ഫോർമുല വൺ സൗദി ഗ്രാൻഡ്​​ ​പ്രിക്​സ്; പരീക്ഷണയോട്ടം​ തുടങ്ങി

ജിദ്ദ: ഫോർമുല വൺ സൗദി ഗ്രാൻഡ്​​ ​പ്രിക്​സ് മത്സരത്തിന് മുന്നോടിയായുള്ള പരീക്ഷണ ഓട്ടത്തിന്​ തുടക്കം. ലോകത്തിലെ ഏറ്റവും പ്രമുഖരായ ചാമ്പ്യന്മാരടക്കം 20 കാറോട്ട താരങ്ങൾ മാറ്റുരക്കുന്ന ​ഫോർമുല വൺ കാറോട്ട മത്സരത്തി​െൻറ പരീക്ഷണ ഒാട്ടം വെള്ളിയാഴ്​ച ഉച്ചക്ക്​ ശേഷമാണ്​​ ജിദ്ദ കോർണിലൊരുക്കിയ ട്രാക്കിൽ ആരംഭിച്ചത്​.

ലോക താരങ്ങളുടെ മത്സര ഒാട്ടം നേരിട്ട്​ കാണാൻ രാജ്യത്തിനകത്തും പുറത്തും നിന്നുള്ള ഫോർമുല വൺ കായിക പ്രേമികളായ നൂറുക്കണക്കിനാളുകളാണ്​ ജിദ്ദയിലെത്തിയത്​.​ കോർണിഷി​ലെ ട്രാക്കിന്​ വശങ്ങളിലായി സജ്ജീകരിച്ച ഗാലറികളിൽ തുടക്കത്തിന്​ മണിക്കൂറുകൾ മുമ്പ് തന്നെ സ്​ത്രീകളും കുട്ടികളുമടക്കമുള്ളവർ ഇടം പിടിച്ചിരുന്നു.

യോഗ്യതാ മത്സരത്തി​ന് മുന്നോടിയായി ഡ്രൈവർമാർക്ക്​ പുതിയ ട്രാക്കുമായി ​പരിചയപ്പെടുന്നതിനാണ്​ പരീക്ഷണ ഒാട്ടം ഒരുക്കിയത്​. വെള്ളി, ശനി ദിവസങ്ങളിലായി നടക്കുന്ന​ മൂന്ന്​ പരീക്ഷണ ഒാട്ടത്തിനു ശേഷം ശനിയാഴ്​ച വൈകീട്ടാണ്​​ യോഗ്യതാ മത്സരം. ഏറ്റവും വേഗതയേറിയ സമയത്തിനനുസരിച്ച് ഡ്രൈവർമാരെ തരംതിരിക്കും. ഇവരായിരിക്കും ഞായറാഴ്ച വൈകീട്ട് നടക്കുന്ന സമാപന വേഗപേരാട്ടത്തിൽ മാറ്റുരക്കുക.

ആദ്യമായാണ്​ സൗദിയിൽ ഫോർമുല വൺ കാറോട്ട മത്സരം നടക്കുന്നത്​. എട്ട്​ മാസത്തെ ഒരുക്കങ്ങൾക്ക്​ ശേഷമാണ്​ അന്താരാഷ്​ട്ര ക​ാറോട്ട മത്സരത്തിനുള്ള ട്രാക്ക്​ ചെങ്കടൽ തീരത്തെ കോർണിഷ് തീരത്ത്​ ഒരുക്കിയത്​. വിഷൻ 2030െൻറ ഭാഗമായ 'ക്വാളിറ്റി ഒാഫ്​ ലൈഫ്​ പ്രോഗാമിന്'​ കീഴിലാണ്​ ഇത്തരമൊരു മത്സരം കായിക മന്ത്രാലയം സംഘടിപ്പിച്ചിരിക്കുന്നത്​.

ഏറ്റവും ​നീളം കൂടിയതും വേഗതയേറിയതുമായ ട്രാക്ക്​ സുരക്ഷിതവും സജ്ജവുമാണെന്ന്​​ ഉറപ്പുവരുത്തുന്നതിനുള്ള പരീക്ഷണ ഒാട്ടം സംഘാടകർ വ്യാഴാ​ഴ്​ച നടത്തിയിരുന്നു.