സൗദിയിൽ ബലിപെരുന്നാളിന്​ നാല്​ ദിവസം അവധി

റിയാദ്​: ബലിപെരുന്നാൾ ​പ്രമാണിച്ച്​ സൗദി അറേബ്യയിലെ സ്വകാര്യ മേഖലാസ്ഥാപനങ്ങൾക്ക്​​ നാല്​ ദിവസത്തെ അവധി പ്രഖ്യാപിച്ചു. ജൂൺ 15 (അറഫ ദിവസം) മുതൽ തുടർച്ചയായ നാല്​ ദിവസം ബലിപെരുന്നാൾ അവധിയായിരിക്കുമെന്ന്​​ മാനവ വിഭവ സാമൂഹിക വികസന മന്ത്രാലയം വ്യക്തമാക്കി. തൊഴിൽ വ്യവസ്ഥയിലെ എക്സിക്യൂട്ടീവ്​ ആർട്ടിക്കിൾ 24 പ്രകാരമാണ്​ അവധി പ്രഖ്യാപനമെന്നും ഇത്​ പാലിക്കാൻ എല്ലാ സ്വകാര്യ സ്ഥാപനങ്ങളും ബാധ്യസ്ഥമാണെന്നും മന്ത്രാലയം വ്യക്തമാക്കി.