അഗ്​നിദുരന്തത്തിൽ നിന്ന്​ നാട്ടുകാരെ രക്ഷിച്ചു; പിന്നാലെ യുവാവിന്​ വീട്​ കത്തി കുടുംബം നഷ്​ടമായി

റിയാദ്​: പെട്രോൾ പമ്പിലുണ്ടായ അഗ്​നിബാധയിൽ ജീവൻ പണയം വെച്ച്​ രക്ഷാപ്രവർത്തനം നടത്തിയ യുവാവി​ന്​ ഒരാഴ്​ചക്ക്​ ശേഷം കുടുംബത്തെ നഷ്​ടമായി. വീട്ടിലുണ്ടായ അഗ്​നിബാധയിലാണ്​ കുടുംബം കൊല്ലപ്പെട്ടത്​. സുൽത്താൻ ബിൻ ഹുസൈം അൽ റജ്​ബാനിയാണ്​ സാഹസിക പ്രവർത്തനത്തിലൂ​െട കഴിഞ്ഞയാഴ്​ച വാർത്ത സൃഷ്​ടിച്ചത്​. റിയാദിലെ ഒരു പെട്രോൾ സ്​റ്റേഷനിലായിരുന്നു സംഭവം. പെട്രോൾ നിറക്കാൻ എത്തിയ സുൽത്താൻ, അതിനിടക്കാണ്​ സ്​​േറ്റഷനിലെത്തിയ ഒരുകാറിൽ തീപടരുന്നത്​ കണ്ടത്​. ആ കാറിൽ നിന്ന്​ ഡ്രൈവർ ഇറങ്ങിയോടിയതോടെ കാർ മുഴുവൻ അഗ്​നിക്കിരയായി പമ്പിൽ വലിയ സ്​ഫോടനം ഉണ്ടാകു​െമന്ന സ്​ഥിതിയുണ്ടായി. അപ്പോഴാണ്​ സാഹസികമായി സുൽത്താൻ രംഗത്തെത്തിയത്​.

ത​​െൻറ കാർ അതിവേഗത്തിൽ ഒാടിച്ച്​, കത്തിയ കാറി​​െൻറ പിറകിൽ ഇടിപ്പിച്ച്​ അതിനെ പമ്പിന്​ പുറത്താക്കി. ദൗത്യം കഴിഞ്ഞപ്പോഴേക്ക​ും സുൽത്താ​​െൻറ കാറിന​ു​ം തീപിടിക്കാൻ തുടങ്ങിയിരുന്നു. ഉടൻ പുറത്തിറങ്ങി സുൽത്താൻ കാറി​​െൻറ തീയണക്കുകയും ചെയ്​തു. വിവരം സാമൂഹിക മാധ്യമങ്ങളിലൂടെ പുറത്തായതോടെ റിയാദ്​ ഗവർണർ അമീർ ഫൈസൽ ബിൻ ബൻദർ സുൽത്താനെ വിളിച്ച്​ വരുത്തി അഭിനന്ദിച്ചു.ഇൗ സംഭവത്തിന്​ ശേഷം ഏതാനും ദിവസങ്ങൾ കഴിഞ്ഞപ്പോഴാണ്​ സുൽത്താ​​െൻറ കുടുംബത്തിൽ ദുരന്തമുണ്ടായത്​. ഷോർട്ട്​ സർക്യൂട്ടിനെ തുടർന്ന്​ വീട്​ അഗ്​നിക്കിരയായി. സുൽത്താ​​െൻറ മാതാവ​ും രണ്ടുസഹോദരങ്ങളും അഗ്​നിബാധയിൽ പൊള്ളലേറ്റ്​ മരിച്ചു. സുൽത്താന്​ അനുശോചനം അർപ്പിച്ച്​ സാമൂഹികമാധ്യമങ്ങളിൽ സന്ദേശങ്ങൾ പ്രവഹിക്കുകയാണ്​.