റി​യാ​ദി​ലെ ഭ​ക്ഷ്യ വി​ഷ​ബാ​ധ; കേ​സു​ക​ളു​ടെ എ​ണ്ണം 75 ആ​യി, ഒ​രു മ​ര​ണം - ആ​രോ​ഗ്യ മ​ന്ത്രാ​ല​യം

റി​യാ​ദ്​: റി​യാ​ദി​ൽ അ​ടു​ത്തി​ടെ​യു​ണ്ടാ​യ ഭ​ക്ഷ്യ​വി​ഷ​ബാ​ധ കേ​സു​ക​ളു​ടെ എ​ണ്ണം 75 ആ​യ​താ​യി ആ​രോ​ഗ്യ മ​ന്ത്രാ​ല​യം വ്യ​ക്ത​മാ​ക്കി. 69 പൗ​ര​ന്മാ​രും ആ​റ്​ താ​മ​സ​ക്കാ​രും ഇ​തി​ലു​ൾ​പ്പെ​ടും. ക​ഴി​ഞ്ഞ അ​ഞ്ച് ദി​വ​സ​ങ്ങ​ളി​ൽ ഭ​ക്ഷ്യ​വി​ഷ​ബാ​ധ​യു​ടെ പു​തി​യ കേ​സു​ക​ളൊ​ന്നും രേ​ഖ​പ്പെ​ടു​ത്തി​യി​ട്ടി​ല്ലെ​ന്നും മ​ന്ത്രാ​ല​യം പ​റ​ഞ്ഞു. 43 കേ​സു​ക​ൾ സു​ഖം പ്രാ​പി​ച്ച് ആ​ശു​പ​ത്രി​യി​ൽ നി​ന്ന് ഡി​സ്​​ചാ​ർ​ജ് ചെ​യ്യ​പ്പെ​ട്ടു. 11​ പേ​ർ ആ​ശു​പ​ത്രി​യി​ലാ​ണ്. 20 പേ​ർ തീ​വ്ര​പ​രി​ച​ര​ണ​ത്തി​ലും. ഒ​രാ​ൾ മ​ര​ണ​പ്പെ​ട്ടു. ഭ​ക്ഷ്യ​വി​ഷ​ബാ​ധ കേ​സു​ക​ൾ ഒ​രൊ​റ്റ ഉ​റ​വി​ട​വു​മാ​യി ബ​ന്ധ​പ്പെ​ട്ടി​രി​ക്കു​ന്നു​വെ​ന്നും ആ​രോ​ഗ്യ മ​ന്ത്രാ​ല​യം പ​റ​ഞ്ഞു. ബ​ന്ധ​പ്പെ​ട്ട സ​ർ​ക്കാ​ർ ഏ​ജ​ൻ​സി​ക​ളു​ടെ സം​യോ​ജി​ത ശ്ര​മ​ങ്ങ​ളാ​ണ് ഭ​ക്ഷ്യ​വി​ഷ​ബാ​ധ നി​യ​ന്ത്രി​ക്കാ​നാ​യ​ത്. ആ​ശു​പ​ത്രി​യി​ൽ പ്ര​വേ​ശി​പ്പി​ക്ക​പ്പെ​ട്ട കേ​സു​ക​ളു​ടെ തു​ട​ർ​ന​ട​പ​ടി​ക​ളും ആ​രോ​ഗ്യ​പ​രി​ര​ക്ഷ​യും തു​ട​രു​ന്നു. എ​ല്ലാ​വ​രും വേ​ഗ​ത്തി​ൽ സു​ഖം പ്രാ​പി​ക്ക​​ട്ടെ​യെ​ന്നും ആ​രോ​ഗ്യ മ​ന്ത്രാ​ല​യം പ​റ​ഞ്ഞു. അ​തേ​സ​മ​യം ക​ഴി​ഞ്ഞ​യാ​ഴ്ച റി​യാ​ദ് ന​ഗ​ര​ത്തി​ൽ ഭ​ക്ഷ്യ​വി​ഷ​ബാ​ധ​യു​ണ്ടാ​യ​തി​നു കാ​ര​ണ​മാ​യ ഭ​ക്ഷ​ണ​ശാ​ല​യെ റി​യാ​ദ് മു​നി​സി​പ്പാ​ലി​റ്റി​ക്കു കീ​ഴി​ലെ ഭ​ക്ഷ്യ​വി​ഷ​ബാ​ധ സം​ഭ​വ​ങ്ങ​ൾ​ക്കാ​യു​ള്ള എ​പ്പി​ഡെ​മി​യോ​ള​ജി​ക്ക​ൽ ഇ​ൻ​വെ​സ്റ്റി​ഗേ​ഷ​ൻ ക​മ്മി​റ്റി കു​റ്റ​പ്പെ​ടു​ത്തി. രോ​ഗി​ക​ളു​ടെ റി​പ്പോ​ർ​ട്ടു​ക​ളു​ടെ​യും പ്ര​ത്യേ​ക അ​ന്വേ​ഷ​ണ​ങ്ങ​ളു​ടെ​യും ഫ​ല​ങ്ങ​ൾ പൂ​ർ​ത്തി​യാ​കു​ന്ന​തോ​ടെ അ​വ​ർ​ക്കെ​തി​രെ​യു​ള്ള സാ​മ്പ​ത്തി​ക പി​ഴ​ക​ൾ നി​ർ​ണ​യി​ക്കു​മെ​ന്നും ക​മ്മി​റ്റി പ​റ​ഞ്ഞു.