മക്കയിലെ കച്ചവടകേ​ന്ദ്രത്തിൽ അഗ്​നിബാധ

മക്ക: ഹയ്യ്​ മുഅയ്​സിൽ കച്ചവട കേ​ന്ദ്രത്തിൽ അഗ്​നിബാധ. ശനിയാഴ്​ച വൈകുന്നേരമാണ്​ പത്തോളം കടകൾ സ്​ഥിതി ചെയ്യുന്നിടത്ത്​ അഗ്​നിബാധയുണ്ടായത്​.   സിവിൽ ഡിഫൻസ്​ തീ  അണച്ചതിനാൽ കൂടുതൽ കടകളിലേക്ക്​ തീ പടർന്നില്ല. അഗ്​നി ബാധയിൽ ആർക്കും ആളപായമില്ലെന്ന്​ മക്ക സിവിൽ ഡിഫൻസ്​ വക്​താവ്​ കേണൽ നാഇഫ്​ അൽ ശരീഫ്​ വ്യക്​തമാക്കി. ഉപയോഗിച്ച ഫർണിച്ചറുകൾ വിൽപന നടത്തുന്ന കടകളിലാണ്​ അഗ്​നിബാധയുണ്ടായതെന്നും  കാരണമറിയാൻ അന്വേഷണമരംഭിച്ചതായും സിവിൽ ഡിഫൻസ്​ വക്​താവ്​ പറഞ്ഞു.