ഫ്രണ്ട്സ് മദീന ജേതാക്കൾ
text_fieldsമദീന: ഫ്രണ്ട്സ് മദീന ആർട്സ് ആൻറ് സ്പോർട്സ് ക്ലബ് 12ാം വാർഷികത്തോടനുബന്ധിച്ച് നാലാമത് ഫുട്ബാള്ഫെസ്റ്റ് സംഘടിപ്പിച്ചു. ലാലീഗാ ഫ്ലഡ് ലിറ്റ് സ്റ്റേഡിയത്തില് സീനിയര് ജൂനിയര് വിഭാഗങ്ങളിലായി നടന്ന മത്സരത്തില് ഫ്രണ്ട്സ് മദീനയും, ജൂനിയർ ഫ്രണ്ട്സ് മദീനയും യഥാക്രമം ജേതാക്കളായി.
14 ടീമുകൾ പങ്കെടുത്ത ടൂര്ണമെൻറിൽ ഗോൾരഹിതമായ ഫൈനലിൽ അൽ ഹാർത്തി കോൾഡിനെ പെനാൽറ്റി ഷൂട്ടൗട്ടിലൂടെയാണ് ഫ്രണ്ട്സ് മദീന പരാജയപ്പെടുത്തിയത്. ജൂനിയര് വിഭാഗത്തില് നടന്ന മത്സരത്തിൽ 'എഫ് സി സോക്കർ മദീന' യെ എതിരില്ലാത്ത ആറ് ഗോളിന് പരാജയപ്പെടുത്തിയാണ് 'ജൂനിയർ ഫ്രണ്ട്സ് മദീന' വിജയിച്ചത്.
ഇസ്ഹാഖ് മുസാഫിര്, ശുക്കൂര്, സൈദ് മൂന്നിയൂർ വിജയികള്ക്ക് ട്രോഫികൾ കൈമാറി.
മന്സൂര് മണ്ണര്ക്കാടിെൻറ നേതൃത്വത്തില് കുട്ടികൾക്ക് ഫുട്ബാള് പരിശീലനം നടന്നു.അജ്മല് മുഴിക്കല് അധ്യക്ഷത വഹിച്ചു.
റഷീദ് പേരാമ്പ്ര ഉദ്ഘാടനം ചെയ്തു. സൈദ് മൂന്നിയൂര്, ബഷീര് കോഴിക്കോടന്, ഗഫൂര് തെന്നല, മഹ്ഫൂസ് കുന്ദമംഗലം, ഹിഫ്സു മാവൂര് എന്നിവര് ആശംസകള് നേർന്നു. ആഷിഖ് പൊന്നാനി സ്വാഗതവും ഹനീഫ കുന്ദമംഗലം നന്ദിയും പറഞ്ഞു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.