ജിദ്ദക്കടുത്തുണ്ടായ വാഹനാപകടത്തിൽ അഞ്ച് ഇന്ത്യക്കാർ മരിച്ചു

ജിദ്ദ: ജിദ്ദ ഖുലൈസിലുണ്ടായ വാഹനാപകടത്തിൽ അഞ്ച് ഇന്ത്യക്കാർ മരിച്ചു. തൂവലിൽ നിന്ന് പെരുന്നാളാഘോഷം കഴിഞ്ഞ് മടങ്ങി വരുന്നതിനിടെ ഉണ്ടായ റോഡപകടത്തിലാണ് ഇന്ത്യൻ കുടുംബത്തിലെ അഞ്ചു പേർ മരിച്ചത്.

ജിദ്ദ ഇന്റർനാഷണൽ ഇന്ത്യൻ സ്‌കൂളിലെ മൂന്നു വിദ്യാർഥികളും കുടുംബാംഗങ്ങളുമാണ് മരിച്ചത്. മരിച്ച വിദ്യാർഥികൾ സഹോദരങ്ങളാണ്.

പന്ത്രണ്ടാം ക്ലാസ് വിദ്യാർഥി അയാൻ മുഹമ്മദ് നിയാസ്, ഒൻപതാം ക്ലാസ് വിദ്യാർഥി ഇഖ്‌റ നിയാസ്, രണ്ടാം ക്ലാസ് വിദ്യാർഥി അനസ്, ബന്ധുക്കളായ ഇനായത്ത് അലി, തൗഫീഖ് ഖാൻ എന്നിവരാണ് മരിച്ചത്. യു.പി ലഖ്നൗ സ്വദേശികളാണ് മരിച്ചത്. തിങ്കളാഴ്ച വൈകീട്ടാണ് അപകടമുണ്ടായത്.