തബൂക്കിൽ വൻ അഗ്നിബാധ; 33 കടകൾ കത്തിനശിച്ചു

തബൂക്ക്: തബൂക്കിലെ ഇൻറർനാഷനൽ സൂഖിൽ വൻ അഗ്നിബാധ. വെള്ളിയാഴ്ച വൈകുന്നേരമാണ് തബൂക്ക് പട്ടണത്തി​െൻറ പടിഞ്ഞാറ് സ്ഥിതിചെയ്യുന്ന സൂഖു ദുവലിയിൽ തീപിടിത്തമുണ്ടായത്. നിരവധി കടകൾ കത്തിനശിച്ചതായാണ് വിവരം. 

ഏറെ നേരത്തെ ശ്രമത്തിനൊടുവിലാണ് സിവിൽ ഡിഫൻസ് തീ അണച്ചത്. വിവരമറിഞ്ഞ ഉടനെ സിവിൽ ഡിഫൻസി​െൻറ നിരവധി സംഘങ്ങൾ സ്ഥലത്ത് എത്തിയിരുന്നതായി മേഖല സിവിൽ ഡിഫൻസ് വക്താവ് കേണൽ റാഫിഅ് ബിൻ സാഇദ് അൽഅംറി പറഞ്ഞു. 

33ഒാളം കടകൾക്ക് കേടുപാടുകൾ സംഭവിച്ചിട്ടുണ്ട്. ആളപായമോ പരിക്കോ ഇല്ലെന്നും അഗ്നിബാധയുടെ കാരണമറിയാൻ അന്വേഷണമാരംഭിച്ചതായും വക്താവ് പറഞ്ഞു.