷാ മാർഗമാണ്​ അതെന്നും റോഡ്​ സുരക്ഷ ഫോഴ്​സ്​ വ്യക്തമാക്കി.