റിയാദിൽ കാറുകൾ കൂട്ടിയിടിച്ച്​ ചെറിയ കുട്ടികളടക്കം അഞ്ച് ഇന്ത്യക്കാർ മരിച്ചു

റിയാദ്: ഉംറ നിർവഹിക്കാനായി പുറപ്പെട്ട രണ്ട്​ ഇന്ത്യൻ കുടുംബങ്ങൾ സഞ്ചരിച്ച കാർ റിയാദിന്​ സമീപം മറ്റൊരു കാറുമായി കൂട്ടിയിടിച്ച്​​ ചെറിയ കുട്ടികളടക്കം അഞ്ച് മരണം. ഒരാൾക്ക്​ ഗുരുതര പരിക്ക്​. വ്യാഴാഴ്​ച പുലർച്ചെയുണ്ടായ അപകടത്തിൽ ഹൈദരാബാദ് സ്വദേശി അഹ്​മദ് അബ്​ദുറഷീദി​െൻറ ഭാര്യ ഖന്‍സ, മകള്‍ മറിയം (മൂന്ന് വയസ്​​), രാജസ്ഥാന്‍ സ്വദേശിയായ മുഹമ്മദ് ഷാഹിദ് ഖത്രി (24), ഭാര്യ സുമയ്യ, അമ്മാര്‍ (നാല്​ വയസ്​) എന്നിവരാണ് മരിച്ചത്. അഹ്​മദ് അബ്​ദുറഷീദ് ഗുരുതര പരിക്കുകളോടെ ആശുപത്രിയിലാണ്​. അപകടനില തരണം ചെയ്തിട്ടില്ല.

അടുത്ത സുഹൃത്തുക്കളായ അഹ്​മദ് അബ്​ദുറഷീദും മുഹമ്മദ് ഷാഹിദ് ഖത്രിയും റിയാദിലാണ്​ ​േജാലി ചെയ്യുന്നത്​. ഇരുവരും സകുടുംബം റിയാദിലെ സുവൈദി ഡിസ്​ട്രിക്​റ്റിലാണ്​ താമസിക്കുന്നത്​. അടുത്തടുത്ത ഫ്ലാറ്റുകളിലാണ്​ താമസിക്കുന്നതും. ഒരു കാറിലാണ്​ ഇരുകുടുംബങ്ങളും വ്യാഴാഴ്​ച പുലർച്ചെ മക്കയിലേക്ക്​ പുറപ്പെട്ടത്​. എന്നാൽ യാത്ര തുടങ്ങി അധികം കഴിയും മുമ്പ്​ തന്നെ അപകടമുണ്ടായി. എതിർവശത്തുനിന്ന് വന്ന കാറുമായി ഇവരുടെ കാർ കൂട്ടിയിടിക്കുകയായിരുന്നു.

ഹൈദരാബാദ് സ്വദേശിയായ അഹ്​മദ് അബ്​ദുറഷീദിനൊപ്പം ഗർഭിണിയായ ഭാര്യ ഖൻസ, മകൾ മറിയം എന്നിവരാണ് ഉണ്ടായിരുന്നത്. രാജസ്ഥാനിലെ സികാർ സ്വദേശിയായ മുഹമ്മദ് ഷാഹിദ് ഖത്രിയോടൊപ്പം ഭാര്യ സുമയ്യ, മകൻ അമ്മാർ അഹ്​മദ് എന്നിവരുമുണ്ടായിരുന്നു. അഹ്​മദ് അബ്​ദുറഷീദി​െൻറ ഭാര്യ ഖൻസയും മകൾ മറിയവും അപകടസ്ഥലത്തുതന്നെ മരിച്ചു. ഗുരുതരമായി പരിക്കേറ്റ അഹ്​മദ് അബ്​ദുറഷീദ് അപകടനില തരണം ചെയ്തിട്ടില്ല. ഷാഹിദ് ഖത്രിയും ഭാര്യയും മകനും മരിച്ചു. ഷാഹിദും മകനും അപകട സ്ഥലത്തും ഭാര്യ സുമയ്യ ആശുപത്രയിലുമാണ് മരിച്ചത്. മൃതദേഹങ്ങൾ വെള്ളിയാഴ്ച റിയാദിൽ ഖബറടക്കും.